Lûke 12:9 - Mbëtï Ndjapä: TÄFO MADƗ̈

⁹ Praâbalë akrə ndə̂ tche vûsə̂ mê tchâtchu azü gbɛ̂ pä anyë wûn-âbo sə̂ mê-a, Modô ndə̂ Akrə âvu ndjë sə̂ yê me tchâtchu aânje ndə̂ Ndjapä pä anyë wûn-âbo sə̂ yê-a.

Lûke 12:9 Iomraidhean Croise

Matiyə̈ 10:33

Praâbalë akrə ndə̂ tche vûsə̂ mê tchâtchu azü gbɛ̂, mëmê ndjë gbɛ̂, mê vuadje ndjë sə̂ yê tchâtchu Bha mê ndə̂ tche sə̂ bhâ lafô.»

Matiyə̈ 25:12

Praâbalë tche tô rə̂ ndə̂nə̈ päkëdə̂: ‹Ɛn-ɛn, tə̂ lëge nə̈ më tö rə̂ sə̈ nyê, më wûn-âbo sə̂ nyê-a.›

Matiyə̈ 25:31

«Lo nə̈ ndə̂ Modô ndə̂ Akrə ka lə̂ gbôgbô ndə̂ yê la aânje ndə̂ yê gbɛ̂, tchê səadje ëpâ gbölö ngendë-gbïɛ̈ ndə̂ yê.

Matiyə̈ 25:41

«Pânə̈ gbïɛ̈ nə̈ toadje rə̂ sə̈ andjanə̈ də gele päkëdə̂: ‹Nyë gïtə̂ nyê bhâchï, nyënyê ndə̂ ngbongbo pö ndə̂ Bha mê wâ pâ nyê, nyë ë âtə̂lə̂ wo ndə̂ âju pïï etə̂, ndə̂ a nyîkrə rə̂ bëte Jâbolo la aânje ndə̂ yê!

Matiyə̈ 7:23

Käko mê toadje rə̂ sə̈ andjê päkëdə̂: ‹Më wûn-âbo sə̂ nyê balë-a, nyë gïtə̂ nyê chï, nyënyê ndə̂ a-earə̂ ngbongbo rə!›»

Mâreke 8:38

Bëte âdə ngâ akrə âmbo ganô mê la apö ndə̂ mê lə̂ la azü ndə̂ tchô angêta ndə̂ andjë kôsə̂ pö ma Ndjapä lakə̂ mbo ngbongbo rə, Modô ndə̂ Akrə mboadje ndjë ganô yê lo nə̈ ndə̂ tchê kadje lə̂ gbôgbô ndə̂ Bha nə̈ la aânje ndə̂ yê ndə̂ andjë wâ ngbî tiî bëte Ndjapä.»

Lûke 15:10

Käko ndjë, më tö rə̂ sə̈ nyê, mômô kä lə̂ gbâtə̂ aânje ndə̂ Ndjapä bëte ngâ earə̂ ngbongbo rə balë ndə̂ tche gbôtə̂ bəndɨ kə̂ mbo rə ndə̂ yê.»

Lûke 22:57

Praâbalë Pîêre tô rə̂ sə̈ ɛ̈chë lâme päkëdə̂: «Yepa kä, më wûn-âbo sə̂ yê-a.»

Lûke 9:26

Bëte âdə ngâ akrə âmbo ganô mê, la apö ndə̂ mê, Modô ndə̂ Akrə âmboadje ndjë ganô yê, lo nə̈ ndə̂ tchê kadje lə̂ gbôgbô ndə̂ yê, ndjë lə̂ gbôgbô ndə̂ Bha nə̈, ndjë la andə̂ aânje ndə̂ andjë wâ ngbî ânyë kə̈ dâka gbɛ̂.

Bïchuû Timotë 2:12

Âdə azə̂ âwun yûkü la tchë, azə̂ mboadje kümändëmä la tchë. Âdə azə̂ âvusə̂ yê, tchetchë ndjë gbɛ̂ tchê vuadje sə̂ azə̂.

Dokʉ̈ Jâan 2:23

Akrə ndə̂ tche kôsə̂ Modô nə̈, dëkë tche wâbo la Bha-a; akrə ndə̂ tche wûnsə̂ Modô nə̈, dëkë tche kä ndjë la Bha.

Dokʉ̈ Jâan 2:28

Angaâtə abechë ndə̂ mê, äwäpä nyë wa balë la Krîsiti ndə̂kə̂ pa lo nə̈ ndə̂ tche kangbâ yê, su azə̂ wa gii-ï, ganô mboabô azə̂ mbô ndə̂kə̂ gi azə̂ tʉ̂rʉ tə̂ yê tə̂ lo kə̂ ka ndə̂ yê.

Apökälîbïchi 3:8

Më wûnsə̂ akua ndə̂ zə̈ nə̂, wunsaâ më krô ngâ manda tchâtchu zə̈ nə̂, ngâ akrə balë ndə̂ tche tchu rə̂ sə̂âbo-a. Gbôgbô ndə̂ zə̈ wä kütû kpîɛ̂kpîɛ̂ rə̂, praâbalë mo bäta pö ndə̂ mê, kə̈ vûâbo sə̂ rə̈ mê-a.