Lûke 11:19 - Mbëtï Ndjapä: TÄFO MADƗ̈

¹⁹ Âdə më âgro angbongbo atchozö la gbôgbô ndə̂ Bëlëzëbûlu, käko, azü ndə̂ nyê nə̈ grö andə̂ andjë nə̈ angbongbo atchozö nə̈ la gbôgbô ndə̂ tchabâ? Azü ndə̂ nyê nə̈ la tə̂ andjê nyïsə̂ nə̈ päkëdə̂ pö ndə̂ nyê nə̈ wâbo la köbo nə̈-a!

Lûke 11:19 Iomraidhean Croise

Matiyə̈ 10:25

Äwäpä djisîpili wa batə̂ earə̂ kə̂ nyisə̂ rə sə̈ tchë, ânyë earə̂ kua wa ndjë batə̂ gbölö akrə ndə̂ yê. Batə̂ rə̂ ndə̂ andjë e earə̂ nda pä Bëlëzëbûlu, andjê âto angbongbo pö tə̂ gbölösə̂nə̈ tə̂ azü tchâalê ndə̂ yê nə̈ atöko!»

Matiyə̈ 4:24

Rə̈ Jezü zâ tchə̂lə̂ gö ndə̂ Sirï gbɛ̂, ânyë azü ê pu tchë la a-earə̂ tə̂kömbô. Andjanə̈ ndə̂ andjë wâ la tə̂kömbô ngbî ngbî ânyë kə̂ sə ndə̂ andjê wâbô wâtə̂ tchôtchô nə̈, la andjanə̈ ndə̂ andjë wâ la angbongbo atchozö, la andjanə̈ ndə̂ kôkö yi andjê, ndjë la andjanə̈ ndə̂ ngâ tchâme-tə̂ andjê ndɨ̂. Jezü tchâ andjê gbɛ̂ lə̂ tə̂kömbô ndə̂ andjê.

Lûke 19:22

Gbïɛ̈ nə̈ tô rə̂ ndə̂nə̈ sə̈ tchë päkëdə̂: ‹Ngbongbo earə̂ kua! Më âwa ngbanga lə̂ küma zə̈ gundə̂sə̂ pö ma zə̈. Mo wûnsə̂ nə̈ nə̂ pä më də̈ akrə ndə̂ më kî tə̂ gbölösə̂nə̈; më zä rə sə̂ tchô ndə̂ më bâtabô rə bâta tâ-ê, ânyë kə̈ sôâ ndjî rəgʉ sə̂nə̈ ndə̂ më lûâbô rə lû tâ-ê.

Lûke 9:49

Jâan zâ pö kə̈ tô rə̂ ndə̂nə̈ päkëdə̂: «Earə̂ kə̂ nyisə̂ rə, ârâ wün ngâ akrə ndə̂ tche sə̂ lakə̂ gro angbongbo atchozö la rə̈ zə̈, ârâ nyïndə̂ kə̂ kitə̂ köbo tə̂ yê, bëte tche də̂âbo tchandə̂ azə̈ nə̈-a.»

Abadjângele 19:13

Angâ ajuîfu ndə̂ andjë wrʉ lə̂ atchô ngbî ngbî, lakə̂ gro angbongbo atchozö tə̂ a-earə̂ tə̂kömbô, andjë zâ ndjë rə̈ Gbölö Gbïɛ̈ Jezü. Andjë sə̈ lakə̂ to rə̂ päkëdə̂: «La rə̈ Jezü ndə̂ Pôlo mu pö ndə̂ yê, më yükû nə̈ sə̈ nyê la gbôgbô, nyë wütu-ê!»

Rômo 3:19

Azə̈ wûnsə̂ nə̈ nə̂ pä rə gbɛ̂ ndə̂ ndïɛ̈ tô pö ndə̂nə̈, tche tö rə̂ bëte azü ndə̂ andjë wâ tchâtchâ ndïɛ̈ nə̈. Ânyë akrə balë wabô tee la ngâ pö balë ndə̂kə̂ to rə̂ ndə̂nə̈-a, ânyë azü gbɛ̂ wunsə̂ nə̈ pä lə̂ la Ndjapä pö kä lə̂ küma anyê.