Lûke 10:34 - Mbëtï Ndjapä: TÄFO MADƗ̈

³⁴ Tche gîtə̂ yê ndola tchë, kə̈ sû kâdâ la vɛ̂n-ɛn ëla aku nə̈, ânyë kə̈ gʉ̂â rə̂. La tchêngbâ nə̈ tche zâ tchë ëpâ kûndiɛ ndə̂ yê la tə̂ yê, kə̈ rô la tchë atə̂lə̂ ngâ nda ndə̂ ayirə ndə̂kə̂ mbo rə̂ la tchë.

Lûke 10:34 Iomraidhean Croise

Mâreke 14:8

Tche mbö rə ndə̂ tche wâ ndə̂kə̂ mbo rə̂: Tche sü kâdâ-yömbö tə̂ mê dokʉ̈tchê ndə̂kə̂ krʉ bëte kə̂ chi mê.

Lûke 10:33

Praâbalë ngâ akrə gö ndə̂ Samarï ndə̂ tche sə̂ lakə̂ e atə̂lə̂ ngâ gö ngbî. Tche wûtu ndola köchë lâme, ndə̂ tche âsə̈ wun tchë nyonyo yê mbô tchë tə̂ gbölösə̂nə̈.

Lûke 10:35

Tchô krâ pânə̈, tche âsə̈ ro, kə̈ wûtu la mîɛ̈-makətche bïchuû, kə̈ kʉ̂ rə̂ sə̈ earə̂ nda nə̈, kə̈ tô rə̂ sə̈ tchë päkëdə̂: ‹Amö mbo rə̂ la köchë âtə! Âdə mo âza ngâ mîɛ̈-makətche ndə̂ zə̈ ngbî pâ anə̈ âtə ndə̂kə̂ mbo rə̂ la tchë, kə̂ gu ndə̂ mê, mê zadje rə̂ sə̈ mö ëngbânə̈.›»

Lûke 2:7

Tche zɨ̂ dokʉ̈ bechë ndə̂ yê tə̂ köchë, kə̈ gʉ̂â tchë la lə̂ba, kə̈ zâ tchë lə̂ ngâ rə ndə̂ agia zɨ rə lə̂nə̈, bëte sə̂ ngâ tchô ndə̂kə̂ pa andjë lo tâ lə̂ nda ndə̂ ayirə wâbo-a.

Rômo 12:20

Mbëtï nə̈ kä tö rə̂ päkëdə̂: «Âdə gʉ ânyu earə̂ kə̂ kosə̂ zə̈, amö za kɨ̈zɨ̂ sə̈ tchë, tche zɨ̂ rə̂. Âdə gʉ ngû ânyu tchë, tu ngû sə̈ tchë, tche ndjô rə̂. Âdə mo âmbo tâ käko, rə nə̈ âwa batə̂ jïwo kä ndə̂ mo hra rə̂ atə̂pâ küma yê.»

Dokʉ̈ Tësälönîke 5:15

La nyê gbö-ê, ânyë ngâ akrə balë mboabô ngbongbo rə mbô tə̂ akrə ndə̂ tche mbô ngbongbo rə tə̂ yê-ê, praâbalë nyë pü köbo logbɛ̂ ndə̂kə̂ mbo tchôtchô rə lə̂ gbâtə̂ nyê, ndjë tə̂ azü gbɛ̂.