Lûke 15:5 - Mbëtï Ndjapä: TÄFO MADƗ̈

⁵ Âdə tche âgbo tchë, kə̂ wa la mômô, tche âza ɛ̈bro-ngbaga lâme ëpâ kängä yê,

Lûke 15:5 Iomraidhean Croise

Lûke 15:32

Praâbalë azə̈ wä âme ndə̂kə̂ mbo kpülü, kə̂ vu ngɨ̈ bëte yîngâ zə̈ âtə, tche tchû alême nə̂ ânyë kə̈ jô âtə, tche yû alême nə̂ ânyë a gbô tchë âtə!›»

Lûke 15:4

«Tchanə̈bâ köchë nə̈ lə̂ gbâtə̂ nyê kä ndə̂ âwâ la aɛ̈bro-ngbaga ngbangbo balë, ânyë ngânə̈ balë lə̂ gûtə̂ andjê yû, ânyë tche gbôâbô gbôtə̂ adɨ̂ nə̈ tə̂ azü vöanə̈ la lə̂ könô gbɛ̂ tchêpâ nə̈ mïndûu manə̈ voanə̈ (99) lə̂ përä andjê, kə̂ e kə̂ pu tchanə̈ balë ndə̂ tche yü lâme zoo, kə̈ gbo tchë ânyë?

Lûke 15:6

kə̂ gu la tchë atə̂ndə̂ yê. La tchêngbâ nə̈ tche e araagü nə̈, la azü ndə̂ andjë lô ndola tchë, kə̂ to rə̂ sə̈ andjê päkëdə̂: ‹Nyë nə̈ azə̈ vû ngɨ̈, bëte ɛ̈bro-ngbaga ndə̂ mê ndə̂ tche yû alême, më gbô tchë nə̂!›

Lûke 19:9

Jezü tô rə̂ sə̈ tchë päkëdə̂: «Angêta, kə̂ tcha tchô ndə̂ Ndjapä lî lə̂ nda âtə nə̂, bëte momö ndjë gbɛ̂ mo wätə̂ ngâ akrə pâ mawo ndə̂ Abrahâmo.

Lûke 23:43

Jezü tô rə̂ sə̈ tchë päkëdə̂: «Ɛn-ɛn, tə̂ lëge nə̈ më tö rə̂ sə̈ mö: Angêta âtə, mëmê la mö, azə̈ kä lə̂ paradï.»

Jâan 15:11

«Më tö pö lâme sə̈ nyê ndə̂kə̂ pa mômô ndə̂ mê wa lə̂ nyê, käko ânyë mômô ndə̂ nyê nə̈ sɨ̂adje sɨ̈ lə̂ arə gbɛ̂.

Ëfêze 2:10

Bëte Ndjapä kä ndə̂ âmbô azə̂, a mbö azə̂ lə̂ köbosə̂ kə̂ wa balë ndə̂ azə̂ la Jezü Krîsiti, ndə̂kə̂ pa azə̈ mbo atchôtchô arə ndə̂ tche nyikrə rə̂ dokʉ̈tchê ndə̂kə̂ pa azə̈ mbo rə̂.

Ëfêze 3:7

Lə̂ köbosə̂ tchôtchô su Ndjapä, tche zä rə̂ sə̈ mê ndə̂kə̂ watə̂ earə̂ kua ndə̂kə̂ mu Tchôtchô Pö. Tche mbö rə lâme lə̂ köbosə̂ gbôgbô ndə̂ yê.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Bïchuû Timotë 2:26

Käko küma andjê ka lanə̈, ânyë andjë wutu lə̂ gbânda ndə̂ Jâbolo ndə̂ âkʉ̂ andjê la ngbâa lâme, ânyë andjë mbô rə ndə̂ su yê nyîndə̂ nə̈ lâme.

Aheborö 12:2

Äwäpä gbô la azə̂ wa kpôtə̂ Jezü, tchetchë kä ndə̂ ânyîsə̂ köbo kə̂ za su sə̈ Ndjapä tə̂ dokʉ̈ nə̈ ndjoa ëtə̂ manə̈. Tche nyïndə̂ kə̂ tchu pâ yö ndə̂ gba, ânyë ganô ndə̂ âkrʉ̂ bëte tchë lə̂ köbosə̂ kuzü ndə̂ yê nə̈ lâme-ê, tche mbôâbo sə̂nə̈ tə̂ yê-a, bëte tche wün mômô ndə̂ âkrʉ̂ bëte tchë. Angaâtə tche sə̈ lə̂ ngendë-gbïɛ̈ də ndôkö könô Ndjapä.

Dokʉ̈ Pîêre 1:5

Ndjapä âbatadje nyê la gbôgbô ndə̂ yê, lə̂ köbosə̂ kə̂ za su nyê sə̈ tchë, zoo ndə̂kə̂ pa nyë tcha lə̂ kuzü ndə̂ âwâ tchêtchêtchê ndə̂kə̂ mâtə̂ yê lə̂ adɨ̂ alö ndə̂kə̂ krʉ ndə̂ tchêbêche.