Lûke 11:42 - Mbëtï Ndjapä: TÄFO MADƗ̈

⁴² «Nyonyo kä tə̂ nyê, afarizïɛ̈n! Nyë kʉ̈ dîme ndə̂ akʉ̈kʉ̂-gûsû balë balë la akanyïɛ̈ arə kɨ̈ndɨ̈ gbɛ̂ sə̈ Ndjapä. Praâbalë djîrə̂ rə, lakə̂ nyində̂ Ndjapä, nyë wün rə̂ batə̂ mbämbä rə. Dëkë rə ndə̂ âwâ ndə̂kə̂ pa nyë mbo rə̂ âme kä lâme, kə̂ gboabô gbôtə̂ adɨ̂ nə̈-ê.

Lûke 11:42 Iomraidhean Croise

Matiyə̈ 23:13

«Nyonyo kä tə̂ nyê, a-earə̂ kə̂ nyisə̂ ndïɛ̈ la afarizïɛ̈n. Pö ma nyê wä ngbî tə̂kə̂ mbo rə ndə̂ nyê, nyë tchü manda Gbölö gö-gbïɛ̈ ndə̂ tchêlafô tə̂ azü. Nyënyê la tə̂ nyê, nyë nyîâbo ndə̂kə̂ li bhâye-a, praâbalë nyë kïtə̂ köbo tə̂ azü ndə̂ andjë nyîndə̂ kə̂ li bhâye. [

Matiyə̈ 23:23

«Nyonyo kä tə̂ nyê a-earə̂ kə̂ nyisə̂ ndïɛ̈ la afarizïɛ̈n, pö ma nyê wä ngbî tə̂kə̂ mbo rə ndə̂ nyê, nyë kʉ̈ dîme ndə̂ akʉ̈kʉ̂-gûsû ndə̂ nyê, praâbalë nyë wün gbölö pö ndə̂ ndïɛ̈ lə̂ la nyê ämbämbänə̈. Gbölö pö ndə̂ ndïɛ̈ nə̈ wä ndə̂kə̂ mbo rə djîrə̂, kə̂ wun nyonyo azü, kə̂ mbo rə gundə̂sə̂ pö ndə̂ tche tô rə̂. Rə ndə̂ âwâ pä nyë mbo rə̂ kä lâme, kə̂ wun-abô rə̂ wûn batə̂ mbämbä rə-ê.

Matiyə̈ 23:27

«Nyonyo kä tə̂ nyê, a-earə̂ kə̂ nyisə̂ ndïɛ̈ la afarizïɛ̈n, pö ma nyê wä ngbî tə̂kə̂ mbo rə ndə̂ nyê, nyë kʉ̈tə̂ nyê la cho akuzü ndə̂ a brô tchêpâ nə̈ la kpâke, tchêpâ nə̈ fü tə̂ gbölösə̂nə̈, praâbalë bhâlə̂ nə̈ aföfö arə balë balë gbɛ̂ la agbäbï akuzü kä tâ.

Lûke 18:12

Lə̂ lö mïndûu manə̈ bïchuû, më kösə̂ kɨ̈zɨ̂ sûsunə̈ bïchuû lakə̂ to pö sə̈ Ndjapä. Rə gbɛ̂ ndə̂ mê gbo rə̂, më kʉ̈ dîme nə̈ sə̈ mö.›

Jâan 5:42

Praâbalë më wûnsə̂ nyê nə̂, kə̂ nyində̂ Ndjapä wâbo lə̂ nyê-a.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.