Lûke 1:6 - Mbëtï Ndjapä: TÄFO MADƗ̈

⁶ Zakarï la Alîsabëte wätə̂ adjîrə̂ azü lə̂ la Ndjapä, andjë mbö rə la köbo nə̈ gundə̂sə̂ andïɛ̈ gbɛ̂ la apö gbɛ̂ ndə̂ Gbölö Gbïɛ̈.

Lûke 1:6 Iomraidhean Croise

Lûke 1:7

Praâbalë andjë wâbo la bechë-a, bëte Alîsabëte wätə̂ gbâkü ɛ̈chë, ânyë andjë bïchuû gbɛ̂ kpô nə̂.

Lûke 16:15

Jezü tô rə̂ sə̈ andjê päkëdə̂: «Nyë nyïsə̂ nə̈ lə̂ la azü pä nyë wätə̂ adjîrə̂ azü, praâbalë Ndjapä wûnsə̂ arə bhâlə̂ su nyê nə̂ gbɛ̂. Bëte rə ndə̂ azü wûn rə̂ batə̂ gbölö rə, Ndjapä wün andə̂ yê nə̈ batə̂ ngâ rə ndə̂ tche kôsə̂ nə̈.

Lûke 2:25

Ngâ köchë alême kädje bhâ Jerûzalêmo, rə̈ yê wü pä Simeyön. Köchë lâme wätə̂ djîrə̂ akrə, kə̈ kpê wa Ndjapä. Tche sə̈ bëte akrə ndə̂ tche nə ndə̂kə̂ tro ngûla azü ndə̂ Isarayële. Kpɨ̂ki Yingö kä pâ yê.

Abadjângele 2:25

Tə̂ lëge nə̈, Davîdi tö pö ndə̂ yê päkëdə̂: ‹Më wün Gbölö Gbïɛ̈ tchâtchu mê logbɛ̂, də ndôkö könô mê, ngâ rə ndə̂kə̂ ngbangi mê wâbo-a.

Abadjângele 23:1

Pôlo wûn tchə̂lə̂ la azü ndə̂ gbölö kpûlû ndə̂ a-earə̂ kə̂ wa ngbanga nə̈ ânyë kə̈ tô rə̂ sə̈ andjê päkëdə̂: «Arə̂mä, tə̂ lo nə̈ ndə̂ më zâ tchêngbâ Ndjapä zoo angêta, bhâlə̂ kə̂ rɨ tchə̂lə̂ su mê, ngâ pö balë wâbo lə̂ küma mê-a.»

Abadjângele 24:16

Tə̂ pö ndə̂nə̈ kä ndə̂ mëmê ndjë gbɛ̂ më sə̂ lakə̂ mbo rə̂ gbɛ̂ ndə̂kə̂ pa, logbɛ̂ më wabô wâ la ngâ ngbongbo rə lə̂kə̂ rɨ tchə̂lə̂ su mê lə̂ la Ndjapä ndjë lə̂ la azü-î.

Abadjângele 8:21

Kua ndə̂ ârâ mbo rə̂ âtə, ngâ rə ndə̂ zə̈ balë âdəndjë ngâ pö ndə̂ zə̈ wâbo lə̂nə̈-a, bëte su zə̈ wâbo djîrə̂ lə̂ la Ndjapä-a.

Rômo 8:4

Ndjapä mbö rə̂ käko ndə̂kə̂ pa azə̈ wa la gbôgbô ndə̂kə̂ mbo rə batə̂ rə̂ ndə̂ ndïɛ̈ yûkû nə̈ sə̈ azə̂. Käko azə̈ mbôâbo rə gundə̂sə̂ angbongbo gʉ su azə̂-a, praâbalë azə̈ mbö rə gundə̂sə̂ rə ndə̂ Yingö nyîndə̂ nə̈.

Dokʉ̈ Körɛ̂nte 11:2

Më gämba nyê bëte logbɛ̂ sə̂ mê kä lakə̂ te lə̂ nyê, ânyë nyë kä lakə̂ mbo rə gundə̂sə̂ apö ndə̂ mê nyisə̂ nə̈ sə̈ nyê.

Bïchuû Körɛ̂nte 1:12

Bëte rə ndə̂ tə̂ ârâ krâ lə̂ köbosə̂ nə̈ wä kâkë: Kə̂ rɨ tchə̂lə̂ su ârâ nyïsə̂ nə̈ sə̈ ârâ pä ârâ sə̈ pâ cho âtə la grôgrô su. Ârâ sə̈ ndjë käko lakə̂ mbotə̂ ârâ kpîɛ̂kpîɛ̂ rə̂ lə̂ la nyê, ndjë lə̂ köbosə̂ lëge pö. Âdə̂âbo lə̂ köbosə̂ küma akrə ndə̂ âwâ lanə̈-a, praâbalë lə̂ köbosə̂ tchôtchô su ndə̂ Ndjapä.

Fïlîpe 2:15

Käko nyê watə̂ azü ndə̂ pö wâbô wâ lə̂ küma andjê-ê, abechë ndə̂ Ndjapä ndə̂ ngbongbo rə wâbô wâ lə̂ küma andjê-ê, lə̂ gbâtə̂ azü ndə̂ tchô angêta âtə, ndə̂ andjë wâ ngbo ânyë kə̂ mbo ngbongbo rə. Äwäpä ngbänga nyê tcho lə̂ gûtə̂ andjê batə̂ akêkêrə̂ lafô,

Kölôse 1:22

Praâbalë angaâtə lə̂ köbosə̂ kuzü Modô ndə̂ yê ndə̂ tche wûn yûkü lə̂ tə̂ yê ndə̂ akrə, tchôtchô kə̂ sə kângbâ yê lə̂ gbâtə̂ nyê la Ndjapä, ndə̂kə̂ mbo rə̂ ânyë nyê krʉ tchâtchu Ndjapä batə̂ azü ndə̂ andjë wâ ngbî ânyë kə̈ dâka gbɛ̂, azü ndə̂ pö wâbô wâ lə̂ küma andjê, azü ndə̂ ngâ ngbongbo rə wâbô wâ tə̂ andjê-ê.

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Bïchuû Pîêre 3:14

Bëte rə̂ kä, arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndə̂ nyê âsə̈ krʉ bëte lö nə̈ lâme, äwäpä nyë mbo rə̂ gbɛ̂ ndə̂kə̂ pa nyë daka gbɛ̂ ânyë ngâ pö balë wabô wâ lə̂ küma nyê-ê, ndjë äwäpä nyë sə la zɨtɨ su la Ndjapä.

Dokʉ̈ Jâan 2:29

Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 2:3

Âdə azə̂ âmbo rə gundə̂sə̂ andïɛ̈ ndə̂ Ndjapä, tchâme, azə̈ wunsə̂ nə̈ pä azə̈ wûnsə̂ Ndjapä nə̂.

Dokʉ̈ Jâan 3:7

Abechë ndə̂ mê, ngâ akrə balë yüäbô köbo nyê yû-î. Akrə ndə̂ tche mbô djîrə̂ rə, dëkë tche wätə̂ djîrə̂ akrə batə̂ Jezü ndə̂ tche wâ djîrə̂.