Biblia Todo Logo
Bìoball air-loidhne

- Sanasan -




Lûke 11:34 - Mbëtï Ndjapä: TÄFO MADƗ̈

34 La zə̈ wä batə̂ lâmba ndə̂ tə̂ zə̈. Âdə la zə̈ âwatə̂ tchôtchô nə̈, tə̂ zə̈ âwa lə̂ ngbänga nə̈; âdə la zə̈ ândɨ, käko tə̂ zə̈ gbɛ̂ kä lə̂ bübü tchô.

Faic an caibideil Dèan lethbhreac




Lûke 11:34
28 Iomraidhean Croise  

ndə̂kə̂ pa: ‹Âdə andjê âsə̈ wun tchô kə̈ wûn-âbo rə-a, andjê âsə̈ dje pö, praâbalë kə̈ djêâbo tchə̂lə̂ nə̈-a, käko ânyë andjë doabô tə̂ andjê dô pu Ndjapä ânyë tche ko pö lə̂ küma andjê-ê.›»


kə̂ pu ɛ̈chë âdəndjë köchë ndə̂ ngâ akrə, kə̂ mbo gʉ arə tə̂ gbölösə̂nə̈, ngbongbo su, kə̂ bolo akrə, kə̂ mbo rə ndə̂ âwâbô wâ lə̂ köbo nə̈, kə̂ wa la gbölö su, kə̂ to ngbongbo pö tə̂ akrə, kə̂ bhi gogo, kə̂ wa ngbɨ̈lə̈.


La nyê kä tâ: Nyë wûn-âbo tchô la rə̂? Tü nyê kä tâ: Nyë djêâbo pö la rə̂? Su nyê têâbo pânə̈?


Käko la zə̈ gbö-ê, ânyë ngbänga tchô ndə̂ âwâ lə̂ zə̈ lâme doabô tə̂ yê dô kə̂ watə̂ bübü tchô-ê.


Ndə̂ azə̈ sə̂ âtə, könô Gbölö Gbïɛ̈ kä pâ zə̈: Mô wadje tə̂ earə̂ föla, lə̂ angâ alö, mô kä wun bata lo tee-a.» Posə̂nə̈, tchô ndrotə̂ yê bû bi-î, ânyë tche sə̂ lakə̂ tama tchô ndə̂kə̂ gbo ngâ akrə ndə̂kə̂ pa tche za könô yê ânyë kə̂ gbɨ tchë.


Logbɛ̂, andjë pälatə̂ andjê batə̂ akrə balë bhâlə̂ gbölö nda Ndjapä, andjë zɨ̈ rə sə̂nə̈ balë kulə̂ anda ndə̂ andjê, andjë zɨ̈ rə nə̈ la mômô ndjë la tchôtchô su.


Më wän mö ndə̂kə̂ vro la andjê, ndə̂kə̂ kʉ andjê lə̂ bübü tchô, kə̂ wutu la andjê lə̂ ngbänga. Mo âji andjê tchâtchâ gbôgbô ndə̂ Satäa ndə̂kə̂ e la andjê sə̈ Ndjapä. Âdə andjê âza su andjê gbɛ̂ sə̈ mê, a koadje pö lə̂ küma andjê ânyë andjë gbo tchô lə̂ gûtə̂ azü ndə̂ andjë wâ ngbî bëte Ndjapä.›»


Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.


Praâbalë batə̂ rə̂ ndə̂ ɛ̈krʉ̂ ndə̂ tche bôlo Ɛ̂ve la känyï ndə̂ yê alême, wawa mbö mê ndə̂kə̂ pa su nyê ndɨabô ndɨ̂-î, ânyë nyê gboabô gbôtə̂ kə̂ za tchêngbâ Krîsiti ndə̂ nyë zâtə̂ nyê gbɛ̂ sə̈ tchë la grôgrô su lâme-ê.


Andə̂ andjanə̈ ndə̂ andjë kôsə̂ kə̂ za su andjê sə̈ Ndjapä, ndjapä ndə̂ tchêbêche gʉ̈ä kə̂ wunsə̂ rə ndə̂ andjê, ndə̂kə̂ pa andjë wun-abô ngbänga Tchôtchô Pö ndə̂ Krîsiti wûn-î, ndə̂ âdə̂ nyîsɨ̂ Ndjapä.


Më yükû nə̈ sə̈ Ndjapä ndə̂ Gbölö Gbïɛ̈ ndə̂ azə̂ Jezü Krîsiti, Bha ndə̂ tche wâ gbölö, ndə̂kə̂ pa tche za Yingö ndə̂ küma ndə̂ âwa lanə̈ sə̈ nyê. Yingö nə̈ nyiadje sə̂ apö pâ Ndjapä sə̈ nyê, kə̂ mbo rə̂ pä nyë wunsə̂ yê tə̂ lëge nə̈.


Angbâa, nyë djë ma a-earə̂ nyê pâ cho âtə lakə̂ kpe wa andjê tə̂ gbölösə̂nə̈, la su nyê gbɛ̂ batə̂ rə̂ ndə̂ nyê dje ma Krîsiti.


Angbâa, nyë djë ma a-earə̂ nyê bêche âtə lə̂ arə gbɛ̂. Nyë mböäbô kua nə̈ mbô gundə̂sə̂ la andjê âwûntî pä nyë nyïndə̂ kə̂ daka lə̂ la azü-î, praâbalë nyë mbö kua la su nyê balë, bëte nyë kpë wa Gbölö Gbïɛ̈.


Lean sinn:

Sanasan


Sanasan