Lûke 15:22 - Mbëtï Ndjapä: TÄFO MADƗ̈

²² Praâbalë bha nə̈ tô rə̂ sə̈ a-earə̂ kua ndə̂ yê päkëdə̂: ‹Nyë ë wândâ wändä kə̈ kâ la ngâ ngrɨ̈ngrɨ̈ lə̂ba ndə̂ âfû kə̈ yû rə̂ ëtə̂ yê. Nyë yü ɛ̈dage ëtə̂ könô yê, la dakpo ëtə̂ da yê.

Lûke 15:22 Iomraidhean Croise

Lûke 15:21

Modô nə̈ tô rə̂ sə̈ tchë päkëdə̂: ‹Bha mê, më mbö ngbongbo rə ndə̂ âkôsə̂ Ndjapä ânyë kə̈ kô ndjë sə̂ zə̈, më kʉ̂âbo sə̂nə̈ ndə̂kə̂ pa mo wun mê batə̂ modô ndə̂ zə̈-a.›

Lûke 15:23

Nyë kä la bâgala ndə̂ azə̈ mbô rə̂ pä tchë wâ la jrôâ tə̂ yê lâme, kə̂ won tchë, azə̈ zɨ tchë, ânyë kə̂ mbo kpülü,

Rômo 13:14

Praâbalë nyë zä kütû Gbölö Gbïɛ̈ Jezü Krîsiti ëtə̂ nyê batə̂ rə kʉ̈ʉ̈ ndə̂ nyê. Nyë gbö bata gbô tə̂ köbo sə̈ angbongbo gʉ su nyê ndə̂ âmbo rə̂ pä nyë mbo angbongbo rə gundə̂sə̂ nə̈ lâme-ê.

Rômo 3:22

Ndjapä mbö rə̂ ndə̂kə̂ pa azü wa djîrə̂ lə̂ la yê lə̂ köbosə̂ nə̈ ndə̂ andjë zâ su andjê sə̈ Jezü Krîsiti. Tche mbö rə nə̈ lâme sə̈ azü gbɛ̂ ndə̂ andjë zâ su andjê sə̈ Krîsiti, bëte tche krʉ̂âbo tchə̂lə̂ azü-a.

Rômo 8:15

Yingö ndə̂ nyë gbô rə̂, wâbo tə̂ Yingö ndə̂kə̂ mbo nyê la ngbâa-a. Tche zâbo wa lə̂ nyê-a. Praâbalë tche wätə̂ Yingö ndə̂ âmbo rə̂ ânyë nyê watə̂ abechë ndə̂ Ndjapä. Lə̂ köbosə̂ yê, azə̈ tä wârə̂ sə̈ Ndjapä päkëdə̂: «Aba!» Ndə̂ ânyîndə̂ kə̂ tö rə̂ päkëdə̂: «Bha!»

Gälâte 3:27

Tə̂ lëge nə̈, nyënyê gbɛ̂ ndə̂ nyë gbô batɛ̂me lə̂kə̂ wa balë la Jezü Krîsiti lâme, nyë wâ nə̂ batə̂ Krîsiti.

Ëfêze 6:15

Nyë yü gʉ ndə̂kə̂ mu Tchôtchô Pö ndə̂ zɨtɨ su batə̂ dakpo ndə̂ akrə yu rə̂ ëtə̂ da yê.

Apökälîbïchi 19:8

A zä köbo sə̈ tchë ndə̂kə̂ yu lə̂ba ndə̂ lɛ̂n-ɛn ndə̂ kʉ̂tê nə̈ sə̂ lakə̂ tcho ânyë kə̈ dâka gbɛ̂.» (Lə̂ba ndə̂ lɛ̂n-ɛn nə̈ wä batə̂ adjîrə̂ akua ndə̂ azü ndə̂ Ndjapä mbô rə̂.)

Apökälîbïchi 2:17

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê zadje mâne ndə̂ gbô rə̂ wâ lə̂ küwû nə̈ la grôgrô täme sə̈ tchë. A mbö ngâ täfo rə̈ ëpâ täme nə̈ lâme, ndə̂ ngâ akrə ndə̂ tche wûnsə̂ nə̈ sə̂âbo-a, praâbalë kütû akrə ndə̂ tche gbo rə̂ kä ndə̂ âwunsə̂ nə̈.»

Apökälîbïchi 3:18

Më zä wängö sə̈ mö ndə̂kə̂ pa mo yo lôlo tchânə̂ mê ânyë kə̂ wa la rə, lôlo ndə̂ a za rə̂ lə̂ wo ânyë kâkpö kʉ̂tê nə̈ gbɛ̂ ju, ânyë âgro kpɨ̂ki lâme. Amö yo ndjë agrôgrô lə̂ba tchânə̂ mê, kə̂ yu rə̂ ëtə̂ zə̈ ânyë ganô mboabô mö mbô la tə̂ zə̈ ndə̂ âwâ kpändëwä lâme-ê. Amö yo ndjë yö ndə̂ la tchânə̂ mê, kə̂ mbo rə̂ lə̂ la zə̈ ânyë kə̂ kä wun tchô djîrə̂.

Apökälîbïchi 6:11

Käko a zâ ngrɨ̈ngrɨ̈ grôgrô lə̂ba sə̈ akrə balë balë, ânyë kə̈ yûkû nə̈ sə̈ andjê ndə̂kə̂ rʉatə̂ su andjê ndə̂ ngâ kpîɛ̂kpîɛ̂ lö zoo a ka wôn angâ azü ëtə̂ kʉ̂tê andjê batə̂ rə̂ ndə̂ a wôn andjê lâme ânyë. Azü nə̈ lâme də̈ angâ andjê a-earə̂ kua ndə̂ Ndjapä, la arə̂mâ ndə̂ andjê.

Apökälîbïchi 7:9

La tchêngbâ nə̈ lâme, më wûn angbängbä azü; andjë də̈ azü lə̂ agö gbɛ̂, azü pâ amawo gbɛ̂, azü gö gbɛ̂ la azü ndə̂ ama gö balë balë gbɛ̂. Ngâ akrə balë ndə̂ tche kʉ̂sə̂ kə̂ dɨ andjê gbɛ̂ sə̂âbo-a. Andjë gbɛ̂ krʉ̈ lafô tchâtchu ngendë-gbïɛ̈, ndjë tchâtchu Ngbavö Ɛ̈bro-ngbaga. Andjë yü ngrɨ̈ngrɨ̈ grôgrô lə̂ba, ânyë kə̈ kʉ̂ kôlo kâdâ ëtchânə̂ andjê.