Lûke 1:2 - Mbëtï Ndjapä: TÄFO MADƗ̈

² Andjë tö tchêngbâ apö nə̈ sə̈ ârâ tiî batə̂ rə̂ ndə̂ azü ndə̂ andjë wûn rə̂ la lala andjê lə̂ kêsâ nə̈ ânyë kə̈ tô rə̂. Andjendjê kä ndə̂ âwâtə̂ azü ndə̂ a zâ rə̂ sə̈ andjê ndə̂kə̂ nyisə̂ pö Ndjapä.

Lûke 1:2 Iomraidhean Croise

Mâreke 1:1

Tchôtchô Pö ndə̂ Jezü Krîsiti Modô ndə̂ Ndjapä tö tchâtə.

Mâreke 16:20

Âdə andə̂ adjisîpili nə̈, andjê âe katchôgbɛ̂ lakə̂ mu Tchôtchô Pö. Gbölö Gbïɛ̈ zâ gbôgbô sə̈ andjê ndə̂kə̂ mbo rə̂ pä pö Ndjapä watə̂ lëge pö, lə̂ köbosə̂ akpɨ̈ngbɨ̈ rə ndə̂ âza tchêngbâ akua ndə̂ andjê.]

Mâreke 4:14

Earə̂ kə̂ gɨ ndjî rəgʉ nə̈ wä batə̂ earə̂ kə̂ mu pö Ndjapä.

Lûke 24:48

Nyë wätə̂ azü ndə̂ nyë wûn arə nə̈ lâme la lala nyê, ânyë kə̈ djê rə̂ la tü nyê.

Jâan 15:27

Nyënyê ndjë gbɛ̂, nyê toadje pö ndə̂ nyë wûnsə̂ nə̈ pâ mê, bëte sə̂nə̈ ndə̂ më jêtə̂ kua ndə̂ mê alême, nyë kä tâ.»

Jâan 16:4

Praâbalë më tö pö lâme sə̈ nyê ndə̂kə̂ pa, âdə lo nə̈ âsə̈ wutu, sə̂nə̈ te lə̂ nyê pä më tô pö lâme sə̈ nyê alême nə̂.» «Më tôâbo pö lâme sə̈ nyê dokʉ̈tchê nə̂-a, bëte më alême kä ndrotə̂ nyê.

Abadjângele 1:3

La tchêngbâ kuzü yê, tche mätə̂ yê alême sə̈ andjê lə̂ aköbo ngbî ngbî, ânyë kə̈ nyîsə̂ nə̈ sə̈ andjê pä anyë kä la tʉ̈rʉ̂ la anyê. Lə̂ alö tə̂ azü bïchuû, tche mâtə̂ yê tə̂ andjê, ânyë kə̈ sə̂ lakə̂ to pö pâ Gbölö gö-gbïɛ̈ ndə̂ Ndjapä sə̈ andjê.

Abadjângele 1:8

Praâbalë nyê gboadje ngâ gbôgbô, gbôgbô nə̈ lâme də̈ gbôgbô ndə̂ Kpɨ̂ki Yingö ndə̂ âjreadje pâ nyê. Käko nyê toadje apö ndə̂ arə ndə̂ nyë wûnsə̂ nə̈ pâ mê bhâ Jerûzalêmo, lə̂ agö ndə̂ Judë gbɛ̂, la andə̂ Samarï, zoo kupâ cho gbɛ̂.»

Abadjângele 14:25

Andjë mû pö Ndjapä lə̂ gö ndə̂ Perejë la tchêngbâ nə̈, andjë ê atə̂lə̂ gö ndə̂ Atalï.

Abadjângele 16:6

Pôlo la Sïlâse rô kütû rö lə̂ gö ndə̂ Firijï la Gälâte bëte Kpɨ̂ki Yingö kïtə̂ köbo tə̂ andjê ndə̂kə̂ mu pö Ndjapä pâ cho ndə̂ Azï.

Abadjângele 17:11

Ajuîfu ndə̂ Berë däka kə̈ rô andjandə̂ Tësälönîke. Andjë gbö pö ndə̂ Ndjapä la gʉ nə̈ gbɛ̂. Logbɛ̂ andjë sə̈ lakə̂ pu rə̂ lə̂ pö nə̈ ndə̂kə̂ wun rə̂ pä pö ndə̂ Pôlo tô rə̂ lâme kä lə̂ köbo nə̈.

Abadjângele 26:16

Praâbalë amö alafô kə̈ krʉ̂ lafô. Djusə̂nə̈ ndə̂ më wûtu ëtə̂ zə̈ wä kâkë: Më zä mö lə̂ gûtə̂ azü ndə̂kə̂ pa mo watə̂ earə̂ kua ndə̂ mê. Mô wadje tə̂ akrə ndə̂ mo mu pö ndə̂ arə ndə̂ mo wûnsə̂ nə̈ pâ mê, kə̂ to pö ndə̂ köbo ndə̂ mo wûn mê angêta. Mô nyiadje sə̂ rə ndə̂ mê kä nyiadje sə̂nə̈ sə̈ mö tə̂ngâlo.

Abadjângele 4:20

Andə̂ ârâ, rə ndə̂ ârâ wûn rə̂ ânyë kə̈ djê rə̂ âtə, ârâ wâbo ndə̂kə̂ ngbo ma ârâ pânə̈-a.»

Abadjângele 8:4

Azü ndə̂ Jezü ndə̂ andjë krʉ̂ tchə̂lə̂ tə̂ andjê katchôgbɛ̂, ê kulə̂ atchô ngbî ngbî lakə̂ mu Tchôtchô Pö.

Rômo 15:16

ânyë kə̈ zâ mê ndə̂kə̂ mbo kua ndə̂ Jezü Krîsiti lə̂ gbâtə̂ azü ndə̂ andjë wâbô wâtə̂ ajuîfu. Tche zä mê ngbî bëte kə̂ mu Tchôtchô Pö ndə̂ Ndjapä sə̈ azü, käko ânyë azü ndə̂ andjë wâbô wâtə̂ ajuîfu wa ndjë tə̂ tchôtchô ngela lə̂ la yê lə̂ köbosə̂ Kpɨ̂ki Yingö, tchetchë kä ndə̂ âmbo rə̂ ânyë andjë wa lə̂ köbo nə̈.

Dokʉ̈ Körɛ̂nte 4:1

Äwäpä nyë wun ârâ batə̂ a-earə̂ kua ndə̂ Krîsiti, ndə̂ andjë wâtə̂ azü ndə̂ andjë bata lëge pö ndə̂ Ndjapä ndə̂ âwâ lə̂ küwû nə̈ ndə̂kə̂ mbo rə̂ la kua gundə̂sə̂ nə̈.

Aheborö 2:3

Käko azəzə̂ la tə̂ azə̂, atöko kä ndə̂ azə̈ kpe tə̂ ngbanga lâme, ndə̂ azə̈ wûn kə̂ tcha lə̂ kuzü batə̂ mbämbä rə lâme? Gbölö Gbïɛ̈ la tə̂ yê kä ndə̂ âjêtə̂ kə̂ mu pö ndə̂nə̈ alême dokʉ̈tchê. Pânə̈ andjanə̈ ndə̂ andjë djê pö ndə̂ tchîsûwu ndə̂ logbɛ̂ logbɛ̂ lâme, andjë tö rə̂ sə̈ ârâ pä pö nə̈ wätə̂ lëge nə̈.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Bïchuû Pîêre 1:16

Tə̂ lëge nə̈, âwâbo lə̂ köbosə̂ ndə̂ma tro, la apö ndə̂kə̂ rɨ̈ tchə̂lə̂ küma azü kä ndə̂ ârâ nyîsə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la gbôgbô-a, praâbalë ârâ wün kə̂ wa gbölö ndə̂ yê la lala ârâ.