Lûke 15:6 - Mbëtï Ndjapä: TÄFO MADƗ̈

⁶ kə̂ gu la tchë atə̂ndə̂ yê. La tchêngbâ nə̈ tche e araagü nə̈, la azü ndə̂ andjë lô ndola tchë, kə̂ to rə̂ sə̈ andjê päkëdə̂: ‹Nyë nə̈ azə̈ vû ngɨ̈, bëte ɛ̈bro-ngbaga ndə̂ mê ndə̂ tche yû alême, më gbô tchë nə̂!›

Lûke 15:6 Iomraidhean Croise

Lûke 1:58

Azü ndə̂ andjë lô ndola Alîsabëte la arə̂mâ ndə̂ yê djê pö ndə̂ gbölö dâkâ ndə̂ Gbölö Gbïɛ̈ mbô rə̂ tə̂ yê, andjë gbɛ̂ wâ ndjë la mômô tə̂ su andjê batə̂ tchë.

Lûke 15:10

Käko ndjë, më tö rə̂ sə̈ nyê, mômô kä lə̂ gbâtə̂ aânje ndə̂ Ndjapä bëte ngâ earə̂ ngbongbo rə balë ndə̂ tche gbôtə̂ bəndɨ kə̂ mbo rə ndə̂ yê.»

Lûke 15:24

bëte modô ndə̂ mê ndə̂ nyê wun tchë âtə, tche tchû alême nə̂ ânyë kə̈ jô âtə, tche yû alême nə̂ ânyë më kä gbô tchë âtə.› Andjë jêtə̂ kə̂ mbo gbölö kpülü nə̈.

Lûke 15:5

Âdə tche âgbo tchë, kə̂ wa la mômô, tche âza ɛ̈bro-ngbaga lâme ëpâ kängä yê,

Lûke 15:7

«Käko ndjë, më tö rə̂ sə̈ nyë: Ngâ gbölö mômô wadje bhâ lafô, bëte earə̂ ngbongbo rə balë ndə̂ tche gbotə̂ bəndɨ kə̂ mbo rə ndə̂ yê. Mômô lâme rö andə̂ adjîrə̂ azü tə̂ azü voanə̈ la lə̂ könô gbɛ̂ tchêpâ nə̈ mïndûu manə̈ vöanə̈ (99) ndə̂ andjë wäbô wâ la gʉ ndə̂kə̂ gbotə̂ bəndɨ köbo andjê.»

Jâan 15:14

Âdə nyê âmbo rə gundə̂sə̂ kə̂ zama ndə̂ mê, nyë wätə̂ araagü mê.

Jâan 3:29

Akrə ndə̂ tche wâ la ɛ̈chë, tche də̈ köchë ndə̂ ɛ̈chë nə̈. Praâbalë agü köchë ndə̂ ɛ̈chë nə̈ âkrʉ ndrotə̂ köchë nə̈, kə̂ wa la gbölö mômô lakə̂ dje tchə̂lə̂ gɨ̈ köchë ndə̂ ɛ̈chë nə̈. Dju mômô ndə̂ mê nə̈ kä lâme, mômô nə̈ dâka gbɛ̂.

Abadjângele 11:23

Ndə̂ tche wûtu bhâye, tche wûn rə̂ ndə̂ Ndjapä mbô tchôtchô su tə̂ azü nə̈. Tche wâ la mômô, ânyë kə̈ zâ wängö sə̈ andjê ndə̂kə̂ pa andjë za su andjê gbɛ̂ lakə̂ sə kpô ngbâ Gbölö Gbïɛ̈ logbɛ̂.

Abadjângele 15:3

Azü ndə̂ Egilîze ndə̂ Äntïyôche kʉ̂ rə sə̈ andjê bëte wrʉ̂ ndə̂ andjê nə̈. Andjë rô də Fenisï la Samarï kə̈ sə̂ lakə̂ to rə̂ sə̈ azü, köbosə̂ nə̈ ndə̂ azü ndə̂ andjë wâbô wâtə̂ ajuîfu kâ pu Ndjapä. Pö lâme zâ mômô tə̂ su arə̂mâ nə̈ gbɛ̂.

Fïlîpe 1:4

Logbɛ̂ ndə̂ mê âsə̈ to pö sə̈ Ndjapä bëte nyê gbɛ̂, më tö pö la mômô tə̂ su mê,

Fïlîpe 2:17

Âdə jï mê âwa ndə̂kə̂ tu batə̂ ngâ ngela ndə̂ nyë wâ rə̂ sə̂ Ndjapä lə̂kə̂ mbo kua ndə̂ Ndjapä ndə̂ nyê, më wä la mômô ânyë azə̈ la nyê gbɛ̂ wa la mômô.

Fïlîpe 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, më wä la gʉ ndə̂kə̂ ka wun nyê! Më wä la mômô lə̂ köbosə̂ nyê ânyë tə̂ mê krâ tə̂ gbölösə̂nə̈! Käko arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë kpokpo tə̂ nyê lə̂ köbosə̂ nə̈ ndə̂ nyë wâ balë la Gbölö Gbïɛ̈.

Dokʉ̈ Tësälönîke 2:19

Käko tə̂ lo ndə̂kə̂ ka ndə̂ Gbölö Gbïɛ̈ Jezü, giamâ kä ndə̂ ârâ za su ârâ pânə̈, giamâ kä âkə̂ watə̂ mômô ndə̂ ârâ, giamâ kä ndə̂ ârâ gbo rə̂ ngbâ kua ndə̂ ârâ mbô rə̂ ndjoa etə̂ manə̈? Âdə̂âbo nyê?

Dokʉ̈ Pîêre 2:10

Dokʉ̈tchê alême nyë wâbo tə̂ azü gö ndə̂ Ndjapä-a, praâbalë angaâtə, nyë wâ nə̂ tə̂ azü gö ndə̂ yê. Dokʉ̈tchê alême Ndjapä wûn-âbo nyonyo nyê-a, praâbalë angaâtə, tche wûn nyonyo nyê nə̂.

Dokʉ̈ Pîêre 2:25

Bëte nyë yû alême nə̂ batə̂ aɛ̈bro-ngbaga, praâbalë angaâtə, nyë kâ nə̂ pu Krîsiti ndə̂ tche wâ batə̂ earə̂ kə̂ batə̂ aɛ̈bro-ngbaga, ndjë la earə̂ kə̂ bata vrö nyê.