Lûke 10:22 - Mbëtï Ndjapä: TÄFO MADƗ̈

²² «Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.»

Lûke 10:22 Iomraidhean Croise

Matiyə̈ 11:25

Lo nə̈ lâme, Jezü tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü.

Matiyə̈ 11:27

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.

Matiyə̈ 28:18

Jezü gîtə̂ yê ndola andjê kə̈ tô rə̂ sə̈ andjê päkëdə̂: «Ndjapä zä gbôgbô sə̈ mê pâ tchêlafô la tchêbêche.

Jâan 1:18

Ngâ akrə balë wûn-âbo Ndjapä nə̂-a. Praâbalë kütû gbokôngô Modô nə̈, ndə̂ tche wâtə̂ Ndjapä ânyë kə̈ sə̂ bhâ ndrotə̂ Bha, tchetchë balë kä ndə̂ ânyîsə̂ Ndjapä sə̈ azü ânyë andjë wûnsə̂ yê.

Jâan 10:15

batə̂ rə̂ ndə̂ Bha mê wûnsə̂ mê, ânyë më wûn ndjë sə̂ Bha mê. Më gbötə̂ tchîsûwu ndə̂ mê bëte aɛ̈bro-ngbaga ndə̂ mê.

Jâan 13:3

Jezü wünsə̂ nə̈ pä Bha nə̈ gbôtə̂ arə nə̂ gbɛ̂ ëtchânə̂ yê, kə̈ wûn ndjë sə̂nə̈ pä tche tö alême bhândə̂ Ndjapä, tchê kä doadje ndjë tə̂ yê pu Ndjapä.

Jâan 17:10

Arə ndə̂ mê gbɛ̂ wätə̂ andə̂ zə nə̈, ânyë arə ndə̂ zə̈ gbɛ̂ wä ndjë tə̂ andə̂ me nə̈. Käko a luadje sə̂ mê lə̂ köbosə̂ nə̈ ndə̂ ârâ wâ balë la andjê.

Jâan 17:2

Mo zä gbôgbô sə̈ tchë pâ azü tchêbêche gbɛ̂, ndə̂kə̂ pa tche za tchîsûwu ndə̂ logbɛ̂ logbɛ̂ sə̈ azü ndə̂ mo kʉ̂ andjê sə̈ tchë.

Jâan 17:26

Më mbô rə̂ nə̂ pä andjë wunsə̂ rə̈ zə̈. Mê kä mboadje rə̂ pä andjë wunsə̂ rə̈ zə̈, käko ânyë kə̂ nyində̂ ngâ ndə̂ mo nyîndə̂ mê la rə̂ lâme, äwa lə̂ andjê, käko ânyë mê wa balë la andjê.»

Jâan 17:5

Angaâtə, Bha mê, amö lusə̂ mê bhâ ndrotə̂ zə̈, batə̂ golowäre ndə̂ më wâ la rə̂ alême bhâ ndrotə̂ zə̈, dokʉ̈tchê ndə̂kə̂ pa a mbo tchîsûwu.

Jâan 3:35

Bha nyïndə̂ Modô ndə̂ yê, ânyë kə̈ gbôtə̂ rə gbɛ̂ ëtchânə̂ yê.

Dokʉ̈ Körɛ̂nte 15:24

Pânə̈, rə gbɛ̂ âka sə̂nə̈ ndə̂ Krîsiti ndɨadje angbongbo atchozö ndə̂ andjë wâ la kümändëmä la gbôgbô pâ azə̂, ânyë kə̂ gboadje tə̂ mbätä-gbïɛ̈ ndə̂ yê nə̈ sə̈ Ndjapä Bha.

Bïchuû Körɛ̂nte 4:6

Ndjapä tö rə̂ päkëdə̂: «Äwäpä ngbänga tcho lə̂ bübü tchô.» Tchetchë la tə̂ yê kä âkə̂ tcho bhâlə̂ su azə̂ ndə̂kə̂ pa la azə̂ vro ânyë azə̈ wunsə̂ ngbänga ndə̂ yê ndə̂ âtcho pâ la Krîsiti.

Ëfêze 1:21

Bhâye, Krîsiti sə̈ pâ akümändëmä gbɛ̂, agbôgbô gbɛ̂, amakündji gbɛ̂, la angâ arə̈ gbɛ̂ ndə̂ âwâ ndə̂kə̂ pa a e rə̂, lə̂ tchîsûwu atə̂ la tchîsûwu ndə̂ ânə.

Aheborö 2:8

Mo kʉ̈ arə gbɛ̂ ëtchâtchâ da yê.» Ndə̂ Ndjapä kʉ̂ arə gbɛ̂ ëtchâtchâ kümändëmä ndə̂ yê, änyïndə̂ kə̂ to rə̂ pä Ndjapä gbôâbo tə̂ ngâ rə balë ndə̂ âwâbô wâ tchâtchâ Jezü-a. Praâbalë lə̂ la azə̂, azə̈ wûn-âbo rə̂ dämba pä rə gbɛ̂ wä tchâtchâ kümändëmä ndə̂ yê-a.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.

Bïchuû Jâan 1:9

Akrə balë balë gbɛ̂ ndə̂ tche sə̂âbô sə̂ lə̂kə̂ nyisə̂ rə ndə̂ Krîsiti, ânyë kə̈ wân tâ ngbî, dëkë tche wâbo balë la Ndjapä-a. Akrə ndə̂ tche sə̂ lə̂kə̂ nyisə̂ rə ndə̂ Krîsiti, akrə nə̈ lâme kä balë la Bha azə̂ la Modô ndə̂ yê.