Lûke 1:1 - Mbëtï Ndjapä: TÄFO MADƗ̈

¹ Gbölö akrə Tëöfîle, Angbängbä azü pü köbo ndə̂kə̂ mbo mbëtï pâ agbölö arə ndə̂ âwûtu lə̂ gbâtə̂ ârâ.

Lûke 1:1 Iomraidhean Croise

Mâreke 16:20

Âdə andə̂ adjisîpili nə̈, andjê âe katchôgbɛ̂ lakə̂ mu Tchôtchô Pö. Gbölö Gbïɛ̈ zâ gbôgbô sə̈ andjê ndə̂kə̂ mbo rə̂ pä pö Ndjapä watə̂ lëge pö, lə̂ köbosə̂ akpɨ̈ngbɨ̈ rə ndə̂ âza tchêngbâ akua ndə̂ andjê.]

Jâan 20:31

Angâ arə nə̈ ndə̂ a mbô rə̂ lə̂ mbëtï âtə, a mbö rə̂ ndə̂kə̂ pa nyë gamba rə̂ pä Jezü wätə̂ Krîsiti, Modô ndə̂ Ndjapä. Âdə nyë âgamba rə̂, nyê wadje la tchîsûwu lə̂ köbosə̂ yê.

Rômo 14:5

Ngâ akrə wün ngâ lö batə̂ gbölö lö ndə̂ ârô adɨ̂ nə̈. Ngânə̈ wün andə̂ ye nə̈ alö nə̈ gbɛ̂ kütû balë lə̂ köbo nə̈. Äwäpä akrə balë balë wunsə̂ nə̈ tə̂ lëge nə̈ pä pö bhâtə̂ su yê lâme wä lə̂ köbo nə̈.

Rômo 4:21

Tche wûnsə̂ nə̈ nə̂ tə̂ lëge nə̈ bhâtə̂ su yê pä rə ndə̂ Ndjapä zâ bâlâ nə̈, tche kä la gbôgbô ndə̂kə̂ mbo rə̂.

Kölôse 2:2

Më nyïndə̂ nə̈ pä su andjê wa la gbôgbô, äwäpä andjë wa balë lə̂ köbosə̂ kə̂ nyində̂ ngâ, kə̂ gbo atchôtchô arə lə̂ köbosə̂ kə̂ wunsə̂ rə. Käko ânyë andjê wun-adje sə̂ apö ndə̂ Ndjapä nyîkrə rə̂, ndə̂ gbô rə̂ wâ lə̂ küwû nə̈: Pö nə̈ lâme də̈ Krîsiti.

Kölôse 4:12

Ëpäfrâse, ngâ akrə ndə̂ nyê, pô ndə̂ nyê nə̂, tche də̈ earə̂ kua ndə̂ Jezü Krîsiti, gbô tche kä lakə̂ mbo kʉ̈ʉ̈ tə̂ pö ndə̂ nyê. Tche kä lakə̂ yukû nə̈ sə̈ Ndjapä ndə̂kə̂ pa nyë krʉ ndjii-ï, kə̂ kpökpo tə̂ nyê, kə̂ daka gbɛ̂ lə̂ köbosə̂ Yingö ânyë kə̂ sə tchêtchêtchê logbɛ̂, ndə̂kə̂ mbo rə ndə̂ su Ndjapä nyîndə̂ nə̈.

Dokʉ̈ Tësälönîke 1:5

Bëte Tchôtchô Pö ndə̂ ârâ mû rə̂ sə̈ nyê, âdə̂âbo kütû mbämbä pö lə̂ ma-a, praâbalë ârâ mü rə̂ la gbôgbô ndjë lakə̂ za könô ndə̂ Kpɨ̂ki Yingö. Ârâ wünsə̂ nə̈ bhâtə̂ su ârâ pä pö ndə̂ ârâ mû rə̂ lâme wätə̂ lëge nə̈. Nyë wûnsə̂ köbo ndə̂kə̂ sə ndə̂ ârâ lə̂ gbâtə̂ nyê nə̂, ârâ mbö tâ käko ndə̂kə̂ za könô sə̈ nyê.

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Bïchuû Timotë 4:17

Gbölö Gbïɛ̈ la tə̂ yê kä ndə̂ âsə̂ ndrotə̂ mê, tche zä gbôgbô sə̈ mê ânyë mê mû pö ndə̂ yê tə̂ gbölösə̂nə̈, ânyë azü gbɛ̂ ndə̂ andjë wâbô wâtə̂ ajuîfu djê rə̂. Tchâme Gbölö Gbïɛ̈ jî mê lə̂ ma bämalä-ê.

Aheborö 10:22

Käko äwäpä azə̈ gitə̂ azə̂ pu Ndjapä la su azə̂ ndə̂ âwâ djîrə̂, ndjë la su azə̂ ndə̂ azə̈ zâ rə̂ tə̂ lëge nə̈ sə̈ Jezü, la su azə̂ ndə̂ azə̈ wûnsə̂ nə̈ pä âgrô nə̂ gbɛ̂, lakə̂ rɨ tchə̂lə̂ su azə̂ ndə̂ a djûtu rə̂ lə̂ tchôtchô ngû.

Aheborö 6:11

Praâbalë ârâ nyïndə̂ nə̈ pä akrə balë balë gbɛ̂ mbo kütû rə batə̂ anə̈ dokʉ̈tchê lâme ndjoa ëtə̂ manə̈, ânyë nyê gbo arə ndə̂ su nyê krʉ̂ bëte rə̂.