Lûke 12:1 - Mbëtï Ndjapä: TÄFO MADƗ̈

¹ Lo nə̈ lâme, angbängbä azü pâlatə̂ andjê sâke sâke, ânyë âmbô rə̂ pä andjë sə̂ lakə̂ dɨkpu tə̂ andjê lə̂ gbâtə̂ andjê. Jezü tô rə̂ sə̈ adjisîpili ndə̂ yê dokʉ̈tchê päkëdə̂: «Äwäpä la nyê gbo tə̂ djëvö ndə̂ afarizïɛ̈n, ndə̂ ânyîndə̂ kə̈ to rə̂ pä azü ndə̂ pö ma andjê wâ ngbî tə̂kə̂ mbo rə̂ ndə̂ andjê.

Lûke 12:1 Iomraidhean Croise

Lûke 11:44

Nyonyo kä tə̂ nyê! Nyë wä batə̂ acho akuzü ndə̂ a wûn-âbô rə̂ wûn-î, ânyë âdə akrə ânə pânə̈ kə̈ wûn-âbo sə̂nə̈ pä acho akuzü kä me-a.»

Lûke 12:56

Nyënyê ndə̂ pö ma nyê wâ ngbî tə̂kə̂ mbo rə ndə̂ nyê âtə! Nyë wünsə̂ kə̂ dje tchə̂lə̂ arə tchêbêche la arə tchêlafô, rə nə̈ mbo gundə̂sə̂ nə̈, atöko kä ndə̂ nyë wûn-âbô wûnsə̂ arə ndə̂ âmbo ndə̂ tchô angêta wûn-î?»

Lûke 5:1

Tə̂ngâlo, Jezü krʉ̂ tə̂ maga gbölö kpakpa ngû ndə̂ Jënëzärête. Akpûlû azü nə̂ kə̈ tâkpa ndrotə̂ yê lakə̂ gbrogbrotə̂ andjê ndə̂kə̂ dje pö Ndjapä.

Lûke 5:15

Käko a sə̂ lakə̂ to pö ndə̂ Jezü etə̂. Agbölö akpûlû azü pâlatə̂ andjê ndə̂kə̂ dje Jezü, ndjë ndə̂kə̂ pa tche tcha andjê lə̂ tə̂kömbô ndə̂ andjê.

Lûke 6:17

Jezü jrê la andjê tə̂ aga nə̈, kə̈ krʉ̂ sə̂ ngâ kpakpa tchô, sə̂nə̈ ndə̂ angbängbä adjisîpili ndə̂ yê sə̂ tâ. Kpûlû azü ndə̂ andjë tô bhâlə̂ agö ndə̂ Judë gbɛ̂ la Jerûzalêmo la azü tə̂ maga ngû ndə̂ Tîre la Sidön ndə̂ andjë nə̂, andjë sə̂ ndjë tchâme.

Abadjângele 21:20

Ndə̂ andjë djê pö ndə̂ yê lâme, andjë vôga Ndjapä. Pânə̈ andjë tô rə̂ sə̈ Pôlo päkëdə̂: «Ngâ ârâ lə̂ Krîsiti, wunsaâ; ajuîfu sâke sâke zä su andjê sə̈ Krîsiti, praâbalë lə̂ gbâtə̂ andjê, angânə̈ zä su andjê gbɛ̂ ndə̂kə̂ bata ndïɛ̈ ndə̂ Möyîze.

Dokʉ̈ Körɛ̂nte 15:3

Dokʉ̈ rə ndə̂ më nyîsə̂ nə̈ sə̈ nyê də̈ pö ndə̂ mëmê la tə̂ mê më gbô rə̂: Krîsiti tchü bëte ngbongbo rə ndə̂ azə̂, batə̂ rə̂ ndə̂ Mbëtï Ndjapä tô rə̂,

Aheborö 12:22

Praâbalë nyënyê, nyë gîtə̂ nyê nə̂ pu aga ndə̂ Siyön, la gö ndə̂ Ndjapä ndə̂ tche wâ la tchîsûwu, Jerûzalêmo ndə̂ tchêlafô la aânje sâke sâke.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Dokʉ̈ Pîêre 2:1

Nyë gbötə̂ köbo ndə̂kə̂ mbo ngbongbo su gbɛ̂, kə̂ gbotə̂ köbo ndə̂kə̂ bolo azü-î. Pö ma nyê wäbô wâ ngbî tə̂kə̂ mbo rə ndə̂ nyê-ê. Nyë gbötə̂ gbölö su, kə̂ gbotə̂ kə̂ jende azü-î.