Lûke 12:14 - Mbëtï Ndjapä: TÄFO MADƗ̈

¹⁴ Jezü tô rə̂ ndə̂nə̈ sə̈ tchë päkëdə̂: «Agü mê, tchabâ âzâ mê ndə̂kə̂ wa tchə̂lə̂ ngbanga lə̂ gbâtə̂ nyê, lakə̂ krʉ tchə̂lə̂ rə ndə̂ nyê tə̂ nyê?»

Lûke 12:14 Iomraidhean Croise

Rômo 2:3

Momö ndə̂ mo wa ngbanga lə̂ küma azü bëte ngbongbo rə ndə̂ andjë mbô rə̂ ânyë momö ndjë gbɛ̂ mo mbo ndjë arə nə̈ lâme, mo tö rə̂ pä ngbanga ndə̂ Ndjapä teabô tee lə̂ küma zə̈?

Rômo 9:20

Momö ndə̂ akrə, mo də̈ andə̂ zə̈ nə̈ tchabâ ânyë kə̂ gama zə̈ la Ndjapä? Lüsû ndə̂ akrə sôâ rə̂ la könô yê wä ndə̂kə̂ yu akrə ndə̂ tche sôâ rə̂ päkëdə̂: «Bëte giamâ ka ndə̂ mo sôâ mê kâkë?»

Rômo 2:1

Bëte rə̂ kä ndə̂, momö ndə̂ mo wa ngbanga lə̂ küma angâ zə̈ âtə, mo âdəndjë tchabâ gbɛ̂, mo wâbo la ngâ pö balë ndə̂kə̂ to rə̂-a. Mo âsə̈ wa ngbanga lə̂ küma angâ zə̈ ânyë kə̂ mbo ndjë rə batə̂ andjê dëkë mo kä lakə̂ wa ngbanga lə̂ küma zə̈ la tə̂ zə̈.

Jâan 8:11

Ɛ̈chë lâme tô rə̂ ndə̂nə̈ sə̈ tchë päkëdə̂: «Gbölö Gbïɛ̈, ngâ akrə balë sə̂âbo-a.» Jezü tô rə̂ päkëdə̂: «Mëmê ndjë gbɛ̂ më wâbo ngbanga lə̂ küma zə̈-a. Amö gûgü, praâbalë amö ka mbôâbô ngâ ngbongbo rə mbô-ê.»]

Jâan 6:15

Jezü wûnsə̂ nə̈ pä azü nə̈ nyïndə̂ kə̂ za tchë la gbôgbô ndə̂kə̂ mbo tchë tə̂ gbïɛ̈, tche kâ wûtu lə̂ gûtə̂ andjê, kə̈ sə̂ la kütû yê bhâlə̂ küma aga.

Lûke 5:20

Ndə̂ Jezü wûn rə̂ ndə̂ andjë zâ su andjê gbɛ̂ sə̈ tchë, tche tô rə̂ sə̈ köchë ndə̂ tche ngêwele lâme päkëdə̂: «Köchë, a kô pö lə̂ küma zə̈ nə̂.»

Lûke 22:58

Kpro pânə̈, ngâ köchë lə̂ gûtə̂ azü lâme wûn tchë, kə̈ tô rə̂ päkëdə̂: «Momö ndjë gbɛ̂ mo də̈ ngâ akrə lə̂ gûtə̂ andjê!» Praâbalë Pîêre tô rə̂ ndə̂nə̈ sə̈ köchë lâme päkëdə̂: «Ɛ̂n-ɛ̈n! Më sə̂âbo lə̂ gûtə̂ andjê-a.»

Lûke 12:13

Ngâ akrə ndə̂ tche sə̂ lə̂ kpûlû azü nə̈ tô rə̂ sə̈ Jezü päkëdə̂: «Earə̂ kə̂ nyisə̂ rə, to rə̂ sə̈ yîngâ mê tche krʉ̂ tchə̂lə̂ rə ngbâ bha ârâ ndə̂ tche gbôtâ sə̈ ârâ la tchë.»