Lûke 10:18 - Mbëtï Ndjapä: TÄFO MADƗ̈

¹⁸ Jezü tô rə̂ sə̈ andjê päkëdə̂: «Më wün Satäa alême ndə̂ tche tô bhâ lafô kə̂ tê atə̂ bêche batə̂ nyïvrö ndə̂ âsrô kpôlə̂nyä.

Lûke 10:18 Iomraidhean Croise

Matiyə̈ 4:10

Jezü tô rə̂ sə̈ tchë päkëdə̂: «Gitə̂ zə̈ chï, Satäa! Mbëtï Ndjapä tö rə̂ päkëdə̂: ‹Äwäpä mo gʉte tchâtchâ Ndjapä Gbölö Gbïɛ̈ ndə̂ zə̈, kə̂ voga kütû tchë balë.›»

Jâan 12:31

Angaâtə kä ndə̂ a wa ngbanga ndə̂ azü tchêbêche. Angaâtə kä ndə̂ a za makündji ndə̂ tchêbêche âtə kə̂ yi tchë atə̂ sûwu.

Jâan 16:11

Âdə andə̂ pö ndə̂kə̂ wa ngbanga, tchê nyiadje sə̂nə̈ päkëdə̂: A wâ ngbanga lə̂ küma makündji ndə̂ tchêbêche âtə nə̂.

Aheborö 2:14

Bëte rə̂ ndə̂ abechë nə̈ lâme wâ la tə̂ akrə la jï akrə balë, Jezü la tə̂ yê dötə̂ yê kə̈ wâ ndjë batə̂ andjê, ânyë kə̈ zâ tə̂ akrə. Käko lə̂ köbosə̂ kuzü ndə̂ yê, tche ndɨ̂ gbôgbô ndə̂ Jâbolo ndə̂ tche wâ la rə̂ alême pâ kuzü,

Dokʉ̈ Jâan 3:8

Akrə ndə̂ tche mbô ngbongbo rə, dëkë tche wätə̂ tchandə̂ Jâbolo. Bëte Jâbolo jëtə̂ kə̂ mbo ngbongbo rə gasa alême lə̂ kêsâ nə̈. Ndə̂ Modô ndə̂ Ndjapä nə̂ lâme, tche nə̈ ndə̂kə̂ ndɨ tchə̂lə̂ kua ndə̂ Jâbolo.

Apökälîbïchi 20:2

Tche zâ gia ndə̂ tche wâ batə̂ mbölëngä lâme, ndə̂ tche wâtə̂ bəndɨ ɛ̈krʉ̂, ndə̂ tche də̂ Jâbolo âdəndjë Satäa, kə̈ î tchë la djingîli nə̈ ngbâ ngû sâke balë.

Apökälîbïchi 9:1

Pânə̈, mïndûu ânje nə̈ hrʉ̂ tätälîtä ndə̂ yê. Më wûn ngâ kêkêrə̂ ndə̂ âtô bhâ lafô ânyë kə̈ tê atə̂ bêche. A zâ kûlïɛ̈ manda gbölö kudû ndə̂ tchə̂lə̂ nə̈ bû biî sə̈ kêkêrə̂ nə̈.