Lûke 10:41 - Mbëtï Ndjapä: TÄFO MADƗ̈

⁴¹ Jezü tô rə̂ sə̈ tchë päkëdə̂: «Mârete, Mârete, su zə̈ wä ngbɨ̂ɨ̂, ânyë mo nyïndə̂ kə̂ mbo angbängbä arə.

Lûke 10:41 Iomraidhean Croise

Mâreke 4:19

praâbalë kə̂ dɨ su andjê tə̂ arə tchêbêche, kə̂ gbo rə ndə̂ âbolo azü, la agʉ arə gbɛ̂ ndə̂ âlî lə̂ su andjê, âkîtə̂ köbo pö nə̈ tə̂ su andjê ndə̂kə̂ le.

Lûke 10:38

Ndə̂ Jezü la adjisîpili ndə̂ yê âsə̈ ro, kə̈ wûtu lə̂ ngâ yɛ̈yɛ̈ gö, ânyë ngâ ɛ̈chë ndə̂ rə̈ yê wû pä Mârete zâ Jezü bhândə̂ yê.

Lûke 10:40

Andə̂ Mârete, tche chî la yê kütû tə̂kə̂ fa kɨ̈zɨ̂. Mârete nə̂ kə̈ tô rə̂ sə̈ Jezü päkëdə̂: «Gbölö Gbïɛ̈, ndə̂ yûngâ mê gbôtə̂ mê la kua nə̈ ânyë mê mbo rə̂ la kütû mê âtə, äwä ämbänə̈ lə̂ la zə̈? Amö to rə̂ sə̈ tchë, tche ka ârâ mbo kua nə̈ la tchë.»

Lûke 12:22

Jezü tô rə̂ sə̈ adjisîpili ndə̂ yê päkëdə̂: «Bëte rə̂ kä më tô rə̂ sə̈ nyê: Nyë dɨ̈äbô su nyê dɨ̂ bëte tchîsûwu ndə̂ nyê, tə̂ pö ndə̂ kɨ̈zɨ̂ ndə̂ nyê zɨ rə̂, âdəndjë tə̂ pö ndə̂ lə̂ba ndə̂ nyê yu rə̂ tê nyê.

Lûke 21:34

«La nyê gbö-ê, nyë zäbô su nyê zâ pâ kə̂ zɨ kɨ̈zɨ̂ lə̂ kpülü lakə̂ ndjo pî âropâ nyê, âdəndjë rə̂ nyë rɨ̈äbô tchə̂lə̂ nyê rɨ̂ pâ arə tchêbêche âtə-ê. Ârə̂ âdəabô də̂ käko, lo kə̂ ka ndə̂ Modô ndə̂ Akrə âtroadje nyê.

Lûke 8:14

Ndjî rəgʉ ndə̂ âtû lə̂ chi lâme wä batə̂ azü ndə̂ andjë djê pö Ndjapä nə̈, ânyë kə̂ dɨ su andjê, lakə̂ gbo rə ndə̂ andjê, ndjë la ngɨ̈ ndə̂ tchêbêche gʉ̂â andjê tâ, ânyë lêlê andjê gbôâbô köbo gbô ndə̂kə̂ negbe-ê.

Jâan 11:1

Ngâ köchë wä alême la tə̂kömbô, rə̈ yê wû pä Lazäre akrə gö ndə̂ Betanï. Betanï nə̈ wätə̂ yɛ̈yɛ̈ gö ndə̂ Malê la yûngâ yê Mârete.

Jâan 11:5

Jezü nyïndə̂ Mârete la yûngâ yê Malê la Lazäre.

Jâan 12:2

A mbô kɨ̈zɨ̂ bëte Jezü bhâye. Mârete kä ndə̂ âtô tchə̂lə̂ kɨ̈zɨ̂ nə̈ ânyë Lazäre sə̂ lə̂ gûtə̂ azü ndə̂ andjë sə̂ lakə̂ zɨ kɨ̈zɨ̂ la Jezü.

Fïlîpe 4:6

Nyë dɨ̈äbô su nyê dɨ̂ pâ ngâ rə balë-ê, praâbalë lə̂ arə gbɛ̂, nyë yükû rə ndə̂ nyë nyîndə̂ nə̈ tchânə̂ Ndjapä, lə̂ köbosə̂ kə̂ to pö sə̈ tchë lakə̂ dɨ tchə̂lə̂ ma, lakə̂ za ayîabâ sə̈ tchë.