Lûke 16:13 - Mbëtï Ndjapä: TÄFO MADƗ̈

¹³ «Earə̂ kua balë wâbo ndə̂kə̂ mbo kua sə̈ agbölö azü bïchuû-a. Bëte tchê koadje sə̂ ngânə̈ balë ânyë kə̂ nyiadje ndə̂ ngânə̈ balë. Âdəndjë rə̂ tchê zadje tə̂ yê gbɛ̂ sə̈ dokʉ̈ nə̈ ânyë kə̂ koadje sə̂ bïchuû nə̈. Âwâbo pä nyë mbo kua sə̈ Ndjapä, kə̂ ngbo rə̂ la kua makətche-a.»

Lûke 16:13 Iomraidhean Croise

Matiyə̈ 4:10

Jezü tô rə̂ sə̈ tchë päkëdə̂: «Gitə̂ zə̈ chï, Satäa! Mbëtï Ndjapä tö rə̂ päkëdə̂: ‹Äwäpä mo gʉte tchâtchâ Ndjapä Gbölö Gbïɛ̈ ndə̂ zə̈, kə̂ voga kütû tchë balë.›»

Matiyə̈ 6:24

«Akrə balë wâbo ndə̂kə̂ mbo kua sə̈ agbölö azü bïchuû-a. Bëte tchê koadje sə̂ ngânə̈ balë ânyë kə̂ nyiadje ndə̂ ngânə̈ balë. Âdəndjë rə̂ tchê zadje tə̂ yê gbɛ̂ sə̈ dokʉ̈ nə̈ ânyë kə̂ koadje sə̂ bïchuû nə̈. Âwâbo pä nyë mbo kua sə̈ Ndjapä, kə̂ ngbo rə̂ la kua makətche-a.»

Lûke 11:23

«Akrə ndə̂ tche wâbô wâtə̂ tchandə̂ me nə̈, dëkë tche də̈ akrə ndə̂ tche kôsə̂ mê, ânyë akrə ndə̂ tche wâbô wâ ndə̂kə̂ pala rə la mê, dëkë tche wätə̂ akrə ndə̂ tchê ndjondjo tchə̂lə̂ rə katchôgbɛ̂.»

Lûke 14:26

«Âdə akrə ânyində̂ kə̂ nə ngbâ mê, ndə̂kə̂ watə̂ djisîpili ndə̂ mê, ânyë kə̈ kôâbô kôsə̂ bha nə̈ la anyï nə̈, la ɛ̈chë ndə̂ yê, la abechë ndə̂ yê, la ayîngâ yê, la anyînə̂ nə̂, ânyë kə̈ kôâbô ndjë sə̂ tə̂ yê la tə̂ yê kô-ê, tchê wabô tə̂ djisîpili ndə̂ mê tee-a.

Lûke 16:12

Âdə nyë âmboabô rə mbô djîrə̂ la arə ndə̂ âwâtə̂ andə̂ ngâ akrə, tchabâ kä ndə̂ âzadje rə sə̈ nyê ndə̂ âwâtə̂ andə̂ nye nə̈?

Lûke 16:9

Jezü kä tô rə̂ sə̈ andjê päkëdə̂: «Andə̂ me nə̈, më tô rə̂ sə̈ nyë päkëdə̂: Arə tchêbêche âtə ndə̂ âbolo azü lâme, nyë kʉ̈ rə̂ kə̂ za könô sə̈ araagü nyê la rə̂, ânyë lo nə̈ ndə̂ arə nə̈ lâme âwabô wâ tchânə̂ nyê, andjê kʉadje nyê lə̂ anda ndə̂ logbɛ̂ logbɛ̂.

Lûke 9:50

Jezü tô rə̂ ndə̂nə̈ sə̈ tchë päkëdə̂: «Nyë kïäbô kîtə̂ köbo tə̂ yê, bëte akrə ndə̂ tche kôâbô sə̂ nyê kô-ê, tche də̈ tchandə̂ nye nə̈.»

Jâke 4:4

Nyënyê ndə̂ nyë wâ batə̂ azü ndə̂ andjë pu aɛ̈chë âdəndjë aköchë ndə̂ angâ andjê âtə! Nyë wûn-âbo sə̂nə̈ pä akrə ndə̂ tche zâ agü la tchêbêche âtə, tche wätə̂ akrə ndə̂ tche kôsə̂ Ndjapä? Akrə ndə̂ tche nyîndə̂ kə̂ za agü la tchêbêche âtə, dëkë tche wâ nə̂ tə̂ akrə ndə̂ tche kôsə̂ Ndjapä.