Lûke 13:34 - Mbëtï Ndjapä: TÄFO MADƗ̈

³⁴ «Jerûzalêmo, Jerûzalêmo, momö ndə̂ mo wôn a-earə̂ ndə̂ma Ndjapä. Azü ndə̂ Ndjapä wân andjê sə̈ mö, mo nyê andjê la täme andjë tchû-î! Sûsunə̈ atöko kä ndə̂ më nyîndə̂ kə̂ pala abechë ndə̂ zə̈ ëtchâtchâ mê batə̂ anyï ngötö pala aɛ̈ nə̈ tchâtchâ mbrö yê, praâbalë mo nyîâbo ndə̂nə̈-a.

Lûke 13:34 Iomraidhean Croise

Matiyə̈ 22:3

Tche wân a-earə̂ kua ndə̂ yê ndə̂kə̂ to rə̂ sə̈ azü ndə̂ a ê andjê ndə̂ kpülü nə̈, praâbalë azü nə̈ nyîâbo ndə̂kə̂ nə-a.

Matiyə̈ 22:6

Angânə̈ kʉ̂ a-earə̂ kua ndə̂ gbölö akrə nə̈, kə̈ mbô andjë tə̂ chocho, ânyë kə̈ wôn andjê.

Lûke 15:28

Käko tchə̂lə̂ dokʉ̈ modô nə̈ kʉ̂ tchë, ânyë tche kôsə̂ kə̂ li atə̂ tchâalê nə̈. Bha nə̈ wûtu, kə̈ dɨ̂ tchə̂lə̂ ma yê sə̈ tchë ndə̂kə̂ pa tche li.

Lûke 19:44

Andjê nunuadje mö tratralë la azü gö ndə̂ zə̈ gbɛ̂. Ngâ täme ndə̂ zə̈ balë kä wa bata pâ ngâ yê tee-a. Bëte lo nə̈ ndə̂ Ndjapä nə ndə̂kə̂ ji mö, mo wûn-âbo sə̂nə̈-a!»

Lûke 23:28

Jezü djêtə̂ yê pu aɛ̈chë lâme kə̈ tô rə̂ sə̈ andjê päkëdə̂: «Aɛ̈chë gö ndə̂ Jerûzalêmo, nyë kɨ̈äbô kɨ̂ tə̂ mê, nyë kɨ̈ tə̂ nyê la abechë ndə̂ nyê!

Abadjângele 7:52

Earə̂ ndə̂ma Ndjapä nə̈bâ kä ndə̂ araâta nyê mbôâbô gbôgbô mbô tə̂ yê? Araâta nyê wön azü ndə̂ andjë tô pö ndə̂kə̂ nə ndə̂ djîrə̂ akrə alême. Angaâtə, nyënyê kä ndə̂ âyôsə̂ djîrə̂ akrə nə̈ ânyë andjë wôn tchë!

Abadjângele 7:59

Ndə̂ andjë nyê Etîêne la täme, tche tô pö sə̈ Ndjapä päkëdə̂: «Gbölö Gbïɛ̈ Jezü, amö za vrö mê!»

Abadjângele 8:1

Sôlo gämba pö ndə̂kə̂ won Etîêne. Lə̂ lö nə̈ lâme, azü sə̂ lakə̂ mbo gbôgbô tə̂ gbölösə̂nə̈ tə̂ azü ndə̂ Egilîze ndə̂ Jerûzalêmo. Azü ndə̂ Krîsiti krʉ̂ tchə̂lə̂ tə̂ andjê katchôgbɛ̂ pâ acho ndə̂ Judë la andə̂ Samarï, kütû abadjângele kä ndə̂ âsə̂ po bhâ Jerûzalêmo.

Apökälîbïchi 11:8

Krʉkrʉ andjê âsə po pâ gbölö chênga ndə̂ gbölö gö nə̈, kpôsə̂nə̈ ndə̂ a wôn Gbölö Gbïɛ̈ ndə̂ andjê pâ yö ndə̂ gba tâ lâme. A ë rə̂ tə̂ gbölö gö nə̈ lâme lə̂ köbosə̂ ndoka päkëdə̂: Sodômo la Ejîpiti.