Lûke 12:4 - Mbëtï Ndjapä: TÄFO MADƗ̈

⁴ «Më tö rə̂ sə̈ nyê ndə̂ araagü mê: Nyë mböäbô wa azü ndə̂ andjë won tə̂ azü ânyë kə̂ mboabô ngâ rə mbô la tchêngbâ nə̈ lâme mbô-ê.

Lûke 12:4 Iomraidhean Croise

Matiyə̈ 10:28

Nyë mböäbô wa azü ndə̂ andjë won tə̂ azü lâme mbô-ê, praâbalë andjë wâbo ndə̂kə̂ won vrö-a, nyë kpë wa Ndjapä ndə̂ tche wâ ndə̂kə̂ won vrö la tə̂ nyê bhâlə̂ wo ndə̂ âju pïï etə̂.

Jâan 15:13

Âdə ngâ akrə âza tchîsûwu ndə̂ yê la kuzü bëte araagü nə̈, ndə̂kə̂ nyisə̂ kə̂ nyində̂ ngâ ndə̂ yê, kə̂ nyində̂ ngânə̈ lâme wä gbölö kə̈ rô adɨ̂ nə̈ gbɛ̂.

Abadjângele 20:24

Praâbalë më wün tchîsûwu ndə̂ mê batə̂ ngâ mbämbä rə lə̂ la mê. Rə ndə̂ mê pu köbo nə̈ wä ndə̂kə̂ pa më ka kua ndə̂ mê, kə̂ mbo rə gbɛ̂ ndə̂ Gbölö Gbïɛ̈ Jezü zâ rə̂ sə̈ mê ndə̂kə̂ mbo rə̂. Äwä ndə̂kə̂ mu Tchôtchô Pö ndə̂ ânə̂ lə̂ köbosə̂ tchôtchô su Ndjapä sə̈ azü.

Abadjângele 4:13

Ndə̂ a-earə̂ kə̂ wa ngbanga nə̈ wûn rə̂ pä Pîêre la Jâan tö pö la gbôgbô, ânyë kə̈ wûn ndjë sə̂nə̈ pä, andjë də̈ ambämbä azü ndə̂ andjë wûn-âbo sə̂ mbëtï-a, tchə̂lə̂ küma andjê gbɛ̂ djîngɨli. Andjë wûnsə̂ nə̈ pä, aköchë âtə sə̈ alêe ndrotə̂ Jezü.

Fïlîpe 1:28

Nyë gböäbô gbôtə̂ köbo pä a-earə̂ kə̂ kosə̂ nyê za wa lə̂ nyê ämbänə̈-ê, ârə̂ kä âkə̂ nyisə̂ kə̂ te ndə̂ andjê, ânyë nyë kä lə̂ köbo ndə̂kə̂ tcha lə̂ kuzü, rə nə̈ lâme tö bhândə̂ Ndjapä.

Jâke 2:23

Käko kä ndə̂ pö ndə̂ Mbëtï Ndjapä tô rə̂ mbô gundə̂sə̂ nə̈: «Abrahâmo zä su yê sə̈ Ndjapä ânyë Ndjapä wûn tchë batə̂ djîrə̂ akrə.» Käkö Ndjapä ê rə̂ tə̂ yê pä tche wätə̂ agü anyê.

Dokʉ̈ Pîêre 3:14

Âdə nyë âwun ndjë yûkü tə̂ pö ndə̂ djîrə̂ rə ndə̂ nyë mbô rə̂, nyë kä la mômô. Nyë mböämbô wa ngâ akrə balë mbô-ê, tchə̂lə̂ küma nyê djïngɨliabô djîngɨli-î.

Apökälîbïchi 2:10

Âwâbo pä mo wa la wawa yûkü ndə̂ mô wun-adje rə̂ lâme-a. Amö djë pö âtə: Jâbolo vuadje nyê, kə̂ yiadje angâ azü lə̂ gbâtə̂ nyê lə̂ nda kânga. Nyê wun-adje yûkü lə̂ lö lə̂ könô gbɛ̂. Äwäpä mo mbo rə gundə̂sə̂ pö ma mê ndjoa ëtə̂ kuzü, ânyë mê zadje kurône ndə̂ tchîsûwu ndə̂ logbɛ̂ logbɛ̂ sə̈ mö.