Lûke 10:7 - Mbëtï Ndjapä: TÄFO MADƗ̈

⁷ Nyë sə̈ tchâalê nə̈ lâme, nyë zɨ̈ rə, kə̂ ndjo rə ndə̂ a kʉ rə̂ sə̈ nyê. Bëte earə̂ kua wä ndə̂kə̂ gbo rə ngbâ kua ndə̂ yê. Nyë nə̈äbô nə̂ lə̂ manda azü balë balë-ê.

Lûke 10:7 Iomraidhean Croise

Mâreke 6:10

Jezü kä tô rə̂ sə̈ andjê päkëdə̂: «Âdə nyê âli lə̂ ngâ nda, nyë sə̈ kpô tchâalê nə̈ zoo tə̂ lo nə̈ ndə̂ nyë nyîndə̂ kə̂ ro etə̂.

Lûke 10:6

Âdə ngâ akrə ndə̂ zɨtɨ su âsə tchâalê nə̈, äwäpä zɨtɨ su wa pâ yê. Ârə̂ âdəabô də̂ käko, zɨtɨ su ndə̂ nyê nə̈ ka sə̈ nyê ëngbânə̈.

Lûke 9:4

Nda gbɛ̂ ndə̂ nyê liadje lə̂nə̈, ânyë ngâ akrə kʉ̂ nyê bhândə̂ yê, nyë lö kütû lə̂ nda nə̈ lâme zoo kə̂ ro etə̂.

Abadjângele 16:15

Tche gbô batɛ̂me la azü tchâalê ndə̂ yê gbɛ̂. Pânə̈ tche ê ârâ päkëdə̂: «Âdə nyë âwun rə̂ pä tə̂ lëge nə̈ më zâ su mê sə̈ Gbölö Gbïɛ̈ nə̂, nyë nə̈ kə̂ lô bhâ tchâalê ndə̂ mê.» Tche mbô rə̂ gbɛ̂ pä ârâ nyində̂ nə̈.

Abadjângele 16:34

Tche zâ Pôlo la Sïlâse kə̈ kênga la andjê bhândə̂ yê, kə̈ zâ kɨ̈zɨ̂ sə̈ andjê. Su yê la azü tchâalê ndə̂ yê gbɛ̂ wâ la mômô bëte rə̂ ndə̂ andjë zâ su andjê sə̈ Ndjapä.

Abadjângele 16:40

Pôlo la Sïlâse wûtu lə̂ nda kânga nə̈, kə̈ ê atə̂ndə̂ Lidï. Andjë wûn azü ndə̂ Krîsiti, kə̈ zâ wängö ndə̂kə̂ za gbôgbô tə̂ su andjê. La tchêngbâ nə̈ andjë rô etə̂.

Gälâte 6:6

Äwäpä akrə ndə̂ a nyisə̂ pö Ndjapä sə̈ tchë, tche krʉ tchə̂lə̂ arə ndə̂ yê gbɛ̂, kə̂ kʉ ngâ tchâkâla nə̈ sə̈ akrə ndə̂ tche nyîsə̂ rə nə̈ sə̈ tchë.

Dokʉ̈ Timotë 5:13

Pâ arə lâme gbɛ̂, andjë mbôâbo kua-a, ânyë kua ndə̂ andjê wä kütû ndə̂kə̂ nə kulə̂ manda azü. Âdə̂âbô kütû tə̂ pö ndə̂nə̈ ndə̂ andjë mbôâbo kua mbô lâme kä me-a, praâbalë andjë dɨ̈ apö tə̂ gbölösə̂nə̈, kə̈ vûâbo sə̂ apö-a, kə̂ yitə̂ andjê lə̂ arə ndə̂ âwûn-âbô andjê wûn-î.

Bïchuû Timotë 2:6

Earə̂ kə̂ djo kɨ̈ndɨ̈ ndə̂ tche wûn yûkü lakə̂ djo kɨ̈ndɨ̈, tchetchë kä ndə̂ âgbo andjî rəgʉ kɨ̈ndɨ̈ nə̈ dokʉ̈tchê.