Lûke 15:24 - Mbëtï Ndjapä: TÄFO MADƗ̈

²⁴ bëte modô ndə̂ mê ndə̂ nyê wun tchë âtə, tche tchû alême nə̂ ânyë kə̈ jô âtə, tche yû alême nə̂ ânyë më kä gbô tchë âtə.› Andjë jêtə̂ kə̂ mbo gbölö kpülü nə̈.

Lûke 15:24 Iomraidhean Croise

Matiyə̈ 8:22

Jezü tô rə̂ ndə̂nə̈ sə̈ tchë päkëdə̂: «Amö za tchêngbâ mê, kə̂ gbotə̂ akuzü andjë chi akuzü ndə̂ andjê.»

Mâreke 8:22

Jezü la adjisîpili ndə̂ yê wûtu bhâ Betesayidä; angâ azü nə̂ la ngâ earə̂ föla sə̈ tchë, kə̈ dɨ̂ tchə̂lə̂ ma andjê sə̈ tchë ndə̂kə̂ pa tche grʉ tchë.

Lûke 10:19

Nyë djë pö âtə! Më zä gbôgbô sə̈ nyê ndə̂kə̂ nə pâ aɛ̈krʉ̂ la akpâlâkʉ̈ngrʉ̈, ndə̂kə̂ ndɨ gbôgbô ndə̂ Jâbolo, ngâ ngbongbo rə balë âgboabô nyê tee-a.

Lûke 15:23

Nyë kä la bâgala ndə̂ azə̈ mbô rə̂ pä tchë wâ la jrôâ tə̂ yê lâme, kə̂ won tchë, azə̈ zɨ tchë, ânyë kə̂ mbo kpülü,

Lûke 15:25

«Tə̂ lo nə̈ lâme, gbô âyä modô lâme kä bhâlə̂ kɨ̈ndɨ̈. Ndə̂ tche âsə̈ kangbâ yê, kə̈ wûtu ndola nda nə̈, kə̈ djê sɨ̈kɨ̈ ndûgû la ɛ̈ngbä ndə̂ azü da rə̂.

Lûke 15:32

Praâbalë azə̈ wä âme ndə̂kə̂ mbo kpülü, kə̂ vu ngɨ̈ bëte yîngâ zə̈ âtə, tche tchû alême nə̂ ânyë kə̈ jô âtə, tche yû alême nə̂ ânyë a gbô tchë âtə!›»

Lûke 15:4

«Tchanə̈bâ köchë nə̈ lə̂ gbâtə̂ nyê kä ndə̂ âwâ la aɛ̈bro-ngbaga ngbangbo balë, ânyë ngânə̈ balë lə̂ gûtə̂ andjê yû, ânyë tche gbôâbô gbôtə̂ adɨ̂ nə̈ tə̂ azü vöanə̈ la lə̂ könô gbɛ̂ tchêpâ nə̈ mïndûu manə̈ voanə̈ (99) lə̂ përä andjê, kə̂ e kə̂ pu tchanə̈ balë ndə̂ tche yü lâme zoo, kə̈ gbo tchë ânyë?

Lûke 19:10

Bëte Modô ndə̂ Akrə nə̈ ndə̂kə̂ pu lakə̂ tcha azü ndə̂ andjë yû.»

Lûke 9:60

Jezü tô rə̂ ndə̂nə̈ sə̈ tchë päkëdə̂: «Amö gbotə̂ akuzü andjë chî akuzü ndə̂ andjê, momö ndə̂ zə nə̈, amö e ndə̂kə̂ mu pö ndə̂ Gbölö gö-gbïɛ̈ ndə̂ Ndjapä.»

Jâan 11:25

Jezü tô rə̂ sə̈ tchë päkëdə̂: «Më wätə̂ kə̂ jo ndə̂ akuzü, kə̈ wâ ndjë la tchîsûwu. Akrə ndə̂ tche zâ su yê sə̈ mê, âdəndjë rə̂ ndə̂ tche tchû, tchê wadje la tʉ̈rʉ̂ la yê.

Jâan 5:21

Bëte Bha jö akuzü, kə̈ mbô rə̂ ndə̂kə̂ pa andjë sə la tʉ̈rʉ̂ la andjê. Modô nə̈ ndjë gbɛ̂ zä tchîsûwu sə̈ akrə batə̂ rə̂ ndə̂ su yê nyîndə̂ nə̈.

Rômo 11:15

Ndə̂ Ndjapä gî ajuîfu bhâchï lâme, ârə̂ kä ndə̂ âmbô rə̂ pä tchôtchô kə̂ sə kangbâ yê lə̂ gbâtə̂ azü pâ cho âtə la Ndjapä. Âdə Ndjapä âka la ajuîfu ndrotə̂ yê, rə nə̈ âwa atöko? Rə nə̈ âwa batə̂ andə̂ azü ndə̂ andjë tchû ânyë kə̈ jô!

Rômo 12:15

Nyë wä la mômô la azü ndə̂ andjë wâ la mômô, nyë kɨ̈ la azü ndə̂ andjê kɨ.

Rômo 6:11

Käko nyënyê ndjë gbɛ̂, äwäpä nyë wuntə̂ nyê batə̂ azü ndə̂ andjë tchû nə̂ ndə̂kə̂ sə tʉ̂rʉ tə̂ ngbongbo rə, ânyë lə̂ köbosə̂ kə̂ wa balë ndə̂ nyê la Jezü Krîsiti, nyê wa la tchîsûwu bëte Ndjapä.

Rômo 6:13

Nyë zäbô ngâ tchâme-tə̂ nyê zâ ndə̂kə̂ mbo ngbongbo rə batə̂ ngâ rə kʉ̈ʉ̈ ndə̂ ngbongbo rə-ê. Praâbalë äwäpä nyë zatə̂ nyê la tə̂ nyê bëte kua ndə̂ Ndjapä, batə̂ azü ndə̂ andjë jô lə̂ kuzü. Nyë zätə̂ nyê gbɛ̂ bëte kua ndə̂ Ndjapä, batə̂ ngâ rə kʉ̈ʉ̈ ndə̂kə̂ mbo rə ndə̂ âwâ djîrə̂.

Rômo 8:2

Bëte ndïɛ̈ ndə̂ Yingö zä tchîsûwu sə̈ akrə lə̂ köbosə̂ nə̈ ndə̂ akrə wâ balë la Jezü Krîsiti. Ndïɛ̈ ndə̂ Yingö nə̈ jî mê tchâtchâ ndïɛ̈ ndə̂ ngbongbo rə la andə̂ kuzü nə̂.

Dokʉ̈ Körɛ̂nte 12:26

Âdə ngâ tchâme-tə̂ balë âsə̈ wun yûkü, atchâme-tə̂ nə̈ gbɛ̂ âwun ndjë yûkü la tchë. Âdə a âlusə̂ ngâ tchâme-tə̂ balë, adɨ̂ atchâme-tə̂ nə̈ gbɛ̂ âwa la mômô la tchë.

Ëfêze 2:1

Dokʉ̈tchê alême nyë wä batə̂ azü ndə̂ andjë tchû lə̂ köbosə̂ kə̂ mbo rə ndə̂ nyê ndə̂ âwâbô wâ lə̂ köbo nə̈-ê, la ngbongbo rə ndə̂ nyê.

Ëfêze 2:5

Ndə̂ azə̈ wâ alême batə̂ azü ndə̂ andjë tchû lə̂ köbosə̂ kə̂ mbo rə ndə̂ azə̂ ndə̂ âwâbô wâ lə̂ köbo nə̈-ê, tche zâ tchîsûwu sə̈ azə̂ lə̂ köbosə̂ Krîsiti. Âwâ lə̂ köbosə̂ tchôtchô su ndə̂ Ndjapä ânyë a tchâ nyê.

Ëfêze 5:14

Bëte rə ndə̂ a wutu la pö ndə̂nə̈ ësûwu mbötə̂ yê tə̂ rə ndə̂ âwûtu lə̂ ngbänga. Ädə̈ käko ânyë a tô rə̂ päkëdə̂: «Amö jo-ê, momö ndə̂ mo lô âtə. Amö alafô lə̂ gbâtə̂ akuzü, Krîsiti wan-adje ngbänga yê pâ zə̈.»

Kölôse 2:13

Dokʉ̈tchê nyë də̈ azü ndə̂ nyë tchû bëte angbongbo arə ndə̂ nyë mbô rə̂, ndjë la gasa ndə̂ kpoto nyê ndə̂ nyë wâbô rə̂ wâ-ê. Praâbalë angaâtə, Ndjapä zä tchîsûwu sə̈ nyê lə̂ Krîsiti. Tche kö pö lə̂ küma azə̂ gbɛ̂.

Dokʉ̈ Timotë 5:6

Praâbalë tchanə̈ ndə̂ gbô arə tchêbêche âtə ndə̂po lakə̂ tcho tə̂ yê, tche tchû nə̂, ndə̂ gbô tchë ndə̂po la tʉ̈rʉ̂ la yê lâme.

Jûde 1:12

Andjendjê kä ndə̂ âwâ batə̂ kâkpö lə̂ kɨ̈zɨ̂ ndə̂ nyê ngbotâ nyɛ̂ɛ̂ balë, ânyë kə̂ zɨ rə̂ lə̂ gbâtə̂ nyê. Andjë zɨ̂âbo rə lakə̂ ndjo rə la ganô-a. Andjë wün kütû gʉ tchə̂lə̂ andjê. Andjë wä batə̂ ndrö ndə̂ yi rô la rə̂ ânyë nyïvrö nyîâbô nyî. Andjë wä batə̂ angâ ayö ndə̂ lo kə̂ le ndə̂nə̈ âta nə̂, âlêâbo balë-a, âdə a âsu da nə̈ âtchu tratralë.

Apökälîbïchi 3:1

«Amö mbo mbëtï âtə kə̈ wân rə̂ sə̈ ânje ndə̂ Egilîze ndə̂ Sârede kə̂ to rə̂ lə̂nə̈ päkëdə̂: «Tchanə̈ ndə̂ tche wâ la ayingö ndə̂ Ndjapä mïndûu manə̈ bïchuû la akêkêrə̂ mïndûu manə̈ bïchuû tö rə̂ päkëdə̂: Më wûnsə̂ akua ndə̂ mo mbô rə̂ lâme nə̂, azü wüntî pä gbô mö kä la tʉ̈rʉ̂ la zə̈, dëkë mo tchû nə̂