Lûke 16:1 - Mbëtï Ndjapä: TÄFO MADƗ̈

¹ Jezü tô rə̂ sə̈ adjisîpili ndə̂ yê päkëdə̂: «Ngâ earə̂ rə alême kä tâ ndə̂ tche wâ la ngâ akrə ndə̂ tche zâ tchë ndə̂kə̂ wün tchô pâ arə ndə̂ yê. Azü nə̂ kə̈ tô rə̂ sə̈ earə̂ rə lâme pä earə̂ kua ndə̂ yê kä lakə̂ ndɨ arə ndə̂ yê.

Lûke 16:1 Iomraidhean Croise

Matiyə̈ 20:8

«La zɨtɨ tchêndə̂gölo, earə̂ kɨ̈ndɨ̈ vînye nə̈ tô rə̂ sə̈ kabïta ndə̂ yê päkëdə̂: ‹Amö e azü kua nə̈ gbɛ̂ kə̈ kʉ̂ makətche ndə̂ andjê sə̈ andjê. Amö dokʉ̈tchê tə̂ andjanə̈ ndə̂ më ê andjê dəngbânə̈ lâme, ânyë kə̂ wutu tə̂ andjanə̈ ndə̂ më ê andjê dokʉ̈tchê lâme.›

Lûke 12:42

Gbölö Gbïɛ̈ tô rə̂ ndə̂nə̈ sə̈ tche päkëdə̂: «Tchabâ kä ndə̂ âdə̂ djîrə̂ earə̂ kə̂ bata rə, ânyë kə̈ wûnsə̂ rə? Tche də̈ tchanə̈ ndə̂ gbölö akrə ndə̂ yê gbôtə̂ yê ndə̂kə̂ wun tchô pâ a-earə̂ kua ndə̂ yê, ânyë âdə lo nə̈ âta tâ, tche kʉ kɨ̈zɨ̂ ndə̂ andjê sə̈ andjê.

Lûke 15:13

La tchêngbâ kpîɛ̂kpîɛ̂ lö, angɨ nə̈ kâ arə ndə̂ yê lâme gbɛ̂, ânyë kə̈ rô la makətche nə̈ ngrɨ̈ atə̂lə̂ ngâ gö. Bhâye, tche ndɨ̂ arə ndə̂ yê gbɛ̂ lakə̂ mbo angbongbo rə.

Lûke 15:30

Gbô rə̂ ndə̂, mo âsə̈ wun modô ndə̂ zə̈ ndə̂ tche kângbâ yê, tchetchë ndə̂ tche ndɨ̈ arə ndə̂ zə̈ gbɛ̂ tə̂ pö ndə̂ aɛ̈chë ndə̂ kua ndə̂ andjê wâ ndə̂kə̂ pu aköchë lâme, mo wôn bâgala ndə̂ azə̈ mbô rə̂ pä tche wa la jrôâ tə̂ yê lâme bëte tchë!›

Lûke 16:19

«Ngâ köchë alême kä tâ ndə̂ tche wâtə̂ earə̂ rə. Tche yü kütû atchôtchô alə̂ba ndə̂ gbölö makətche. Tche sə̈ la sə̂nə̈ logbɛ̂, ndjë kütû kpülü la kpülü kä lə̂ manda ndə̂ yê.

Lûke 16:2

Gbölö akrə lâme ê earə̂ kua nə̈, kə̈ tô rə̂ sə̈ tchë päkëdə̂: ‹Pö giamâ kä ndə̂ më djê rə̂ tə̂ zə̈ kâkë? Amö nyisə̂ tchêngbâ kə̈ bata rə ndə̂ zə̈ sə̈ mê! Bëte më nyî bata ndə̂nə̈ pä mo ka wûn tchô pâ arə ndə̂ mê-a.›

Lûke 19:20

Vötaâ earə̂ kua nə̈ nə̂, kə̈ tô rə̂ päkëdə̂: ‹Gbïɛ̈, makətche ndə̂ zə̈ kä âtə. Më gʉ̈ä rə̂ la ndöma lə̂ba kə̈ zâ rə̂ wü.

Lûke 8:3

la Jâne, ɛ̈chë ndə̂ Chuzä, earə̂ kə̂ bata arə ndə̂ Hërôde la Suzâne la angâ angbängbä aɛ̈chë ndə̂ andjë kʉ̂ rə ndə̂ andjê ndə̂kə̂ mbo rə̂ la Jezü la adjisîpili ndə̂ yê.

Tîte 1:7

Akrə ndə̂ tche sə̂ tə̂ küma Egilîze, tche wätə̂ akrə ndə̂ tche wun tchô pâ arə ndə̂ Ndjapä, âwâbo pä ngâ pö ndə̂kə̂ gbɨtɨ tü balë wa lə̂ küma yê-a. Tche də̂âbo akrə ndə̂ tche bhi gogo yê-a, âdəndjë akrə ndə̂ mêrâ-a. Tche də̂âbo akrə ndə̂ tche zâtə̂ yê gbɛ̂ ndə̂kə̂ djo pî-a, âdəndjë akrə ndə̂kə̂ mbo kʉ̈ʉ̈-a. Tche də̂âbo akrə ndə̂ tche gbo arə ndə̂ yê lə̂ köbosə̂ ngbongbo kə̂ gbo rə-a.

Jâke 4:3

Âdə nyê âyukû nə̈ ânyë kə̈ gbôâbô rə̂ gbô-ê, bëte nyë yûâbo kû nə̈ la köbo nə̈-a, praâbalë nyë yükû nə̈ ndə̂kə̂ ndɨ rə̂ tə̂ pö ndə̂ arə ndə̂ âtcho tə̂ nyê.

Dokʉ̈ Pîêre 4:10

Äwäpä akrə balë balë mbo kua la rə ndə̂ Yingö ndə̂ tche gbô rə̂ lə̂ köbosə̂ tchôtchô su ndə̂ Ndjapä bëte dâkâ ndə̂ angâ yê. Nyê wadje tə̂ atchôtchô a-earə̂ kə̂ bata arə ngbî ngbî ndə̂ Yingö, ndə̂ Ndjapä kʉ rə̂ sə̈ azü lə̂ köbosə̂ tchôtchô su yê.