Lûke 11:41 - Mbëtï Ndjapä: TÄFO MADƗ̈

⁴¹ Nyë kʉ̈ arə ndə̂ âwâ lə̂ kangûchi la kalângʉ ndə̂ nyê gbɛ̂ sə̈ a-earə̂ yûkü, ânyë arə gbɛ̂ wadje vuu tə̂ pö ndə̂ nyê.

Lûke 11:41 Iomraidhean Croise

Matiyə̈ 26:11

Bëte a-earə̂ yûkü kä ndrotə̂ nyê logbɛ̂, praâbalë më sə̂âbo ndrotə̂ nyê logbɛ̂-a.

Matiyə̈ 5:42

Âdə ngâ akrə âyu mö tə̂ rə, za rə̂ sə̈ tchë. Âdə ngâ akrə âyu mö ndə̂kə̂ mbo geda tchânə̂ zə̈, koabô sə̂nə̈ kô-ê.»

Mâreke 7:19

Bëte rə nə̈ lâme lîâbo atə̂lə̂ su yê-a, praâbalë älï atə̂lə̂ yê dokʉ̈tchê, pânə̈ âwutu kə̂ e atə̂lə̂ güsü.» Jezü tö pö lâme käko ndə̂kə̂ nyisə̂ nə̈ pä akɨ̈zɨ̂ gbɛ̂ wätə̂ tchôtchô nə̈.

Lûke 12:33

Äwäpä nyë ka arə ndə̂ nyê kə̂ kʉ makətche nə̈ sə̈ a-earə̂ yûkü. Äwäpä nyë pu köbo ndə̂kə̂ gbo kədjâ-makətche ndə̂ âwâbô wâ ndə̂kə̂ ndɨ-î. Nyë päla arə ndə̂ nyê bhâ lafô, ânyë âyuabô yû balë-ê. Bhâye, ngâ earə̂ ngbä ndoabô la rə̂ tee-a, ako zɨabô ndjë rə̂ tee-a.

Lûke 16:9

Jezü kä tô rə̂ sə̈ andjê päkëdə̂: «Andə̂ me nə̈, më tô rə̂ sə̈ nyë päkëdə̂: Arə tchêbêche âtə ndə̂ âbolo azü lâme, nyë kʉ̈ rə̂ kə̂ za könô sə̈ araagü nyê la rə̂, ânyë lo nə̈ ndə̂ arə nə̈ lâme âwabô wâ tchânə̂ nyê, andjê kʉadje nyê lə̂ anda ndə̂ logbɛ̂ logbɛ̂.

Lûke 18:22

Pânə̈ ndə̂ Jezü djê pö lâme, tche tô rə̂ sə̈ tchë päkëdə̂: «Gbô ngâ rə balë kä po ndə̂kə̂ pa mo mbo rə̂: Äwäpä mo ka arə gbɛ̂ ndə̂ mo wâ la rə̂, kə̂ krʉ tchə̂lə̂ makətche nə̈ tə̂ a-earə̂ yûkü, käko ânyë mô gboadje arə bhâ lafô, la tchêngbâ nə̈, mo nə ngbâ mê.»

Lûke 19:8

Praâbalë Zachë krʉ̂ lafô tchâtchu Gbölö Gbïɛ̈ kə̈ tô rə̂ sə̈ tchë päkëdə̂: «Amö djë mê Gbölö Gbïɛ̈, më âkʉ ngâ tchâkalâ arə ndə̂ mê gbɛ̂ sə̈ a-earə̂ yûkü. Âdə më âbolo ngâ akrə ânyë kə̈ kʉ̂ makətche ndə̂ yê, më âgi rə̂ ëngbânə̈ sə̈ tchë sûsunə̈ voanə̈.»

Abadjângele 10:15

Tchə̂lə̂ gɨ̈ nə̈ kä tô rə̂ sə̈ tchë tə̂ bïchuû nə̈ päkëdə̂: «Rə ndə̂ Ndjapä mbô rə̂ pä äwatə̂ tchôtchô nə̈, âwâbo pä mo wun rə̂ tə̂ ngbongbo rə-a.»

Abadjângele 11:29

Käko adjisîpili nyîkrə pö ndə̂kə̂ pa akrə balë balë kʉ rə gundə̂sə̂ rə ndə̂ tche wâ la rə̂, ânyë andjë zâ könô sə̈ arə̂mâ ndə̂ Krîsiti ndə̂ andjë sə̂ bhâ Judë.

Abadjângele 24:17

«Pâ angbängbä angû ndə̂ më kâ wûtu bata wûtu bhâ Jerûzalêmo, më kângbâ mê la arə ndə̂kə̂ kʉ rə̂ sə̈ a-earə̂ yûkü pâ mawo ndə̂ mê. Më nə̈ ndjë ndə̂kə̂ wa ngela sə̈ Ndjapä.

Bïchuû Körɛ̂nte 8:12

Âdə akrə âwa la gʉ ndə̂kə̂ kʉ rə la tchôtchô su, Ndjapä nyïndə̂ nə̈, praâbalë rə ndə̂ akrə wâbô wâ la rə̂-ê, Ndjapä yûâbo kû nə̈-a.

Ëfêze 4:28

Äwäpä earə̂ ngbä gbotə̂ kə̂ zɨ ngbä-ê, kə̂ za gbôgbô ndə̂ yê gbɛ̂ ndə̂kə̂ mbo kua la könô yê la tə̂ yê la köbo nə̈, kə̂ gbo rə ânyë kə̂ kʉ ngânə̈ sə̈ akrə ndə̂ tche wâbô wâ la rə̂-ê.

Tîte 1:15

Rə wätə̂ grôgrô nə̈ tchâtchu azü ndə̂ andjë wâ la grôgrô su. Praâbalë andə̂ andjanə̈ ndə̂ andjë wâ la kâkpö, ânyë kə̈ kôsə̂ kə̂ za su andjê sə̈ Krîsiti, ngâ rə ndə̂ âwâtə̂ grôgrô nə̈ lə̂ la andjê balë wâbo-a, praâbalë kə̂ wunsə̂ rə ndə̂ andjê lakə̂ rɨ tchə̂lə̂ su andjê wä la kâkpö.

Aheborö 13:16

Sə̂nə̈ yüäbô yû tə̂ nyê ndə̂kə̂ mbo dâkâ tə̂ azü, lakə̂ za könô lə̂ gbâtə̂ nyê la angâ nyê-ê, bëte kə̂ wa ngela käko lâme kä ndə̂ âfû tə̂ Ndjapä.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Jâke 1:27

Tchôtchô kə̂ voga Ndjapä, ndə̂ âwâbô wâ la kâkpö ndə̂ Ndjapä Bha nyîndə̂ nə̈ wä kâkë: Kə̂ wun tchô pâ awüntə̂wün la aɛ̈chë lə̂ ndavrö lə̂ yûkü ndə̂ andjê, kə̂ bata tə̂ yê tə̂ arə tchêbêche âtə, ânyë kə̂ teabô tê lə̂ ngbongbo rə-ê.