Lûke 12:5 - Mbëtï Ndjapä: TÄFO MADƗ̈

⁵ Mê toadje pö ndə̂ ngâ akrə ndə̂ nyë wâ ndə̂kə̂ mbo wa yê. Nyë mbö wa Ndjapä ndə̂ âdə tche âwon akrə, kə̂ wa la gbôgbô ndə̂kə̂ yi tchë bhâlə̂ wo ndə̂ âju pïï etə̂. Ɛn-ɛn, tə̂ lëge nə̈ më tö rə̂ sə̈ nyê, tchetchë kä ndə̂ nyë wâ ndə̂kə̂ mbo wa yê.

Lûke 12:5 Iomraidhean Croise

Matiyə̈ 10:28

Nyë mböäbô wa azü ndə̂ andjë won tə̂ azü lâme mbô-ê, praâbalë andjë wâbo ndə̂kə̂ won vrö-a, nyë kpë wa Ndjapä ndə̂ tche wâ ndə̂kə̂ won vrö la tə̂ nyê bhâlə̂ wo ndə̂ âju pïï etə̂.

Matiyə̈ 25:41

«Pânə̈ gbïɛ̈ nə̈ toadje rə̂ sə̈ andjanə̈ də gele päkëdə̂: ‹Nyë gïtə̂ nyê bhâchï, nyënyê ndə̂ ngbongbo pö ndə̂ Bha mê wâ pâ nyê, nyë ë âtə̂lə̂ wo ndə̂ âju pïï etə̂, ndə̂ a nyîkrə rə̂ bëte Jâbolo la aânje ndə̂ yê!

Matiyə̈ 25:46

Andjê eadje ndə̂kə̂ wun yûkü ndə̂ âwâ logbɛ̂. Andə̂ adjîrə̂ azü nə̈, andjê eadje ndə̂kə̂ sə bhâlə̂ tchîsûwu ndə̂ logbɛ̂ logbɛ̂.»

Matiyə̈ 5:22

Praâbalë mëmê ndə̂ me nə̈, më tö rə̂ sə̈ nyê päkëdə̂: Akrə ndə̂ tche mbô mêrâ tə̂ ngâ yê, tche kʉ̈sə̂ nə̈ pä a e la tchë atə̂ tchâtchu gbölö kpûlû ndə̂ earə̂ kə̂ wa ngbanga. Akrə ndə̂ tche tô rə̂ sə̈ ngâ yê päkëdə̂: ‹Mo ndɨ̂ nə̂›, a â-eadje la tchë atə̂ tchâtchu a-earə̂ kə̂ wa ngbanga. Akrə ndə̂ tche tô rə̂ sə̈ ngâ yê päkëdə̂: ‹Momö ndə̂ earə̂ nyî âtə›, tche kʉ̈sə̂ nə̈ pä a yi tchë lə̂ wo ndə̂ âju pïï etə̂.

Mâreke 13:23

Âdə andə̂ nye nə̈, la nyê gbö-ê! Më tô rə̂ sə̈ nyê dokʉ̈tchê nə̂ gbɛ̂.»

Dokʉ̈ Tësälönîke 4:6

Lə̂ apö âtə, âwâbo pä ngâ akrə balë mbo ngâ rə tə̂ ngâ yê ndə̂kə̂ pa su yê kʉ tchë-a, âdəndjë ndə̂kə̂ mbo ngâ ngbongbo rə tə̂ yê-a. Bëte Gbölö Gbïɛ̈ gbôâbo tə̂ arə käko ämbänə̈-a, ârâ tô rə̂ sə̈ nyê kə̈ gbɨ̂tɨ tü nyê pânə̈ alême nə̂ gbɛ̂.

Aheborö 10:31

Äwätə̂ gbölö gbôgbô rə ndə̂kə̂ te tchânə̂ Ndjapä ndə̂ tche wâ la tchîsûwu!

Bïchuû Pîêre 2:4

Bëte Ndjapä gbôâbo tə̂ aânje ndə̂ andjë mbô ngbongbo rə alême ämbämbänə̈-a, praâbalë tche ï andjê la djingîli kə̂ yî andjê bhâlə̂ gbölö wo lə̂ bübü tchô ndə̂ âbû biî ndə̂kə̂ krʉ bëte lö kə̂ wa ngbanga.

Apökälîbïchi 14:7

Tche tö rə̂ ngbôô päkëdə̂: «Nyë kpë wa Ndjapä! Nyë lüsə̂ yê, bëte lo kə̂ wa ngbanga ndə̂ yê wûtu nə̂. Nyë vöga tchanə̈ ndə̂ tche mbô tchêlafô la tchêbêche la gbölö ngû ngbro la aküma ngû!»

Apökälîbïchi 15:4

Gbölö Gbïɛ̈, tchabâ kä ndə̂ âkpeabô wa zə̈ me kpê-ê? Tchabâ kä ndə̂ âkoadje sə̂kə̂ lusə̂ zə̈? Bëte momö balë, mo wä ngbî ânyë kə̈ dâka gbɛ̂, azü pâ cho gbɛ̂ nəadje ndə̂kə̂ voga mö, bëte kə̂ mbo adjîrə̂ rə ndə̂ zə̈ mâtə̂ yê nə̂ kraâ sə̈ andjê.»

Apökälîbïchi 20:14

A yî kuzü la tchô ndə̂ akuzü lə̂ gbölö tïmï wo. Tïmï wo nə̈ lâme də̈ bïchuû kuzü.