Lûke 14:11 - Mbëtï Ndjapä: TÄFO MADƗ̈

¹¹ Bëte akrə ndə̂ tche mbôtə̂ yê gbölö, a âmboadje tchë tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë tche wa gbölö.»

Lûke 14:11 Iomraidhean Croise

Matiyə̈ 23:12

Akrə ndə̂ tche mbôtə̂ yê gbölö, a âmboadje tchë, tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë, tche wa gbölö.»

Lûke 1:51

Tche mbö akpɨ̈ngbɨ̈ rə lə̂ köbosə̂ gbôgbô ndə̂ yê. Tche ndjö tchə̂lə̂ azü ndə̂ andjë nyîndə̂ kə̂ nyisə̂ tə̂ andjê.

Lûke 1:52

Tche nyöto agbïɛ̈ pâ mbätä-gbïɛ̈ ndə̂ andjê atə̂ bêche, kə̈ kênga azü ndə̂ andjë mbôtə̂ andjê kpîɛ̂kpîɛ̂ rə̂ atə̂ lafô.

Lûke 14:12

Pânə̈ Jezü tô rə̂ sə̈ akrə ndə̂ tche ê tchë ndə̂ kɨ̈zɨ̂ lâme päkëdə̂: «Âdə mo ânyikrə kɨ̈zɨ̂ ndə̂ tchêdalo, âdəndjë andə̂ tchêndə̂gölo, amö eabô araagü zə̈ ê, kə̂ eabô azü pâ mawo ndə̂ zə̈ ê, kə̂ eabô arə̂mâ ndə̂ zə̈ ê, âdəndjë azü ndrotə̂ nda ndə̂ zə̈ ndə̂ rə ndə̂ andjê wâ tâ; bëte tə̂ngâlo, andjë âe ndjë mo ndə̂ kɨ̈zɨ̂ bhândə̂ andjê, käko dâkâ ndə̂ mo mbô rə̂ lâme, kä ndə̂ andjë gï rə̂ sə̈ mö ëngbânə̈.

Lûke 18:14

Jezü kâ tö rə̂ päkëdə̂: «Më tö rə̂ sə̈ nyê: Earə̂ kə̂ pala makətche-lapöo lâme âsə̈ gu atə̂ndə̂ yê, dëkë tche dâka tchâtchu Ndjapä nə̂, âdə̂âbo farizïɛ̈n lâme-a. Bëte akrə ndə̂ tche mbôtə̂ yê gbölö, a âmboadje tchë, tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë, tche wa gbölö.»

Jâke 1:9

Äwäpä ngâ azə̂ ndə̂ tche wâtə̂ earə̂ yûkü wa la mômô bëte Ndjapä kênga tchë nə̂.

Jâke 4:10

Äwäpä nyë mbotə̂ nyê kpîɛ̂kpîɛ̂ rə̂ tchâtchu Gbölö Gbïɛ̈, ânyë tchê kengadje nyê.

Jâke 4:6

Praâbalë Ndjapä kä mbô dâkâ tə̂ azü ârô masə̂nə̈, bëte rə̂ kä ndə̂ Mbëtï Ndjapä tô rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»

Dokʉ̈ Pîêre 5:5

Nyënyê ndjë gbɛ̂, abechë-ɛ̈köchë la abechë-ɛ̈chë, nyë djë ndjë ma akpôkpô azü ndə̂ Egilîze. Nyënyê gbɛ̂, äwäpä nyë mbotə̂ nyê kpîɛ̂kpîɛ̂ rə̂ lə̂kə̂ sə ndə̂ nyê lə̂ gbâtə̂ nyê, bëte Mbëtï Ndjapä tö rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»

Dokʉ̈ Pîêre 5:6

Nyë mbötə̂ nyê kpîɛ̂kpîɛ̂ rə̂ tchâtchâ könô Ndjapä ndə̂ âwâ la gbôgbô, ânyë tche za gbölö tchô sə̈ nyê tə̂ lo nə̈ ndə̂ tche nyîkrə rə̂.