Lûke 11:13 - Mbëtï Ndjapä: TÄFO MADƗ̈

¹³ Nyënyê ndə̂ nyë wâtə̂ angbongbo sə̂ azü, nyë wünsə̂ kə̂ kʉ atchôtchô arə sə̈ abechë ndə̂ nyê. Käko, Bha azə̂ ndə̂ tche sə̂ bhâ lafô, zabô Kpɨ̂ki Yingö ndə̂ yê sə̈ azü ndə̂ andjë yûkû nə̈-ê?»

Lûke 11:13 Iomraidhean Croise

Matiyə̈ 5:16

Äwäpä ngbänga nyê tcho käko-ë tchâtchu azü gbɛ̂, ânyë andjë wun tchôtchô kə̂ mbo rə ndə̂ nyê, käko ânyë andjë voga Bha nyê ndə̂ tche sə̂ bhâ lafô.»

Matiyə̈ 5:45

Käko-ë, nyê wadje tə̂ abechë ndə̂ Bha nyê ndə̂ tche sə̂ bhâ lafô. Bha nyê nə̈ kä ndə̂ âmbo rə̂ ânyë lo ndə̂ yê ta pâ angbongbo azü ndjë pâ atchôtchô azü. Tche wän nyïvrö pâ adjîrə̂ azü ndjë pâ a-earə̂ mbə̈lï.

Matiyə̈ 6:14

«Bëte âdə nyê âko pö lə̂ küma azü ndə̂ andjë mbô ngbongbo rə tə̂ nyê, Bha nyê bhâ lafô koadje ndjë pö lə̂ küma nyê.

Matiyə̈ 6:30

Ndjapä ndə̂ tche yu ndjë abë-kɨ̈ndɨ̈ ndə̂ âwâ angêta, ânyë lâmbo a yi rə̂ atə̂lə̂ wo, tchê mboabô rə̂ tə̂ gbölösə̂nə̈ tee tə̂ nyê-ê? Nyënyê ndə̂ azü ndə̂kə̂ za su nyê sə̈ Ndjapä wâ kpîɛ̂kpîɛ̂ rə̂ âtə!

Matiyə̈ 6:32

Azü ndə̂ andjë wûn-âbô sə̂ Ndjapä wûn kä ndə̂ âpu rə käko logbɛ̂. Nyënyê ndə̂ nye nə̈, Bha nyê bhâ lafô wûnsə̂ nə̈ nə̂ pä nyë nyïndə̂ arə käko-ë.

Matiyə̈ 7:11

Käko ndjë, nyënyê ndə̂ nyë wâtə̂ angbongbo azü, nyë wünsə̂ kə̂ kʉ atchôtchô arə sə̈ abechë ndə̂ nyê. Käko Bha nyê ndə̂ tche sə̂ bhâ lafô kʉadje atchôtchô arə tə̂ gbölösə̂nə̈ sə̈ azü ndə̂ andjë yûkû nə̈ tchânə̂ yê!

Lûke 11:12

Ndjë âdə bechë nə̈ âyukû prö ngötö, tche za kpâlâkʉ̈ngrʉ̈ sə̈ tchë?

Lûke 11:2

Jezü tô rə̂ sə̈ andjê päkëdə̂: «Âdə nyë ânyində̂ kə̂ to pö sə̈ Ndjapä, nyë tö rə̂ kâkë: ‹Bha ârâ, äwäpä azü gbɛ̂ wunsə̂ nə̈ pä mo də̈ Ndjapä ndə̂ tche dâka gbɛ̂. Äwäpä kə̂ mbo kümändëmä ndə̂ zə̈ nə.

Lûke 18:7

Käko azü ndə̂ Ndjapä ndə̂ tche dɨ̂ andjê, ndə̂ andjë kɨ sə̈ tchë dalobiî lâme, tchê wabô tchə̂lə̂ ngbanga ndə̂ andjê? Tche âsə zoo ânyë kə̂ za könô sə̈ andjê?

Jâan 4:10

Jezü tô rə̂ ndə̂nə̈ sə̈ tchë päkëdə̂: «Âdə mo âwunsə̂ rə ndə̂ Ndjapä za rə̂ sə̈ azü, ânyë kə̈ wûnsə̂ akrə ndə̂ tche yûkû ngû tchânə̂ zə̈ ndə̂kə̂ ndjo rə̂ âtə, dëkë momö kä ndə̂ âyukû ngû nə̈, ânyë tche za ngû ndə̂ âza tchîsûwu sə̈ mö.»

Abadjângele 2:38

Pîêre tô rə̂ ndə̂nə̈ sə̈ andjê päkëdə̂: «Nyë gbötə̂ bəndɨ kə̂ mbo rə ndə̂ nyê, äwäpä akrə balë balë lə̂ gûtə̂ nyê gbo batɛ̂me la rə̈ Jezü Krîsiti, ânyë Ndjapä ko pö lə̂ küma yê, käko nyê gboadje arə ndə̂ Kpɨ̂ki Yingö.

Rômo 5:17

Tə̂ lëge nə̈, lə̂ köbosə̂ akrə balë, bëte kə̂ mbo ngbongbo rə ndə̂ akrə balë, kuzü wâ la kümändëmä pâ azü gbɛ̂. Praâbalë lə̂ köbosə̂ akrə balë ndə̂ tche də̂ Jezü Krîsiti, azü gbö arə tə̂ gbölösə̂nə̈. Käko ndjë, ngâ rə balë wâbo ndə̂ âkitə̂ köbo tə̂ andjanə̈ ndə̂ andjë gbô arə lə̂ köbosə̂ tchôtchô su ndə̂ Ndjapä, la andjanə̈ ndə̂ andjë wâ djîrə̂ lə̂ la yê ndə̂kə̂ wa la tchîsûwu-a, ndjë ndə̂kə̂ mbo kümändëmä la tchë-a.

Rômo 7:18

Më wûnsə̂ nə̈ nə̂ pä ngâ tchôtchô rə wâbo lə̂ mê-a. Më nyïndə̂ kə̂ to pö ndə̂ mê ndə̂ më wâtə̂ mbämbä akrə. Andə̂ me nə̈, më nyïndə̂ kə̂ mbo tchôtchô rə, praâbalë më wâbo la gbôgbô ndə̂kə̂ mbo rə̂-a.

Rômo 8:32

Ndjapä kîâbo tə̂ Modô ndə̂ yê bëte tchetchë la tə̂ yê-a, praâbalë tche zä tchë sə̈ kuzü bëte azə̂ gbɛ̂. Ndə̂ tche zâ Modô ndə̂ yê sə̈ azə̂ lâme, atöko kä ndə̂ tchê kʉabô arə gbɛ̂ kʉ̂ sə̈ azə̂ la Modô ndə̂ yê?

Tîte 3:3

Bëte azəzə̂ gbɛ̂, azə̈ wä ndjë alême tə̂ angbɨ̈lə̈, azü ndə̂ andjë kôsə̂ Ndjapä, azü ndə̂ köbo yû tə̂ andjê, azü ndə̂ andjë wâ alême tə̂ angbâa ndə̂ agʉ arə ngbî ngbî gbɛ̂, la arə tchêbêche ndə̂ âtcho tə̂ azü, azü ndə̂ andjë sə̂ lə̂ ngbongbo su lakə̂ mbo gʉ arə ndə̂ angâ andjê, azü kösə̂ azə̂, azə̈ kô ndjë sə̂ angâ azə̂ lə̂ gbâtə̂ azə̂.