Lûke 13:14 - Mbëtï Ndjapä: TÄFO MADƗ̈

¹⁴ Praâbalë su makündji ndə̂ nda kə̂ voga Ndjapä nə̈ kʉ̂ tchë tə̂ rə ndə̂ Jezü mbô rə̂ ndə̂ tche tchâ tə̂kömbô lə̂ lö sabäa lâme. Tche tô rə̂ sə̈ kpûlû azü nə̈ päkëdə̂: «Alö kä mïndûu manə̈ balë ndə̂kə̂ pa a mbo kua lə̂nə̈, nyë nə̈ lə̂ alö nə̈ lâme ndə̂kə̂ pa a tcha nyê. Nyë nə̈äbô nə̂ lə̂ lö sabaä-ê.»

Lûke 13:14 Iomraidhean Croise

Matiyə̈ 12:2

Ndə̂ afarizïɛ̈n wûn rə̂ käko, andjë tô rə̂ sə̈ Jezü päkëdə̂: «Adjisîpili ndə̂ zə̈ mbö rə ndə̂ ndïɛ̈ kôsə̂ nə̈ ndə̂kə̂ pa a mbo rə̂ lə̂ lö sabäa.»

Mâreke 5:22

Ngâ makündji ndə̂ nda kə̂ voga Ndjapä ndə̂ ajuîfu ndə̂ rə̈ yê wû pä Jäyïrûse nə̂. Tche âsə̈ wun Jezü kə̈ tê bêche tchâtchâ yê,

Lûke 6:11

Praâbalë su andjê kʉ̂ andjê tə̂ gbölösə̂nə̈, andjë sə̂ lakə̂ to rə̂ lə̂ gbâtə̂ andjê, pö ndə̂ rə ndə̂ andjë nyîndə̂ kə̂ mbo rə̂ tə̂ Jezü.

Lûke 6:7

A-earə̂ kə̂ nyisə̂ ndïɛ̈ la afarizïɛ̈n chêko Jezü gbôô ndə̂kə̂ wun rə̂ pä tchê tchadje ngâ akrə lə̂ lö sabäa. Andjë nyîndə̂ kə̂ za ngâ pö lə̂ küma yê.

Lûke 8:41

Ngâ köchë ndə̂ rə̈ yê wû pä Jäyïrûse nə̂ ndjë, tche wätə̂ makündji ndə̂ nda kə̂ voga Ndjapä. Tche tê tchâtchâ Jezü, kə̈ dɨ̂ tchə̂lə̂ ma yê sə̈ tchë pä tche nə bhândə̂ anyê.

Abadjângele 13:15

Pânə̈ ndə̂ a dɨ̂ a-Mbëtï-ndïɛ̈ la andə̂ earə̂ ndə̂ma Ndjapä, amakündji ndə̂ nda kə̂ voga Ndjapä tô rə̂ sə̈ Pôlo la Bärnäbâse päkëdə̂: «Arə̂mä, âdə nyë âwa la angâ apö ndə̂ âza gbôgbô tə̂ su azü gö nə̈, nyë tö rə̂!»

Abadjângele 18:17

Pânə̈ andjë gbɛ̂ zâ Sösötêne, makündji tə̂ küma nda kə̂ voga Ndjapä ndə̂ ajuîfu, kə̈ bhî tchë kpô tchâtchu nda ngbanga nə̈, praâbalë Galiyön mbôâbo ngâ rə balë-a.

Abadjângele 18:8

Krïpûse ndə̂ tche də̂ makündji tə̂ küma nda kə̂ voga Ndjapä ndə̂ ajuîfu zâ su yê sə̈ Gbölö Gbïɛ̈, tchetchë la azü lə̂ bûngrɨ̂ ndə̂ yê gbɛ̂. Angâ azü ndə̂ Körɛ̂nte tə̂ gbölösə̂nə̈ djê pö ndə̂ Pôlo mû rə̂ kə̈ zâ su andjê sə̈ Gbölö Gbïɛ̈ ânyë kə̈ gbô batɛ̂me.

Rômo 10:2

Bëte rə ndə̂ më wûnsə̂ nə̈ ânyë kə̂ to pö ndə̂nə̈ də̈ anə̈ ndə̂ ajuîfu wä la gʉ ndə̂kə̂ mbo kua Ndjapä tə̂ gbölösə̂nə̈. Praâbalë andjë wûn-âbo sə̂ lëge köbo ndə̂kə̂ mbo rə̂ sə̈ tchë-a.