Lûke 1:78 - Mbëtï Ndjapä: TÄFO MADƗ̈

⁷⁸ Ndjapä ndə̂ azə̂ mbö tchôtchô su lakə̂ wun nyonyo azü tə̂ gbölösə̂nə̈, tchê mboadje rə̂ pä ngbänga ndə̂ tchêlafô ta pâ azə̂.

Lûke 1:78 Iomraidhean Croise

Jâan 3:16

Bëte Ndjapä nyïndə̂ azü tchêbêche âtə tə̂ gbölösə̂nə̈, ânyë kə̈ zâ gbokôngô Modô ndə̂ yê, ndə̂kə̂ pa akrə balë balë ndə̂ tche za su yê sə̈ tchë, tchê tchuabô tee-a, praâbalë tche kä la tchîsûwu ndə̂ logbɛ̂ logbɛ̂.

Ëfêze 5:14

Bëte rə ndə̂ a wutu la pö ndə̂nə̈ ësûwu mbötə̂ yê tə̂ rə ndə̂ âwûtu lə̂ ngbänga. Ädə̈ käko ânyë a tô rə̂ päkëdə̂: «Amö jo-ê, momö ndə̂ mo lô âtə. Amö alafô lə̂ gbâtə̂ akuzü, Krîsiti wan-adje ngbänga yê pâ zə̈.»

Fïlîpe 1:8

Lə̂ la Ndjapä më nyïndə̂ nyê tə̂ gbölösə̂nə̈ la su mê balë batə̂ rə̂ ndə̂ Jezü Krîsiti nyîndə̂ nyê.

Fïlîpe 2:1

Ndə̂ nyë wâ balë la Krîsiti, ämbö rə̂ pä nyë kpokpo tə̂ nyê. Lə̂ köbosə̂ kə̂ nyində̂ ngâ, ämbö rə̂ pä su nyê wa la gbôgbô, nyê wa balë la Yingö ndə̂ Ndjapä, nyë kä lakə̂ nyïndə̂ angâ nyê lə̂ gbâtə̂ nyê, ndjë lakə̂ wun nyonyo azü.

Kölôse 3:12

Ndjapä dɨ̂ nyê nə̂, nyë də̈ azü ndə̂ yê ndə̂ tche nyîndə̂ andjê. Käko nyë wün nyonyo azü, kə̂ mbo dâkâ tə̂ azü, kə̂ mbotə̂ nyê kpîɛ̂kpîɛ̂ rə̂, nyë mbö rə tə̂ azü nyima-ë, kə̂ rʉatə̂ su nyê ndə̂kə̂ sə bëte tchë.

Bïchuû Pîêre 1:19

Käko gbô azə̂ kä lakə̂ za su azə̂ pâ apö ndə̂ a-earə̂ ndə̂ma Ndjapä tô rə̂ alême, ädäka ndə̂kə̂ pa la nyê gbo pânə̈-ê: Äwä batə̂ lâmba ndə̂ âtcho lə̂ bübü tchô, ndjoa ndə̂kə̂ pa tchô kra tâ, ânyë ndjamunu tcho bhâlə̂ su nyê.

Dokʉ̈ Jâan 3:17

Praâbalë âdə ngâ akrə âwa la arə tchêbêche âtə tə̂ gbölösə̂nə̈, ânyë kə̈ gʉ̂â la yê tə̂ ngâ yê, ndə̂ tche wûn tchë la gʉ ngâ rə, akrə käko lâme nyïndə̂ Ndjapä tchïtchïnə̈ atöko?

Apökälîbïchi 22:16

«Mëmê Jezü, më wän ânje ndə̂ mê sə̈ nyê ndə̂kə̂ e ndə̂kə̂ nyisə̂ arə gbɛ̂ lə̂ a-Egilîze. Më də̈ akrə pâ mawo ndə̂ Davîdi, ngbänga mê wä batə̂ andə̂ ndjamunu.»