Lûke 12:22 - Mbëtï Ndjapä: TÄFO MADƗ̈

²² Jezü tô rə̂ sə̈ adjisîpili ndə̂ yê päkëdə̂: «Bëte rə̂ kä më tô rə̂ sə̈ nyê: Nyë dɨ̈äbô su nyê dɨ̂ bëte tchîsûwu ndə̂ nyê, tə̂ pö ndə̂ kɨ̈zɨ̂ ndə̂ nyê zɨ rə̂, âdəndjë tə̂ pö ndə̂ lə̂ba ndə̂ nyê yu rə̂ tê nyê.

Lûke 12:22 Iomraidhean Croise

Lûke 12:11

«Âdə a âe la nyê ndə̂kə̂ wa ngbanga pâ nyê lə̂ anda kə̂ voga Ndjapä, âdəndjë tchâtchu agbölö azü gö, nyë dɨ̈äbô su nyê dɨ̂ pâ pö ndə̂ nyê toadje rə̂ ndə̂kə̂ kosə̂ pö tə̂ nyê,

Lûke 12:23

Bëte tchîsûwu ndə̂ akrə wä gbölö kə̈ rô kɨ̈zɨ̂. Tə̂ akrə wä gbölö kə̈ rô lə̂ba.

Lûke 12:29

Âwâbo pä nyë sə lakə̂ dɨ su nyê tə̂ rə ndə̂ nyê zɨadje rə̂, âdəndjë rə ndə̂ nyê ndjoadje rə̂-a. Tchə̂lə̂ küma nyê djingɨliabô djîngɨli.

Dokʉ̈ Körɛ̂nte 7:32

Më nyïndə̂ nə̈ pä nyë dɨ̈äbô su nyê dɨ̂-î. Akrə ndə̂ tche tôâbô ɛ̈chë tô-ê, tchê dɨadje su yê pâ arə ndə̂ Gbölö Gbïɛ̈, tche pü köbo ndə̂kə̂ pa su Gbölö Gbïɛ̈ fu la tchë.

Fïlîpe 4:6

Nyë dɨ̈äbô su nyê dɨ̂ pâ ngâ rə balë-ê, praâbalë lə̂ arə gbɛ̂, nyë yükû rə ndə̂ nyë nyîndə̂ nə̈ tchânə̂ Ndjapä, lə̂ köbosə̂ kə̂ to pö sə̈ tchë lakə̂ dɨ tchə̂lə̂ ma, lakə̂ za ayîabâ sə̈ tchë.

Aheborö 13:5

Âwâbo pä lə̂ köbosə̂ kə̂ mbo rə ndə̂ nyê, nyê wa la gʉ makətche tə̂ gbölösə̂nə̈-a. Nyë zä su nyê pâ rə ndə̂ nyë wâ la rə̂, bëte Ndjapä la tə̂ yê tö rə̂ päkëdə̂: «Mê gboabô tə̂ zə̈ tee-a, mê djeabô tchêngbâ mê tə̂ zə̈ balë tee-a.»