Lûke 10:17 - Mbëtï Ndjapä: TÄFO MADƗ̈

¹⁷ Pânə̈ adjisîpili tə̂ azü vötaâ la lə̂ könô gbɛ̂ tchêpâ nə̈ bïchuû kângbâ andjê la mômô, kə̈ tô rə̂ päkëdə̂: «Gbölö Gbïɛ̈, angbongbo atchozö ndjë gbɛ̂ djë ârâ ndə̂ ârâ tô pö sə̈ andjê la rə̈ zə̈!»

Lûke 10:17 Iomraidhean Croise

Matiyə̈ 4:24

Rə̈ Jezü zâ tchə̂lə̂ gö ndə̂ Sirï gbɛ̂, ânyë azü ê pu tchë la a-earə̂ tə̂kömbô. Andjanə̈ ndə̂ andjë wâ la tə̂kömbô ngbî ngbî ânyë kə̂ sə ndə̂ andjê wâbô wâtə̂ tchôtchô nə̈, la andjanə̈ ndə̂ andjë wâ la angbongbo atchozö, la andjanə̈ ndə̂ kôkö yi andjê, ndjë la andjanə̈ ndə̂ ngâ tchâme-tə̂ andjê ndɨ̂. Jezü tchâ andjê gbɛ̂ lə̂ tə̂kömbô ndə̂ andjê.

Mâreke 16:17

Asɨ̂nyî rə ndə̂ âzadje tchêngbâ andjanə̈ ndə̂ andjê zadje su andjê sə̈ mê wä kâkë: Andjê groadje angbongbo atchozö la rə̈ mê, kə̂ toadje pö la angâ atäfo ama gö.

Lûke 10:1

La tchêngbâ nə̈, Gbölö Gbïɛ̈ dɨ̂ angâ adjisîpili tə̂ azü vötaâ la lə̂ könô gbɛ̂ tchêpâ nə̈ bïchuû, kə̈ wân andjê bïbïchuû ndə̂kə̂ ro dokʉ̈tchê kulə̂ agö gbɛ̂, la atchô gbɛ̂ ndə̂ tchetchë la tə̂ yê, tche nyîndə̂ kə̂ e tâ.

Lûke 10:20

Nyë wäbô wâ la mômô bëte rə̂ ndə̂ angbongbo atchozö djê nyê lâme-ê, praâbalë nyë wä la mômô bëte rə̂ ndə̂ a mbô rə̈ nyê bhâ lafô nə̂!»

Lûke 10:9

Nyë tchä a-earə̂ tə̂kömbô lə̂ gö nə̈, kə̂ to rə̂ sə̈ azü gö nə̈ päkëdə̂: ‹Gbölö gö-gbïɛ̈ ndə̂ Ndjapä ndô la nyê nə̂.›

Lûke 9:1

Jezü ë adjisîpili ndə̂ yê lə̂ könô gbɛ̂ tchêpâ nə̈ bïchuû, kə̈ zâ gbôgbô la kümändëmä sə̈ andjê ndə̂kə̂ gro angbongbo atchozö gbɛ̂ lakə̂ tcha a-earə̂ tə̂kömbô.

Rômo 16:20

Ndjapä ndə̂ tche za zɨtɨ su sə̈ akrə, tche ndô tə̂kə̂ nunu Satäa tchâtchâ da nyê nə̂. Äfü pä Gbölö Gbïɛ̈ ndə̂ azə̂ Jezü mbo tchôtchô su tə̂ nyê!

Ëfêze 5:24

Batə̂ rə̂ ndə̂ Egilîze dje ma Krîsiti, äwäpä aɛ̈chë dje aköchë ndə̂ andjê lə̂ arə gbɛ̂.