Lûke 1:17 - Mbëtï Ndjapä: TÄFO MADƗ̈

¹⁷ Tchê nəadje tchâtchu Ndjapä lə̂ köbosə̂ yingö la gbôgbô ndə̂ earə̂ ndə̂ma Ndjapä Elïe. Tche âmbo rə̂ ânyë tchôtchô kə̂ sə ka lə̂ gbâtə̂ arabha la abechë ndə̂ andjê. Tche âmbo rə̂ ânyë azü ndə̂ andjë kôsə̂ pö, mbo djîrə̂ batə̂ adjîrə̂ azü. Tchê nyikrəadje azü ndə̂kə̂ sə tchêtchêtchê bëte Gbölö Gbïɛ̈.»

Lûke 1:17 Iomraidhean Croise

Matiyə̈ 11:14

Âdə nyë ânyində̂ kə̂ dje pö ndə̂ mê, Jâan kä ndə̂ âdə̂ Elïe ndə̂ a tô pö ndə̂ yê pä tchetchë kä âkə̈ kângbâ yê lâme.

Matiyə̈ 14:4

Tche känga Jâan-Batîse bëte rə̂ ndə̂ tche tô rə̂ sə̈ tchë päkëdə̂: «Ndïɛ̈ zâbo köbo sə̈ mö ndə̂kə̂ pa mo to Hërödîâde tə̂ ɛ̈chë ndə̂ zə̈-a.»

Matiyə̈ 3:3

Jâan wätə̂ akrə ndə̂ earə̂ ndə̂ma Ndjapä Ezayï tô pö ndə̂ yê alême päkëdə̂: «Ngâ akrə ön bhâlə̂ kpaɛ̈gâ päkëdə̂: ‹Nyë nyïkrə köbo Gbölö Gbïɛ̈, Nyë nyïkrə köbo yê ngbêwôn!›»

Matiyə̈ 3:4

Jâan-Batîse yü lə̂ba ndə̂ a mbô rə̂ la su kʉ̂tê gia ndə̂ rə̈ yê wû pä chamö. Tche ï wû ndə̂ âwâ la kpoto gia pâ lə̂ba ndə̂ yê. Kɨ̈zɨ̂ ndə̂ yê də̈ kütû agölô la jrôâ awrʉ̂âtro.

Lûke 1:16

Tchê kadje la angbängbä azü ndə̂ Isarayële pu Gbölö Gbïɛ̈ ndə̂ tche wâtə̂ Ndjapä ndə̂ andjê.

Lûke 1:76

Âdə andə̂ zə nə̈, bechë ndə̂ mê, mô wadje tə̂ earə̂ ndə̂ma Ndjapä ndə̂ tche sə̂ bhâ lafô, bëte mô nəadje dokʉ̈tchê tə̂ Gbölö Gbïɛ̈ ndə̂kə̂ nyikrə köbo yê,

Jâan 1:13

Andjë wâbo tə̂ abechë ndə̂ Ndjapä lə̂ köbosə̂ nə̈ ndə̂ anyï zɨ bechë-a, âdə̂âbo ndjë lə̂ köbosə̂ nə̈ ndə̂ su akrə nyîndə̂ nə̈-a, praâbalë Ndjapä kä ndə̂ âzɨ̂ andjê.

Jâan 1:34

Mëmê Jâan, më wûn rə̂ la lala mê nə̂. Ârə̂ kä ndə̂ më tô rə̂ sə̈ azü gbɛ̂ pä köchë âtə də̈ Modô ndə̂ Ndjapä.»

Jâan 3:28

Nyënyê la tə̂ nyê, nyë alême kä tâ sə̂nə̈ ndə̂ më tô rə̂ päkëdə̂: ‹Më də̂âbo Krîsiti-a, praâbalë më də̈ akrə ndə̂ a wân tchë dokʉ̈tchê tə̂ yê.›

Abadjângele 10:33

Posə̂nə̈, më wân azü sə̈ mö ndə̂kə̂ e mö. Mo mbö tchôtchô su ânyë kə̈ nə̂ âtə. Ndə̂ azə̈ sə̂ âtə, azə̈ kä gbɛ̂ tchâtchâ Ndjapä, ârâ krʉ̈ ndə̂kə̂ dje pö ndə̂ Gbölö Gbïɛ̈ zâ rə̂ sə̈ mö ndə̂kə̂ to rə̂ sə̈ ârâ.»

Rômo 9:23

Tche mbö rə̂ bëte tche nyïndə̂ kə̂ nyisə̂ kə̂ wa gbölö ndə̂ yê sə̈ azü ndə̂ tche wûn nyonyo andjê. Azü nə̈ wätə̂ azü ndə̂ tche nyikrə andjê dokʉ̈tchê ndə̂kə̂ sə lə̂ golowäre ndə̂ yê.

Kölôse 1:12

Nyë zä ayîabâ la mômô sə̈ Ndjapä Bha azə̂ ndə̂ tche mbô rə̂ ânyë nyë kʉ̂sə̂ kə̂ gbo atchôtchô arə bëte azü ndə̂ yê lə̂ ngbänga.

Bïchuû Timotë 2:21

Akrə ndə̂ tche gbôtə̂ köbo angbongbo rə ndə̂ mê nyisə̂ nə̈ âtə, tchê wadje batə̂ arə ndə̂ a bâta rə̂ bëte kpülü lâme, tchê wadje ngbî bëte Ndjapä, ndə̂ gbölö akrə ndə̂ yê mbo kua la tchë, ânyë tche wa ndə̂kə̂ mbo tchôtchô kua gbɛ̂.

Dokʉ̈ Pîêre 2:9

Praâbalë nyënyê ndə̂ nye nə̈, nyë wätə̂ azü gö ndə̂ Ndjapä dɨ̂ nyê, ndə̂ nyë wätə̂ a-earə̂ kə̂ wa ngela sə̈ Ndjapä, ndə̂ andjë wâtə̂ andjandə̂ gbïɛ̈, azü gö ndə̂ andjë wâ ngbî ânyë kə̈ dâka gbɛ̂, azü gö ndə̂ andjë wâtə̂ azü ndə̂ Ndjapä. Tche dɨ̈ nyê ndə̂kə̂ pa nyë wutu lə̂ bübü tchô kə̂ sə lə̂ tchôtchô ngbänga yê, ânyë kə̂ mu pö ndə̂ atchôtchô arə ndə̂ tche mbô rə̂.

Dokʉ̈ Jâan 2:28

Angaâtə abechë ndə̂ mê, äwäpä nyë wa balë la Krîsiti ndə̂kə̂ pa lo nə̈ ndə̂ tche kangbâ yê, su azə̂ wa gii-ï, ganô mboabô azə̂ mbô ndə̂kə̂ gi azə̂ tʉ̂rʉ tə̂ yê tə̂ lo kə̂ ka ndə̂ yê.

Apökälîbïchi 20:4

Pânə̈ më wûn angendë-gbïɛ̈, ânyë a zâ gbôgbô sə̈ andjanə̈ ndə̂ andjë sə̂ pânə̈ ndə̂kə̂ wa ngbanga. Më wûn ndjë avrö azü ndə̂ a wâ gɨ̈ andjê bëte rə̂ ndə̂ andjë wûnsə̂ apö pâ Jezü ânyë kə̈ nyîsə̂ nə̈, ndjë la pö Ndjapä ndə̂ andjë mû rə̂. Andjë gʉ̂teabô tchâtchâ gia nə̈-a, âdəndjë nyîsɨ̂ yê-a, a gbôâbo ndjë sɨ̂nyî gia nə̈ pâ la andjê âdəndjë pâ könô andjê-a. Andjë jö lə̂ kuzü ânyë kə̈ mbô kümändëmä la Krîsiti lə̂ ngû sâke balë.