Lûke 15:10 - Mbëtï Ndjapä: TÄFO MADƗ̈

¹⁰ Käko ndjë, më tö rə̂ sə̈ nyê, mômô kä lə̂ gbâtə̂ aânje ndə̂ Ndjapä bëte ngâ earə̂ ngbongbo rə balë ndə̂ tche gbôtə̂ bəndɨ kə̂ mbo rə ndə̂ yê.»

Lûke 15:10 Iomraidhean Croise

Matiyə̈ 10:32

«Akrə ndə̂ tchê toadje rə̂ tchâtchu azü gbɛ̂ pä anyë wätə̂ tchandə̂ me nə̈, mê toadje ndjë rə̂ tchâtchu Bha mê bhâ lafô pä tche wätə̂ tchandə̂ me nə̈.

Matiyə̈ 18:10

«La nyê gbö-ê! Nyë wün-äbô ngâ yɛ̈yɛ̈ bechë wûn lə̂ gûtə̂ ayɛ̈yɛ̈ abechë âtə batə̂ mbämbä akrə-ê. Më tö rə̂ sə̈ nyê, aânje ndə̂ ayɛ̈yɛ̈ abechë âtə kä bhâ tchâtchu Bha mê bhâ lafô. [

Matiyə̈ 18:14

Käko kä ndə̂ Bha nyê ndə̂ tche sə̂ bhâ lafô nyîâbo ndə̂nə̈ pä ngânə̈ balë lə̂ gûtə̂ ayɛ̈yɛ̈ abechë lâme yu-a.»

Lûke 12:8

«Më tö rə̂ sə̈ nyê: Akrə ndə̂ tchê toadje rə̂ tchâtchu azü gbɛ̂ pä anyë wätə̂ tchandə̂ me nə̈, Modô ndə̂ Akrə âto ndjë rə̂ me tchâtchu aânje ndə̂ Ndjapä pä anyë də̈ tchandə̂ ye nə̈.

Lûke 12:9

Praâbalë akrə ndə̂ tche vûsə̂ mê tchâtchu azü gbɛ̂ pä anyë wûn-âbo sə̂ mê-a, Modô ndə̂ Akrə âvu ndjë sə̂ yê me tchâtchu aânje ndə̂ Ndjapä pä anyë wûn-âbo sə̂ yê-a.

Lûke 13:5

Âdə̂âbo käko-a, praâbalë më tö rə̂ sə̈ nyê, âdə nyë âgboabô gbôtə̂ bəndɨ kə̂ mbo rə ndə̂ nyê-ê, nyê âtchu me gbɛ̂ batə̂ andjê.»

Lûke 15:11

Jezü kä tô rə̂ päkëdə̂: «Ngâ köchë wä la amodô ndə̂ yê bïchuû.

Lûke 15:7

«Käko ndjë, më tö rə̂ sə̈ nyë: Ngâ gbölö mômô wadje bhâ lafô, bëte earə̂ ngbongbo rə balë ndə̂ tche gbotə̂ bəndɨ kə̂ mbo rə ndə̂ yê. Mômô lâme rö andə̂ adjîrə̂ azü tə̂ azü voanə̈ la lə̂ könô gbɛ̂ tchêpâ nə̈ mïndûu manə̈ vöanə̈ (99) ndə̂ andjë wäbô wâ la gʉ ndə̂kə̂ gbotə̂ bəndɨ köbo andjê.»

Lûke 15:9

Âdə tche âgbo rə̂ nə̂, kə̂ e araagü nə̈, la azü ndə̂ andjë lô ndola tchë, kə̂ to rə̂ sə̈ andjê päkëdə̂: ‹Nyë nə̈ azə̈ vû ngɨ̈, bëte mîɛ̈-makətche ndə̂ mê ndə̂ âyû tə̂ mê alême, më gbô rə̂ nə̂!›

Lûke 7:47

Ârə̂ kä ndə̂ më tô rə̂ sə̈ mö päkëdə̂: A kô angbängbä apö lə̂ küma yê nə̂ bëte rə̂ ndə̂ tche nyîndə̂ mê tə̂ gbölösə̂nə̈. Bëte âdə a âko pö lə̂ küma akrə kpîɛ̂kpîɛ̂ rə̂, tche ânyində̂ azü kpîɛ̂kpîɛ̂ rə̂.»

Abadjângele 11:18

Ndə̂ andjë djê pö nə̈, andjë ngbô ma andjê tâ ânyë kə̈ sə̂ lakə̂ voga Ndjapä päkëdə̂: «Ndjapä zä ndjë köbo sə̈ azü ndə̂ andjë wâbô wâtə̂ ajuîfu ndə̂kə̂ gbotə̂ bəndɨ kə̂ mbo rə ndə̂ andjê, ânyë kə̂ gbo tchîsûwu!»

Abadjângele 5:19

Praâbalë lə̂ bütchî nə̈, ngâ ânje ndə̂ Gbölö Gbïɛ̈ krô manda nda kânga nə̈, kə̈ wûtu la abadjângele nə̈, ânyë kə̈ tô rə̂ sə̈ andjê päkëdə̂:

Bïchuû Körɛ̂nte 7:10

Nyonyo ndə̂ Ndjapä nyîndə̂ nə̈ mbö rə̂ pä akrə gbotə̂ bəndɨ kə̂ mbo rə ndə̂ yê ânyë kə̂ tcha lə̂ kuzü. Ngoa nyonyo käko wâbo ndə̂kə̂ mbo rə̂ pä su akrə kʉ tchë tâ-a. Praâbalë nyonyo ndə̂ âmbo rə̂ pä akrə gboabô gbôtə̂ bəndɨ köbo kə̂ mbo rə ndə̂ yê-ê, kä ndə̂ tche gbo kuzü ngbânə̈.

Filemön 1:15

Ambêteko tchə̂lə̂ gbâtə̂ zə̈ krʉ̂ la Önëzîme ngbâ angâ kpîɛ̂kpîɛ̂ lö, ânyë mo ka gbo tchë tə̂ logbɛ̂.

Aheborö 1:14

Aânje gbɛ̂ də̂âbo atchozö ndə̂ andjë mbo kua sə̈ Ndjapä? Tche wän andjê ndə̂kə̂ za könô sə̈ azü ndə̂ andjë wâ ndə̂kə̂ tcha lə̂ kuzü.