Lûke 12:18 - Mbëtï Ndjapä: TÄFO MADƗ̈

¹⁸ Pânə̈ tche tô rə̂ päkëdə̂: ‹Rə ndə̂ mê mbo rə̂ wä kâkë: Më ândjo tchə̂lə̂ agro ndə̂ mê gbɛ̂, kə̂ mbo angâ agbölö nə̈, kə̂ kʉ andjî rəgʉ, la arə ndə̂ mê gbɛ̂ bhâlə̂ nə̈.

Lûke 12:18 Iomraidhean Croise

Matiyə̈ 6:26

Nyë wünsa anyïɛ̈nə̈ bhâ lafô, andjë lûâbo rəgʉ-a, kə̈ sôâbo ndjî rəgʉ-a, kə̈ pâlabô ndjë rəgʉ bhâlə̂ gro ndə̂ andjê-a. Bha nyê bhâ lafô kʉ̈ kɨ̈zɨ̂ sə̈ andjê. Âdə̂âbo nyënyê ndə̂ azü kä ndə̂ ârô anyïɛ̈nə̈ lâme?

Lûke 12:17

Tche zâ küma yê kə̈ tô rə̂ päkëdə̂: ‹Më âmbo atöko? Më wâbo la tchô ndə̂kə̂ kʉ arəgʉ ndə̂ mê tâ-a.›

Lûke 12:19

Käko më âto rə̂ sə̈ mê la tə̂ mê päkëdə̂: Momö, rə ndə̂ zə̈ kä tâ tə̂ gbölösə̂nə̈, ârə̂ âmbo angbängbä ngû. Amö yatə̂ zə̈, kə̂ zɨ rə, kə̂ ndjo rə, kə̂ vu ngɨ̈.›

Lûke 12:21

Pânə̈ Jezü kä tô rə̂ päkëdə̂: «Akrə ndə̂ tche pâla rə bëte tə̂ yê la tə̂ yê, ânyë kə̈ wâbô wâ la rə tchâtchu Ndjapä, tche wä batə̂ köchë lâme.»

Lûke 12:24

Nyë wünsa angbâlambô; andjë lûâbo rəgʉ-a, kə̈ sôâbo ndjë ndjî rəgʉ-a, andjë wâbo la ngâ tchô ndə̂kə̂ bata rə tâ-a, âdəndjë gro-a, Ndjapä kä ndə̂ âkʉ kɨ̈zɨ̂ sə̈ andjê. Nyë rö anyïɛ̈nə̈ tə̂ gbölösə̂nə̈!

Lûke 18:4

Earə̂ kə̂ wa ngbanga nə̈ nyîâbo tchê ndə̂nə̈-a. Pânə̈ tche tô rə̂ bhâtə̂ su yê päkëdə̂: ‹Tə̂ lëge nə̈ më wûnsə̂ nə̈ nə̂ pä më kpêâbo wa Ndjapä-a, kə̈ lûâbo sə̂ ngâ akrə balë-a.

Lûke 18:6

Gbölö Gbïɛ̈ kä tö rə̂ sə̈ andjê päkëdə̂: «Nyë djë pö ndə̂ ngbongbo earə̂ kə̂ wa ngbanga lâme tô rə̂!

Jâke 3:15

Ngoa küma ndə̂ âwa lanə̈ käko lâme tôâbo bhâ lafô-a, ätö kpô bêche âtə, ätö lə̂ köbosə̂ akrə, ätö bhândə̂ Jâbolo.

Jâke 4:13

Käko nyënyê ndə̂ nyë tô rə̂ päkëdə̂: «Angêta, âdəndjë lâmbo, ârâ âe atə̂lə̂ gö təbhâ, kə̂ mboadje ngû balë bhâye, kə̂ mboadje waɛ̂che ânyë kə̂ gboadje makətche.»

Jâke 4:15

Pö ndə̂ nyë wâ âme ndə̂kə̂ to rə̂ wä kâkë: «Âdə Gbölö Gbïɛ̈ ânyində̂ nə̈, ârâ səadje la tʉ̈rʉ̂ la ârâ, kə̂ mboadje rə kâkë âdəndjë anə̈ kâkë.»