Jâke 5:9 - Mbëtï Ndjapä: TÄFO MADƗ̈

⁹ Arə̂mä, nyë dɨ̈äbô tchə̂lə̂ ma nyê dɨ̂ tə̂ angâ nyê lə̂ gbâtə̂ nyê, ânyë Ndjapä wabô ngbanga wâ lə̂ küma nyê-ê. Nyë wünsaâ! Earə̂ kə̂ wa ngbanga krʉ̂ nə̂ pâ adälä manda.

Jâke 5:9 Iomraidhean Croise

Matiyə̈ 24:33

Käko ndjë nyënyê ndjë gbɛ̂, âdə nyë âsə̈ wun arə lâme ndə̂ âwutu, äwäpä nyë wunsə̂ nə̈ pä Modô ndə̂ Akrə ndô nə̂, tche kä pâ manda ndə̂ nyê.

Mâreke 13:29

Käko ndjë nyënyê gbɛ̂, âdə nyê âsə̈ wun arə lâme ndə̂ âwutu, äwäpä nyë wunsə̂ nə̈ pä Modô ndə̂ Akrə kä tchêtchêtchê, tche kä pâ manda ndə̂ nyê.

Mâreke 6:19

Käko su Hërödîâde kôsə̂ Jâan-Batîse ânyë tche nyîndə̂ kə̂ won tchë, praâbalë tche wâbo la gbôgbô ndə̂kə̂ mbo rə̂-a.

Dokʉ̈ Körɛ̂nte 10:11

Arə lâme wütu alême tə̂ araâta azə̂ ndə̂kə̂ nyisə̂ ngâ rə sə̈ azə̂. A mbö rə̂ lə̂ mbëtï ndə̂kə̂ gbɨtɨ tü azə̂, azə̂ ndə̂ azə̈ wâ ndola sə̂nə̈ ndə̂ tchîsûwu krʉ tâ.

Dokʉ̈ Körɛ̂nte 4:5

Käko âwâbo pä nyë wa ngbanga lə̂ küma akrə dokʉ̈tchê ndə̂kə̂ pa lo nə̈ wutu-a. Nyë krʉ̈ bëte Gbölö Gbïɛ̈, tche ka ânyë. Tchetchë kä ndə̂ âwutuadje la rə ndə̂ âwâ lə̂ küwû nə̈, lə̂ bübü tchô kə̂ za rə̂ ësûwu. Tchê nyiadje sə̂ rə ndə̂ âwâ bhâlə̂ su azü kraâ lə̂ la azü gbɛ̂. Käko Ndjapä gambadje akrə balë balë gundə̂sə̂ kua ndə̂ tche mbô rə̂.

Bïchuû Körɛ̂nte 9:7

Äwäpä akrə balë balë kʉ rə gundə̂sə̂ rə ndə̂ tche nyîkrə rə̂ tə̂ su yê, âdə̂âbo la nyonyo-a, âdəndjë rə̂ pä a za tchë la gbôgbô-a, bëte Ndjapä nyïndə̂ akrə ndə̂ tche kʉ̂ rə la mômô.

Gälâte 5:14

Bëte apö ndə̂ ndïɛ̈ gbɛ̂ krʉ̈ kütû pâ ndïɛ̈ balë: «Äwäpä mo nyində̂ ngâ zə̈ batə̂ tə̂ zə̈ la tə̂ zə̈.»

Gälâte 5:26

Azə̈ mböäbô rə mbô lakə̂ bhi gogo azə̂-ê, azə̈ püäbô angâ azə̂ pû la pö-ê, kə̂ mboabô gʉ rə ndə̂ angâ azə̂ mbô lə̂ gbâtə̂ azə̂-ê.

Jâke 4:11

Arə̂mä, nyë jëndeabô angâ nyê jênde lə̂ gbâtə̂ nyê-ê. Akrə ndə̂ tche jênde ngâ yê, âdəndjë rə̂ ndə̂ tche wâ ngbanga lə̂ küma ngâ yê, dëkë tche jênde ndïɛ̈ nə̂, kə̈ wâ ndjë ngbanga lə̂ küma ndïɛ̈ nə̂. Âdə mo âwa ngbanga lə̂ küma ndïɛ̈, dëkë mo wâbo tə̂ akrə ndə̂ tche mbô rə gundə̂sə̂ ndïɛ̈-a, mo wätə̂ earə̂ kə̂ wa ngbanga lə̂ küma ndïɛ̈.

Jâke 4:12

Ndjapä balë kä ndə̂ âzâ ndïɛ̈, ânyë kə̈ wâtə̂ earə̂ kə̂ wa ngbanga. Tchetchë balë kä ndə̂ âwâ ndə̂kə̂ tcha azü lə̂ kuzü, âdəndjë ndə̂kə̂ mbo rə̂ pä akrə tchu. Momö ndə̂ mo wa ngbanga lə̂ küma angâ zə̈ âtə, mo də̈ tchabâ?

Jâke 5:10

Arə̂mä, tə̂ pö ndə̂ nyonyo lakə̂ rʉatə̂ su lâme, nyë mbö rə̂ batə̂ rə̂ ndə̂ a-earə̂ ndə̂ma Ndjapä ndə̂ andjë tô pö alême la rə̈ Gbölö Gbïɛ̈.

Jâke 5:7

Arə̂mä, nyë rʉ̈ätə̂ su nyê zoo ëtə̂ lo kə̂ ka ndə̂ Gbölö Gbïɛ̈. Nyë wünsa köbo ndə̂ earə̂ kə̂ djo kɨ̈ndɨ̈ rʉatə̂ su yê ndə̂kə̂ krʉ bëte tchôtchô lêlê rəgʉ tchə̂lə̂ kɨ̈ndɨ̈ ndə̂ yê. Tche rʉ̈ätə̂ su yê ndə̂kə̂ krʉ bëte kə̂ nyi ndə̂ adokʉ̈ anyïvrö, la adɨ̂ anyïvrö.

Dokʉ̈ Pîêre 4:5

Praâbalë andjê toadje pö pâ arə ndə̂ andjë mbô rə̂ lâme tchâtchu Ndjapä ndə̂ tche wâ tchêtchêtchê ndə̂kə̂ wa ngbanga pâ azü ndə̂ gbô andjë ndə̂po la tʉ̈rʉ̂ la andjê, la andjanə̈ ndə̂ andjë tchû.

Dokʉ̈ Pîêre 4:9

Nyë kʉ̈ angâ nyê bhândə̂ nyê lə̂ gbâtə̂ nyê, kə̂ poabô pô lə̂ ma nyê la andjê-ê.

Apökälîbïchi 3:20

Wunsaâ, më krʉ̈ pâ manda lakə̂ gʉgʉ rə̂. Âdə ngâ akrə âdje tchə̂lə̂ gɨ̈ mê ânyë kə̈ krô manda nə̈, mê liadje bhâ tchâalê ndə̂ yê, kə̂ zɨadje kɨ̈zɨ̂ la tchë, ânyë tchetchë ndjë gbɛ̂, tchê zɨadje kɨ̈zɨ̂ la mê.