Lûke 10:21 - Mbëtï Ndjapä: TÄFO MADƗ̈

²¹ Posə̂nə̈ lâme, Kpɨ̂ki Yingö sɨ̂ Jezü la mômô, tche tô rə̂ päkëdə̂: «Bha mê, Gbölö Gbïɛ̈ ndə̂ tchêlafô la tchêbêche, më zä ayîabâ sə̈ mö, bëte mo vüsə̂ rə lâme tə̂ azü ndə̂ küma andjê wâ lanə̈ la a-earə̂ kə̂ wunsə̂ rə, ânyë kə̈ nyîsə̂ nə̈ sə̈ akpîɛ̂kpîɛ̂ azü. Tə̂ lëge nə̈, mo mbö tâ käko bëte momö kä ndə̂ ânyîndə̂ nə̈.

Lûke 10:21 Iomraidhean Croise

Matiyə̈ 16:17

Jezü tô rə̂ ndə̂nə̈ sə̈ tchë päkëdə̂: «Mômô kä tə̂ zə̈ Chemön, modô ndə̂ Jönâse! Bëte pö ndə̂ mo tô rə̂ lâme âtôâbo bhândə̂ azü-a, praâbalë ätö bhândə̂ Bha ndə̂ tche sə̂ bhâ lafô.

Matiyə̈ 21:16

Andjë tô rə̂ sə̈ Jezü päkëdə̂: «Mo djê pö ndə̂ andjë tô rə̂ lâme nə̂?» Jezü tô rə̂ ndə̂nə̈ sə̈ andjê päkëdə̂: «Më djê rə̂ nə̂! Nyë dɨ̂âbo pö lâme balë lə̂ Mbëtï Ndjapä? Mbëtï Ndjapä tö rə̂ päkëdə̂: ‹Mo mbö rə̂ pä düwü ndə̂kə̂ voga mö wutu lə̂ ma ayɛ̈yɛ̈ abechë la angbelɛ̂-abechë.›»

Matiyə̈ 3:7

Ndə̂ Jâan wûn angbängbä afarizïɛ̈n la asadusïɛ̈n ndə̂ andjë nə̂ pû tchë ndə̂kə̂ gbo batɛ̂me, tche tô rə̂ sə̈ andjê päkëdə̂: «Nyënyê ndə̂ nyë wâtə̂ akângê âtə! Tchabâ kä ndə̂ ânyîsə̂ nə̈ sə̈ nyê ndə̂kə̂ pa nyë kpe wa mêrâ ndə̂ Ndjapä ndə̂ ânə lâme?

Mâreke 10:15

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche mbôâbô mbô la sə̂ Gbölö gö-gbïɛ̈ ndə̂ Ndjapä batə̂ abechë âtə-ê, tchê liabô balë atə̂lə̂ nə̈ tee-a.»

Lûke 15:5

Âdə tche âgbo tchë, kə̂ wa la mômô, tche âza ɛ̈bro-ngbaga lâme ëpâ kängä yê,

Lûke 15:9

Âdə tche âgbo rə̂ nə̂, kə̂ e araagü nə̈, la azü ndə̂ andjë lô ndola tchë, kə̂ to rə̂ sə̈ andjê päkëdə̂: ‹Nyë nə̈ azə̈ vû ngɨ̈, bëte mîɛ̈-makətche ndə̂ mê ndə̂ âyû tə̂ mê alême, më gbô rə̂ nə̂!›

Jâan 11:41

A rô täme lâme-ê, Jezü kênga la yê atə̂ lafô kə̈ tô rə̂ päkëdə̂: «Bha mê, më zä ayîabâ sə̈ mö bëte mo djê mê nə̂.

Bïchuû Körɛ̂nte 4:3

Âdə Tchôtchô Pö ndə̂ ârâ mû rə̂ âwa tchâkabû, äwä tchâkabû bëte azü ndə̂ köbo andjê yû.

Ëfêze 1:11

Ndə̂ azə̈ wâ ndjë balë la Krîsiti, azə̈ gbö andə̂ azə̂ nə̈ arə ndə̂ tche nyîkrə rə̂ dokʉ̈tchê lə̂ köbosə̂ nə̈ ndə̂ tche dɨ̂ azə̂ ndə̂kə̂ gbo rə̂. Tche mbö arə nə̈ gbɛ̂ batə̂ rə̂ ndə̂ su yê nyîndə̂ nə̈.

Ëfêze 1:5

tche nyïkrə rə̂ dokʉ̈tchê ndə̂kə̂ pa azə̈ watə̂ abechë ndə̂ yê lə̂ köbosə̂ Jezü Krîsiti, tchôtchô kə̂ mbo rə ndə̂ yê ndə̂ tche nyîndə̂ kə̂ mbo rə̂ kä lâme.