Lûke 10:40 - Mbëtï Ndjapä: TÄFO MADƗ̈

⁴⁰ Andə̂ Mârete, tche chî la yê kütû tə̂kə̂ fa kɨ̈zɨ̂. Mârete nə̂ kə̈ tô rə̂ sə̈ Jezü päkëdə̂: «Gbölö Gbïɛ̈, ndə̂ yûngâ mê gbôtə̂ mê la kua nə̈ ânyë mê mbo rə̂ la kütû mê âtə, äwä ämbänə̈ lə̂ la zə̈? Amö to rə̂ sə̈ tchë, tche ka ârâ mbo kua nə̈ la tchë.»

Lûke 10:40 Iomraidhean Croise

Matiyə̈ 14:15

Ndə̂ lo zɨ̂, adjisîpili ndə̂ Jezü nə̂ ndola tchë ânyë kə̈ tô rə̂ sə̈ tchë päkëdə̂: «Lo zɨ̂ nə̂, ânyë tchô âtə, azü mbôâbo gö tâ-a. Amö gro azü nə̈ andjë gû atə̂lə̂ ayɛ̈yɛ̈ gö, kə̂ yo kɨ̈zɨ̂ ndə̂kə̂ zɨ rə̂ bhâye.»

Matiyə̈ 16:22

Pîêre zâ Jezü kə̈ gîtə̂ yê la tchë bhâchï ânyë kə̈ sə̂ lakə̂ hro la tchë päkëdə̂: «Ndjapä mbö rə̂ la mö, Gbölö Gbïɛ̈, rə käko gboabô mö tee-a.»

Mâreke 3:21

Ndə̂ azü lə̂ bûngrɨ̂ ndə̂ Jezü âsə̈ dje pö ndə̂nə̈, andjë nə̂ ndə̂kə̂ za tchë bëte andjë tö rə̂ päkëdə̂: «Nyî kä lakə̂ mbo tchë.»

Lûke 10:38

Ndə̂ Jezü la adjisîpili ndə̂ yê âsə̈ ro, kə̈ wûtu lə̂ ngâ yɛ̈yɛ̈ gö, ânyë ngâ ɛ̈chë ndə̂ rə̈ yê wû pä Mârete zâ Jezü bhândə̂ yê.

Lûke 10:41

Jezü tô rə̂ sə̈ tchë päkëdə̂: «Mârete, Mârete, su zə̈ wä ngbɨ̂ɨ̂, ânyë mo nyïndə̂ kə̂ mbo angbängbä arə.

Lûke 12:29

Âwâbo pä nyë sə lakə̂ dɨ su nyê tə̂ rə ndə̂ nyê zɨadje rə̂, âdəndjë rə ndə̂ nyê ndjoadje rə̂-a. Tchə̂lə̂ küma nyê djingɨliabô djîngɨli.

Lûke 9:55

Jezü djêtə̂ yê pu andjê, kə̈ hrô la andjê.

Jâan 11:1

Ngâ köchë wä alême la tə̂kömbô, rə̈ yê wû pä Lazäre akrə gö ndə̂ Betanï. Betanï nə̈ wätə̂ yɛ̈yɛ̈ gö ndə̂ Malê la yûngâ yê Mârete.

Jâan 11:5

Jezü nyïndə̂ Mârete la yûngâ yê Malê la Lazäre.

Jâan 12:2

A mbô kɨ̈zɨ̂ bëte Jezü bhâye. Mârete kä ndə̂ âtô tchə̂lə̂ kɨ̈zɨ̂ nə̈ ânyë Lazäre sə̂ lə̂ gûtə̂ azü ndə̂ andjë sə̂ lakə̂ zɨ kɨ̈zɨ̂ la Jezü.

Jâan 6:27

Nyë mböäbô kua mbô bëte kɨ̈zɨ̂ ndə̂ âwâ ndə̂kə̂ ndɨ-ê, praâbalë äwäpä nyë mbo kua bëte kɨ̈zɨ̂ ndə̂ âza tchîsûwu ndə̂ logbɛ̂ logbɛ̂ sə̈ azü. Modô ndə̂ Akrə kä ndə̂ âzadje kɨ̈zɨ̂ nə̈ lâme sə̈ nyê, bëte tchetchë kä ndə̂ Ndjapä Bha mbô ngâ nyîsɨ̂ ndə̂ gbôgbô ëtə̂ yê.»