Lûke 10:16 - Mbëtï Ndjapä: TÄFO MADƗ̈

¹⁶ Jezü kä tô rə̂ sə̈ adjisîpili ndə̂ yê päkëdə̂: «Âdə ngâ akrə âdje nyê, dëkë mëmê kä ndə̂ tche djê mê. Âdə ngâ akrə âkosə̂ nyê, dëkë mëmê kä ndə̂ tche kôsə̂ mê. Âdə akrə nə̈ âkosə̂ mê, dëkë tche kösə̂ akrə ndə̂ tche wän mê.»

Lûke 10:16 Iomraidhean Croise

Matiyə̈ 10:40

«Akrə ndə̂ tche mbô rə̂ la nyê, dëkë tche mbö rə̂ la mê. Akrə ndə̂ tche mbô rə̂ la mê dëkë tche mbö rə̂ la akrə ndə̂ tche wân mê.

Matiyə̈ 18:5

Akrə ndə̂ tche mbô rə̂ la ngâ yɛ̈yɛ̈ bechë batə̂ tchanə̈ âtə la rə̈ mê, dëkë mëmê la tə̂ mê kä ndə̂ tche mbô rə̂ la mê.»

Mâreke 9:37

«Akrə ndə̂ tche mbô rə̂ la ngâ yɛ̈yɛ̈ bechë batə̂ tchanə̈ âtə la rə̈ mê, dëkë mëmê la tə̂ mê kä ndə̂ tche mbô rə̂ la mê. Akrə ndə̂ tche mbô rə̂ la mê, âdə̂âbo mëmê la kütû mê kä ndə̂ tche mbô rə̂ la mê-a, praâbalë tche mbö ndjë rə̂ la tchanə̈ ndə̂ tche wân mê.»

Lûke 9:48

kə̈ tô rə̂ sə̈ andjê päkëdə̂: «Akrə ndə̂ tche lûsə̂ bechë âtə la rə̈ mê, dëkë mëmê la tə̂ mê kä ndə̂ tche lûsə̂ mê. Akrə ndə̂ tche lûsə̂ mê, dëkë tche lü ndjë sə̂ akrə ndə̂ tche wân mê. Bëte akrə ndə̂ tche wâ kpîɛ̂kpîɛ̂ rə̂ ârô masə̂nə̈ lə̂ gûtə̂ nyê, akrə lâme kä ndə̂ âwâ gbölö!»

Jâan 12:44

Jezü tô rə̂ ngbôô päkëdə̂: «Âdə ngâ akrə âza su yê sə̈ mê, âdə̂âbo mëmê la kütû mê kä ndə̂ tche zâ su yê sə̈ mê-a. Praâbalë tche zä ndjë rə̂ sə̈ tchanə̈ ndə̂ tche wân mê.

Jâan 12:48

Akrə ndə̂ tche kôsə̂ mê ânyë kə̈ mbôâbô rə mbô gundə̂sə̂ apö ndə̂ mê, tche kä la earə̂ kə̂ wa ngbanga ndə̂ yê tâ. Pö ndə̂ më tô rə̂ alême kä, pö nə̈ lâme kä ndə̂ âwadje ngbanga lə̂ küma yê tə̂ lö nə̈ ndə̂ tchêbêche krʉ.

Jâan 13:20

Ɛn-ɛn, tə̂ lëge nə̈ më tö rə̂ sə̈ nyê, akrə ndə̂ tche zâ ngâ akrə ndə̂ më wân tchë bhândə̂ yê, dëkë mëmê kä tche zâ mê la tə̂ mê bhândə̂ yê. Akrə ndə̂ tche zâ mê bhândə̂ yê, tche zâ akrə ndə̂ tche wân mê bhândə̂ yê nə̂.»

Abadjângele 5:4

Mo wä âme ndə̂kə̂ bata kɨ̈ndɨ̈ ndə̂ zə̈ lâme. Ndə̂ mo kâ rə̂ lâme, makətche nə̈ də̈ andə̂ zə nə̈. Mo wä ndə̂kə̂ mbo arə gbɛ̂ ndə̂ mo nyîndə̂ nə̈ la makətche nə̈. Bëte giamâ kä ndə̂ mo nyîkrə rə̂ tə̂ su zə̈ ndə̂kə̂ mbo tə̂ rə käko-ë? Mo môâbo yepa lâme sə̈ azü-a, praâbalë mo mö rə̂ sə̈ Ndjapä!»

Gälâte 4:14

Ndə̂ më wâ la tə̂kömbô, ânyë tə̂ mê fûâbô fû-î lâme, nyë djêâbo tchêngbâ nyê tə̂ mê-a, kə̈ kôâbo ndjë sə̂ mê-a. Praâbalë nyë mbö rə̂ la mê bhândə̂ nyê batə̂ ngâ ânje ndə̂ Ndjapä, ndjë batə̂ Krîsiti Jezü.

Dokʉ̈ Tësälönîke 4:8

Bëte rə̂ kä ndə̂ akrə ndə̂ tche kôsə̂ apö âtə, dëkë akrə də̂âbo tchë ndə̂ tche kôsə̂ yê-a, praâbalë Ndjapä kä ndə̂ tche kôsə̂ yê, tchetchë ndə̂ tche zâ Kpɨ̂ki Yingö ndə̂ yê sə̈ nyê lâme.