Lûke 1:77 - Mbëtï Ndjapä: TÄFO MADƗ̈

⁷⁷ ndə̂kə̂ nyisə̂ köbo sə̈ azü gö ndə̂ yê, ânyë a ko pö lə̂ küma andjê, ânyë andjë tcha lə̂ kuzü.

Lûke 1:77 Iomraidhean Croise

Lûke 3:3

Jâan ê kulə̂ agö ndə̂ âwâ ndola ngû ndə̂ Jurudɛ̈n. Tche ë lakə̂ mu pö sə̈ azü päkëdə̂: «Nyë gbötə̂ bəndɨ kə̂ mbo rə ndə̂ nyê, kə̂ gbo batɛ̂me, Ndjapä ko pö lə̂ küma nyê!»

Lûke 3:6

Käko ânyë azü gbɛ̂ wun-adje kə̂ tcha tchô ndə̂ Ndjapä.»

Jâan 1:29

Ndə̂ tchô krâ pânə̈, Jâan wûn Jezü ndə̂ tche nə pu tchë, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä ndə̂ tche ji angbongbo rə ndə̂ azü tchêbêche âtə.

Jâan 1:34

Mëmê Jâan, më wûn rə̂ la lala mê nə̂. Ârə̂ kä ndə̂ më tô rə̂ sə̈ azü gbɛ̂ pä köchë âtə də̈ Modô ndə̂ Ndjapä.»

Abadjângele 10:43

A-earə̂ ndə̂ma Ndjapä gbɛ̂ tö pö pâ yê päkëdə̂: Akrə ndə̂ tche zâ su yê sə̈ tchë, lə̂ köbosə̂ rə̈ yê, Ndjapä âko pö lə̂ küma yê.»

Abadjângele 19:4

Pôlo tô rə̂ sə̈ andjê päkëdə̂: «Azü ndə̂ andjë gbô batɛ̂me ndə̂ Jâan də̈ azü ndə̂ andjë nyîndə̂ kə̂ gbotə̂ bəndɨ kə̂ mbo rə ndə̂ andjê, praâbalë tche tö rə̂ sə̈ azü ndə̂kə̂ pa andjë za su andjê sə̈ ngâ akrə ndə̂ tchê nəadje pânə̈ ngbâ anyê, ndə̂ ânyîndə̂ kə̂ to rə̂ pä Jezü.»

Abadjângele 2:38

Pîêre tô rə̂ ndə̂nə̈ sə̈ andjê päkëdə̂: «Nyë gbötə̂ bəndɨ kə̂ mbo rə ndə̂ nyê, äwäpä akrə balë balë lə̂ gûtə̂ nyê gbo batɛ̂me la rə̈ Jezü Krîsiti, ânyë Ndjapä ko pö lə̂ küma yê, käko nyê gboadje arə ndə̂ Kpɨ̂ki Yingö.

Abadjângele 3:19

Käko nyë gbötə̂ bəndɨ kə̂ mbo rə ndə̂ nyê, kə̂ ka pu Ndjapä, ânyë tche ko pö lə̂ küma nyê.

Abadjângele 5:31

Ndjapä kênga tchë də ndôkö könô yê ndə̂kə̂ pa tche watə̂ Makündji la Earə̂ kə̂ tcha azü, kə̈ zâ köbo sə̈ azü ndə̂ Isarayële ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä koadje pö lə̂ küma andjê.

Rômo 3:25

Ndjapä zä Jezü Krîsiti batə̂ ngela ânyë lə̂ köbosə̂ jï yê, Krîsiti jî ngbongbo rə ndə̂ azü ndə̂ andjë zâ su andjê sə̈ tchë. Ndjapä mbö rə̂ käko ndə̂kə̂ nyisə̂ nə̈ pä tche wä djîrə̂: Angbongbo rə ndə̂ azü mbo rə̂ alême, tche gʉ̈ä la yê pânə̈,

Ëfêze 1:7

Lə̂ köbosə̂ nə̈ ndə̂ azə̈ wâ balë la Krîsiti, a jï azə̂ lə̂ ngbongbo rə lə̂ köbosə̂ jï yê, kə̈ kô pö lə̂ küma azə̂, lə̂ köbosə̂ tchôtchô rə ndə̂ tchôtchô su yê.