Lûke 15:7 - Mbëtï Ndjapä: TÄFO MADƗ̈

⁷ «Käko ndjë, më tö rə̂ sə̈ nyë: Ngâ gbölö mômô wadje bhâ lafô, bëte earə̂ ngbongbo rə balë ndə̂ tche gbotə̂ bəndɨ kə̂ mbo rə ndə̂ yê. Mômô lâme rö andə̂ adjîrə̂ azü tə̂ azü voanə̈ la lə̂ könô gbɛ̂ tchêpâ nə̈ mïndûu manə̈ vöanə̈ (99) ndə̂ andjë wäbô wâ la gʉ ndə̂kə̂ gbotə̂ bəndɨ köbo andjê.»

Lûke 15:7 Iomraidhean Croise

Matiyə̈ 18:13

Ɛn-ɛn, tə̂ lëge nə̈ më tö rə̂ sə̈ nyê, âdə tche âgbo tchë, kə̂ wa la mômô tə̂ gbölösə̂nə̈ âro mômô ndə̂ tche wâ la rə̂ bëte aɛ̈bro-ngbaga tə̂ azü voanə̈ la lə̂ könô gbɛ̂ tchêpâ nə̈ mïndûu manə̈ voanə̈ ndə̂ andjë yûâbô yû lâme.

Matiyə̈ 3:8

Nyë mbö rə ndə̂ ânyîsə̂ pä nyë gbôtə̂ bəndɨ kə̂ mbo rə ndə̂ nyê nə̂.

Lûke 15:10

Käko ndjë, më tö rə̂ sə̈ nyê, mômô kä lə̂ gbâtə̂ aânje ndə̂ Ndjapä bëte ngâ earə̂ ngbongbo rə balë ndə̂ tche gbôtə̂ bəndɨ kə̂ mbo rə ndə̂ yê.»

Lûke 15:29

Praâbalë tche tô rə̂ sə̈ bha nə̈ päkëdə̂: ‹Wünsa ngâ rə! Më mbö kua ndə̂ zə̈ lə̂ angbängbä angû, më kôâbo sə̂ ma zə̈-a, praâbalë mo zâbo ndjë ngâ kûtiɛ̈ ɛ̈bro balë sə̈ mê ndə̂kə̂ pa më mbo ndjë kpülü la araagü mê-a.

Lûke 15:32

Praâbalë azə̈ wä âme ndə̂kə̂ mbo kpülü, kə̂ vu ngɨ̈ bëte yîngâ zə̈ âtə, tche tchû alême nə̂ ânyë kə̈ jô âtə, tche yû alême nə̂ ânyë a gbô tchë âtə!›»

Lûke 15:6

kə̂ gu la tchë atə̂ndə̂ yê. La tchêngbâ nə̈ tche e araagü nə̈, la azü ndə̂ andjë lô ndola tchë, kə̂ to rə̂ sə̈ andjê päkëdə̂: ‹Nyë nə̈ azə̈ vû ngɨ̈, bëte ɛ̈bro-ngbaga ndə̂ mê ndə̂ tche yû alême, më gbô tchë nə̂!›

Lûke 15:8

«Âdəndjë rə̂ ndə̂ ngâ ɛ̈chë âwa la mîɛ̈-makətche lə̂ könô gbɛ̂, ânyë ngânə̈ balë yû, tchê zabô wo lə̂ lâmba, kə̂ gro tchâalê ndə̂ sɨ̂nyî nə̈, lakə̂ pu rə̂ zoo, kə̂ gbo rə̂ ânyë?

Lûke 16:15

Jezü tô rə̂ sə̈ andjê päkëdə̂: «Nyë nyïsə̂ nə̈ lə̂ la azü pä nyë wätə̂ adjîrə̂ azü, praâbalë Ndjapä wûnsə̂ arə bhâlə̂ su nyê nə̂ gbɛ̂. Bëte rə ndə̂ azü wûn rə̂ batə̂ gbölö rə, Ndjapä wün andə̂ yê nə̈ batə̂ ngâ rə ndə̂ tche kôsə̂ nə̈.

Lûke 5:32

Më nə̂âbo ndə̂kə̂ e adjîrə̂ azü-a, praâbalë më nə̈ bëte a-earə̂ ngbongbo rə, ndə̂kə̂ pa andjë gbotə̂ bəndɨ kə̂ mbo rə ndə̂ andjê.»

Rômo 7:9

Dokʉ̈tchê alême ndə̂ më wûn-âbô sə̂ ndïɛ̈ wûn, më sə̈ la tʉ̈rʉ̂ la mê. Praâbalë ndə̂ më wûnsə̂ ndïɛ̈, ngbongbo rə gbö köbo ndə̂kə̂ wa la tʉ̈rʉ̂ la