Lûke 1:76 - Mbëtï Ndjapä: TÄFO MADƗ̈

⁷⁶ Âdə andə̂ zə nə̈, bechë ndə̂ mê, mô wadje tə̂ earə̂ ndə̂ma Ndjapä ndə̂ tche sə̂ bhâ lafô, bëte mô nəadje dokʉ̈tchê tə̂ Gbölö Gbïɛ̈ ndə̂kə̂ nyikrə köbo yê,

Lûke 1:76 Iomraidhean Croise

Matiyə̈ 14:5

Hërôde nyîndə̂ kə̂ won tchë, praâbalë tche mbö wa ajuîfu bëte andjë wün Jâan batə̂ earə̂ ndə̂ma Ndjapä.

Matiyə̈ 21:26

Âdə azə̈ âto rə̂ päkëdə̂: ‹Azü kä ndə̂ âwân tchë›, azə̈ mbö wa kpûlû azü âtə, bëte kpûlû azü nə̈ gbɛ̂ wün Jâan batə̂ earə̂ ndə̂ma Ndjapä.»

Matiyə̈ 3:11

Më zä kütû batɛ̂me ndə̂ ngû sə̈ nyê ndə̂kə̂ nyisə̂ nə̈ päkëdə̂ nyë gbôtə̂ abəndɨ kə̂ mbo rə ndə̂ nyê nə̂. Ngâ akrə ndə̂ tche wâ la gbôgbô kə̈ rô mê ânəadje la tchêngbâ mê. Më ndôâbo la sə̂ yê ndə̂kə̂ zu dakpo tə̂ da yê-a. Tchê zadje batɛ̂me ndə̂ Kpɨ̂ki Yingö la andə̂ wo sə̈ nyê.

Matiyə̈ 3:3

Jâan wätə̂ akrə ndə̂ earə̂ ndə̂ma Ndjapä Ezayï tô pö ndə̂ yê alême päkëdə̂: «Ngâ akrə ön bhâlə̂ kpaɛ̈gâ päkëdə̂: ‹Nyë nyïkrə köbo Gbölö Gbïɛ̈, Nyë nyïkrə köbo yê ngbêwôn!›»

Mâreke 11:32

Âdə azə̂ âto rə̂ päkëdə̂: ‹Azü kä ndə̂ âwân tchë›», käko andjë mbô wa kpûlû azü nə̈ bëte andjë wûnsə̂ nə̈ nə̂ pä Jâan də̈ ngâ lëge earə̂ ndə̂ma Ndjapä.

Lûke 1:32

Tche âwa me gbölö lə̂ la azü, a â-eadje rə̂ tə̂ yê pä Modô ndə̂ Ndjapä bhâ lafô. Gbölö Gbïɛ̈ âzadje mbätä-gbïɛ̈ ngbâ âta nə̈ Davîdi sə̈ tchë.

Lûke 1:35

Ânje nə̈ tô rə̂ sə̈ tchë päkëdə̂: «Kpɨ̂ki Yingö âjreadje pâ zə̈, gbôgbô ndə̂ Ndjapä bhâ lafô vroadje pâ zə̈ batə̂ tchâkrʉzrö ngâ rə. Bëte rə̂ kä ndə̂ bechë ndə̂ mô zɨadje tchë lâme, a â-eadje rə̂ tə̂ yê pä tchanə̈ ndə̂ tche wâ ngbî ânyë kə̈ dâka gbɛ̂, Modô ndə̂ Ndjapä.

Lûke 6:35

Praâbalë awäpä nyë nyində̂ azü ndə̂ andjë kôsə̂ nyê, nyë mbö dâkâ, nyë mbö geda, kə̂ yuabô kû nə̈ yû-î pä a gi rə̂ sə̈ nyê ëngbânə̈-ê. Nyê gboadje ngâ gbölö tchôtchô rə ngbânə̈, kə̂ wadje tə̂ abechë ndə̂ Ndjapä ndə̂ tche sə̂ bhâ lafô. Bëte Ndjapä mbö dâkâ tə̂ azü ndə̂ andjë wûn-âbo sə̂kə̂ za ayîabâ wûn-î, la angbongbo azü.

Jâan 1:23

Jâan tô rə̂ sə̈ andjê päkëdə̂: «Më də̈ ‹akrə ndə̂ tche tâ wârə̂ bhâlə̂ kpaɛ̈gâ päkëdə̂: Nyë nyïkrə köbo Gbölö Gbïɛ̈ ngbêwôn!›» Batə̂ rə̂ ndə̂ Ezayï earə̂ ndə̂ma Ndjapä tô rə̂.

Jâan 1:27

Tchê nəadje la tchêngbâ mê, më kʉ̂âbo sə̂kə̂ zu wû dakpo tə̂ da yê-a.»

Jâan 3:28

Nyënyê la tə̂ nyê, nyë alême kä tâ sə̂nə̈ ndə̂ më tô rə̂ päkëdə̂: ‹Më də̂âbo Krîsiti-a, praâbalë më də̈ akrə ndə̂ a wân tchë dokʉ̈tchê tə̂ yê.›

Abadjângele 16:17

Tche sə̈ lakə̂ za tchêngbâ ârâ la Pôlo, lakə̂ ta wârə̂ päkëdə̂: «Azü âtə də̈ a-earə̂ kua ndə̂ Ndjapä ndə̂ tche wâ pâ arə gbɛ̂! Andjë sə̈ lakə̂ nyisə̂ köbo ndə̂kə̂ tcha lə̂ kuzü sə̈ nyê!»