Jâke 5:7 - Mbëtï Ndjapä: TÄFO MADƗ̈

⁷ Arə̂mä, nyë rʉ̈ätə̂ su nyê zoo ëtə̂ lo kə̂ ka ndə̂ Gbölö Gbïɛ̈. Nyë wünsa köbo ndə̂ earə̂ kə̂ djo kɨ̈ndɨ̈ rʉatə̂ su yê ndə̂kə̂ krʉ bëte tchôtchô lêlê rəgʉ tchə̂lə̂ kɨ̈ndɨ̈ ndə̂ yê. Tche rʉ̈ätə̂ su yê ndə̂kə̂ krʉ bëte kə̂ nyi ndə̂ adokʉ̈ anyïvrö, la adɨ̂ anyïvrö.

Jâke 5:7 Iomraidhean Croise

Matiyə̈ 16:27

Bëte Modô ndə̂ Akrə âkadje ngbâ yê la aânje ndə̂ yê lə̂ gbôgbô ndə̂ Bha nə̈. Tchê kʉadje rə ndə̂ akrə balë balë sə̈ tchë gundə̂sə̂ rə ndə̂ tche mbô rə̂.

Matiyə̈ 16:28

Ɛn-ɛn, tə̂ lëge nə̈ më tö rə̂ sə̈ nyê: Angâ azü lə̂ gbâtə̂ nyê tchâtə tchuabô tee-a zoo, kə̂ wun Modô ndə̂ Akrə ndə̂ tche ka batə̂ Gbïɛ̈.»

Matiyə̈ 24:27

Batə̂ rə̂ ndə̂ nyïvrö sro kpôlə̂nyä ânyë ngbänga nə̈ to dəsə̂nə̈ ndə̂ lo wutu tâ kə̂ wutu bhâ sə̂nə̈ ndə̂ lo li tâ lâme, kə̂ ka ndə̂ Modô ndə̂ Akrə âwa me käko.

Matiyə̈ 24:44

Bëte rə̂ kä, nyënyê ndjë gbɛ̂, äwäpä nyë sə tchêtchêtchê, bëte Modô ndə̂ Akrə âkadje ngbâ yê lə̂ dalo ndə̂ nyê wun-abô sə̂nə̈ tee-a.»

Lûke 18:8

Me tö rə̂ sə̈ nyê! Tche âwa tchə̂lə̂ ngbanga ndə̂ andjê gasa-ê. Praâbalë âdə Modô ndə̂ Akrə âkangbâ yê, tchê gboadje azü ndə̂ andjë zâ su andjê sə̈ tchë pâ cho âtə?»

Lûke 21:27

Käko andjê wun-adje Modô ndə̂ Akrə ndə̂ tche ka lə̂ ndrö, la gbôgbô ndə̂ yê gbɛ̂, la golowäre.

Lûke 8:15

Ndjî rəgʉ ndə̂ âtû lə̂ tchôtchô cho wä batə̂ azü ndə̂ andjë djê pö Ndjapä nə̈, ânyë kə̈ bâta rə̂ bhâlə̂ su andjê ndə̂ âwâ djîrə̂ ânyë kə̈ dâka. Andjë kpökpo tə̂ andjê lə̂ angbongbo rə gbɛ̂, ânyë kə̈ lê la köbo nə̈.»

Jâan 21:22

Jezü tô rə̂ sə̈ tchë päkëdə̂: «Âdə mê ânyində̂ nə̈ pä tche sə la tʉ̈rʉ̂ la yê ndjoa tə̂ lo kə̂ ka ndə̂ mê, äwün mö? Momö, amö za tchêngbâ mê.»

Jâan 21:23

Kütû pâ pö lâme, azü ndə̂ Krîsiti tô rə̂ lə̂ gbâtə̂ andjê pä, djisîpili lâme tchuabô andə̂ ye nə̈ tee-a. Praâbalë Jezü tôâbo rə̂ sə̈ Pîêre pä tchê tchuabô tee-a, tche tö rə̂ päkëdə̂: «Âdə mê ânyində̂ nə̈ pä tche sə la tʉ̈rʉ̂ la yê ndjoa ëtə̂ lo kə̂ ka ndə̂ mê, äwün mö?»

Rômo 15:4

Apö gbɛ̂ ndə̂ a mbô rə̂ alême lə̂ Mbëtï Ndjapä, a mbö rə̂ ndə̂kə̂ pa azə̈ wunsə̂ rə lə̂ köbo nə̈. Käko kä ndə̂ Mbëtï Ndjapä zâ köbo sə̈ azə̂ ndə̂kə̂ rʉatə̂ su azə̂, ânyë azə̈ gbo gbôgbô tə̂ su azə̂ ndə̂kə̂ krʉ bëte rə ndə̂ Ndjapä tô pö ndə̂nə̈ lâme.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Dokʉ̈ Körɛ̂nte 1:7

Käko arə ndə̂ Kpɨ̂ki Yingö kʉ̂ rə̂ sə̈ azü, nyë kä la rə̂ gbɛ̂, nyënyê ndə̂ nyë krʉ̂ bëte kə̂ ka ndə̂ Gbölö Gbïɛ̈ ndə̂ azə̂ Jezü Krîsiti lâme.

Gälâte 5:5

Âdə andə̂ azə̈ nə̈, azə̈ zä su azə̂ pâ Ndjapä ndə̂kə̂ pa tche mbo rə̂ ânyë azə̈ wa djîrə̂ lə̂ la yê. Kpɨ̂ki Yingö kä ndə̂ âmbo rə̂ pä azə̈ krʉ bëte rə̂, lə̂ köbosə̂ kə̂ za su azə̂ sə̈ Krîsiti.

Gälâte 6:9

Azə̈ zogoabô zôgo lakə̂ mbo dâkâ-ê, bëte lo nə̈ âtadje tâ ndə̂ azə̈ gboadje rə ngbânə̈, ndə̂ azə̈ gbôâbô gbôtâ-ê.

Kölôse 1:11

Ndjapä mboadje rə̂ ndə̂kə̂ pa nyë kpokpo tə̂ nyê tə̂ gbölösə̂nə̈ lə̂ köbosə̂ gbôgbô ndə̂ yê ndə̂ ânyîsə̂ gbölö ndə̂ yê. Käko lə̂ agbôgbô arə, nyë wä la gbôgbô, kə̂ rʉatə̂ su nyê ndə̂kə̂ krʉ bëte tchë.

Dokʉ̈ Tësälönîke 1:3

Lə̂ la Ndjapä, kua ndə̂ nyê mbo rə̂ lə̂kə̂ za su nyê ndə̂ nyë zâ rə̂ sə̈ Ndjapä lâme, sə̂nə̈ yûâbo tə̂ ârâ-a. Kə̂ nyində̂ angâ nyê ndə̂ âmbo rə̂ pä nyë mbo kua tə̂ gbölösə̂nə̈ lâme, sə̂nə̈ yûâbo tə̂ ârâ-a. Rə ndə̂ nyë krʉ̂ bëte rə̂ la su nyê ndə̂ gbô rə̂ ndə̂po pâ Gbölö Gbïɛ̈ ndə̂ azə̂ Jezü Krîsiti lâme, sə̂nə̈ yûâbo tə̂ ârâ-a.

Dokʉ̈ Tësälönîke 2:19

Käko tə̂ lo ndə̂kə̂ ka ndə̂ Gbölö Gbïɛ̈ Jezü, giamâ kä ndə̂ ârâ za su ârâ pânə̈, giamâ kä âkə̂ watə̂ mômô ndə̂ ârâ, giamâ kä ndə̂ ârâ gbo rə̂ ngbâ kua ndə̂ ârâ mbô rə̂ ndjoa etə̂ manə̈? Âdə̂âbo nyê?

Dokʉ̈ Tësälönîke 3:13

Äwäpä tche za gbôgbô tə̂ su nyê ânyë lo nə̈ ndə̂ Gbölö Gbïɛ̈ kangbâ yê la azü ndə̂ yê gbɛ̂, nyê watə̂ azü ndə̂ andjë wâ ngbî ânyë kə̈ dâka gbɛ̂ tchâtchu Ndjapä Bha azə̂, ndjë la azü ndə̂ pö wâbô wâ lə̂ küma andjê-ê.

Aheborö 6:15

Abrahâmo rʉ̈ätə̂ su yê ânyë rə ndə̂ Ndjapä zâ bâlâ nə̈ tə̂ yê, tche gbô rə̂.

Jâke 4:11

Arə̂mä, nyë jëndeabô angâ nyê jênde lə̂ gbâtə̂ nyê-ê. Akrə ndə̂ tche jênde ngâ yê, âdəndjë rə̂ ndə̂ tche wâ ngbanga lə̂ küma ngâ yê, dëkë tche jênde ndïɛ̈ nə̂, kə̈ wâ ndjë ngbanga lə̂ küma ndïɛ̈ nə̂. Âdə mo âwa ngbanga lə̂ küma ndïɛ̈, dëkë mo wâbo tə̂ akrə ndə̂ tche mbô rə gundə̂sə̂ ndïɛ̈-a, mo wätə̂ earə̂ kə̂ wa ngbanga lə̂ küma ndïɛ̈.

Jâke 5:10

Arə̂mä, tə̂ pö ndə̂ nyonyo lakə̂ rʉatə̂ su lâme, nyë mbö rə̂ batə̂ rə̂ ndə̂ a-earə̂ ndə̂ma Ndjapä ndə̂ andjë tô pö alême la rə̈ Gbölö Gbïɛ̈.

Jâke 5:3

Asökö zâ kʉ̂tê lôlo la mîɛ̈-makətche ndə̂ nyê nə̂ gbɛ̂. Asökö nə̈ lâme kä ndə̂ âyiadje pö lə̂ küma nyê, kə̂ zɨadje mbë nyê batə̂ wo. Tchêbêche ndô tə̂kə̂ krʉ nə̂, praâbalë gbô nyê kä lakə̂ pala arə ndə̂ nyê ëpâ ngânə̈ ëpâ ngânə̈.

Bïchuû Pîêre 3:4

andjê toadje rə̂ päkëdə̂: «Kə̂ za bâlâ ndə̂ Gbölö Gbïɛ̈ zâ rə̂ alême tə̂ pö ndə̂ kə̂ ka ndə̂ yê lâme, pö ndə̂nə̈ wä atöko? Bëte ndə̂nə̈ gû nə̂ ndə̂ arabha azə̂ tchû, gbô arə gbɛ̂ kä gbɛ̂ kpôsə̂nə̈, ndə̂kə̂ to tə̂ lo nə̈ ndə̂ Ndjapä mbô arə gbɛ̂!»