Lûke 10:42 - Mbëtï Ndjapä: TÄFO MADƗ̈

⁴² Praâbalë ngâ rə balë kä ndə̂ ârô adɨ̂ nə̈. Malê kä ndə̂ âzâ tchôtchô rə nə̈. Ngâ akrə balë ndə̂ tche krʉa rə̂ tchânə̂ yê wabô tee-a.»

Lûke 10:42 Iomraidhean Croise

Mâreke 8:36

Âdə akrə âgbo arə tchêbêche âtə gbɛ̂, ânyë tchîsûwu ndə̂ yê yû, giamâ kä ndə̂ tche gbo rə̂ ngbânə̈?

Lûke 10:39

Ngâ nyînə̂ nə̈ kä tâ ndə̂ rə̈ yê wû pä Malê. Malê sə̂ bêche ndrotə̂ Gbölö Gbïɛ̈ lakə̂ dje pö ndə̂ tche to rə̂.

Lûke 11:1

Tə̂ngâlo, Jezü sə̂ lakə̂ to pö sə̈ Ndjapä bhâsə̂ ngâ tchô. Ndə̂ tche tô pö sə̈ Ndjapä gbɛ̂ âsə̈ ka, ngâ djisîpili ndə̂ yê balë yû tchë päkëdə̂: «Gbölö Gbïɛ̈, amö nyisə̂ köbo ndə̂kə̂ to pö sə̈ Ndjapä sə̈ ârâ batə̂ Jâan-Batîse nyîsə̂ nə̈ sə̈ adjisîpili ndə̂ yê.»

Lûke 12:20

Praâbalë Ndjapä tô rə̂ sə̈ tchë päkëdə̂: ‹Köchë ndə̂ küma zə̈ wâbô wâ lanə̈ âtə! Lə̂ bütchî âtə, a âyuadje kû vrö zə̈. Ânyë arə ndə̂ zə̈ gbɛ̂ ndə̂ mo bâta rə̂ lâme, mo bäta rə̂ bëte tchabâ?›»

Lûke 12:33

Äwäpä nyë ka arə ndə̂ nyê kə̂ kʉ makətche nə̈ sə̈ a-earə̂ yûkü. Äwäpä nyë pu köbo ndə̂kə̂ gbo kədjâ-makətche ndə̂ âwâbô wâ ndə̂kə̂ ndɨ-î. Nyë päla arə ndə̂ nyê bhâ lafô, ânyë âyuabô yû balë-ê. Bhâye, ngâ earə̂ ngbä ndoabô la rə̂ tee-a, ako zɨabô ndjë rə̂ tee-a.

Lûke 16:2

Gbölö akrə lâme ê earə̂ kua nə̈, kə̈ tô rə̂ sə̈ tchë päkëdə̂: ‹Pö giamâ kä ndə̂ më djê rə̂ tə̂ zə̈ kâkë? Amö nyisə̂ tchêngbâ kə̈ bata rə ndə̂ zə̈ sə̈ mê! Bëte më nyî bata ndə̂nə̈ pä mo ka wûn tchô pâ arə ndə̂ mê-a.›

Lûke 16:25

Praâbalë Abrahâmo tô rə̂ päkëdə̂: ‹Bechë ndə̂ mê, äwäpä sə̂ pö âtə te lə̂ zə̈: Ndə̂ gbô mö ndə̂po la tʉ̈rʉ̂ la zə̈ bêche, mo gbö arə alême tə̂ gbölösə̂nə̈. Praâbalë andə̂ Lazäre, tche wün yûkü tə̂ gbölösə̂nə̈. Angaâtə, su yê zɨ̂ nə̂, ânyë momö ndə̂ zə nə̈, mo kä lakə̂ wun yûkü.

Lûke 18:22

Pânə̈ ndə̂ Jezü djê pö lâme, tche tô rə̂ sə̈ tchë päkëdə̂: «Gbô ngâ rə balë kä po ndə̂kə̂ pa mo mbo rə̂: Äwäpä mo ka arə gbɛ̂ ndə̂ mo wâ la rə̂, kə̂ krʉ tchə̂lə̂ makətche nə̈ tə̂ a-earə̂ yûkü, käko ânyë mô gboadje arə bhâ lafô, la tchêngbâ nə̈, mo nə ngbâ mê.»

Lûke 8:18

La nyê gbö tə̂ köbo kə̂ dje pö ndə̂ nyê! Bëte akrə ndə̂ tche wâ la ngâ rə, a âzadje ngânə̈ sə̈ tchë. Praâbalë akrə ndə̂ tche wâbô wâ la ngâ rə-ê, a âkrʉadje ndjë kpîɛ̂kpîɛ̂ nə̈ ndə̂ tche wûntî pä anyë kä la rə̂.»

Jâan 11:1

Ngâ köchë wä alême la tə̂kömbô, rə̈ yê wû pä Lazäre akrə gö ndə̂ Betanï. Betanï nə̈ wätə̂ yɛ̈yɛ̈ gö ndə̂ Malê la yûngâ yê Mârete.

Jâan 11:19

Ädə̈ käko ânyë angbängbä ajuîfu nə̂ ndə̂kə̂ za gbôgbô tə̂ su Mârete la Malê bëte gʉ̈me andjê ndə̂ tche tchû lâme.

Jâan 12:3

Malê zâ ngâ yömbö ndə̂ gbölö ngîrî, ndə̂ a mbô rə̂ la chëchë da yö ndə̂ a ê rə̂ tâ pä nâre, tche sû rə̂ pâ da Jezü ânyë kə̈ trô rə̂ la su küma yê. Tchâfo nə̈ zâ tchâalê nə̈ gbɛ̂.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Jâan 4:14

Praâbalë akrə ndə̂ tche ndjô ngû ndə̂ mê zadje rə̂ sə̈ tchë, gʉ ngû âkä nyu bata tchë tee-a. Ngû ndə̂ mê zadje rə̂ sə̈ tchë wadje lə̂ yê batə̂ küma ngû, ndə̂ tchîsûwu ndə̂ logbɛ̂ logbɛ̂ wutu lə̂nə̈.»

Jâan 5:24

«Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche djê pö ndə̂ mê, ânyë kə̈ zâ su yê sə̈ akrə ndə̂ tche wân mê, tche kä la tchîsûwu ndə̂ logbɛ̂ logbɛ̂, ngbanga wâbo lə̂ küma yê-a, praâbalë tche rô lə̂ kuzü nə̂, ânyë kə̈ wâ la tchîsûwu.

Jâan 6:27

Nyë mböäbô kua mbô bëte kɨ̈zɨ̂ ndə̂ âwâ ndə̂kə̂ ndɨ-ê, praâbalë äwäpä nyë mbo kua bëte kɨ̈zɨ̂ ndə̂ âza tchîsûwu ndə̂ logbɛ̂ logbɛ̂ sə̈ azü. Modô ndə̂ Akrə kä ndə̂ âzadje kɨ̈zɨ̂ nə̈ lâme sə̈ nyê, bëte tchetchë kä ndə̂ Ndjapä Bha mbô ngâ nyîsɨ̂ ndə̂ gbôgbô ëtə̂ yê.»

Dokʉ̈ Körɛ̂nte 13:3

Âdə mê âkrʉ tchə̂lə̂ arə ndə̂ mê gbɛ̂ tə̂ a-earə̂ gʉ, âdə mê âgbo ndjë tə̂ tə̂ mê ndə̂kə̂ pa a cho rə̂ la wo, ânyë kə̂ nyində̂ ngâ wâbô wâ lə̂ mê-ê, mê gboabô ngâ rə ngbânə̈ tee-a.

Gälâte 5:6

Bëte âdə ngâ akrə âwa balë la Jezü Krîsiti, ânyë a wâ tchë la gasa, âdəndjë rə̂ ndə̂ a wâbô tchë wâ la gasa, tchôtchô rə nə̈ də̂âbo rə̂ lâme-a! Tchôtchô rə nə̈ wä ndə̂kə̂ pa akrə za su yê sə̈ Krîsiti. Kə̂ za su sə̈ Krîsiti nə̈ lâme kä ndə̂ âmbo rə̂ pä azü nyində̂ angâ andjê.