Jâke 5:6 - Mbëtï Ndjapä: TÄFO MADƗ̈

⁶ Nyë wä ngbanga lə̂ küma azü, kə̈ wôn adjîrə̂ azü, andjë dâbo cho la nyê-a.

Jâke 5:6 Iomraidhean Croise

Matiyə̈ 21:38

Praâbalë ndə̂ a-earə̂ kə̂ mbo kɨ̈ndɨ̈ nə̈ âsə̈ wun modô nə̈ lâme, andjë tô rə̂ lə̂ gbâtə̂ andjê päkëdə̂: ‹Earə̂ kə̂ za kɨ̈ndɨ̈ nə̈ ngbâ bha nə̈ kä âtə. Azə̈ êë kə̈ wôn tchë ânyë kɨ̈ndɨ̈ nə̈ wadje tə̂ andə̂ azə̈ nə̈.›

Matiyə̈ 27:20

Agbölö a-earə̂ kə̂ wa ngela sə̈ Ndjapä la akpôkpô azü nə̈ mbô rə̂ gbɛ̂ ndə̂kə̂ pa andjë yukû nə̈ pä a ji Bäräbâse kə̂ won Jezü.

Matiyə̈ 5:39

Mëmê ndə̂ me nə̈, më tö rə̂ sə̈ nyê päkëdə̂: Âwâbo päkëdə̂ nyë mbo ngbongbo rə tə̂ akrə ndə̂ tche mbô ngbongbo rə tə̂ nyê-a. Âdə ngâ akrə ârʉa ngälâ zə̈ də ndôkö, amö dje ndjë balë nə̈ sə̈ tchë tralë tche rʉ̂â rə̂.

Abadjângele 22:14

Tche tô rə̂ sə̈ mê päkëdə̂: ‹Ndjapä ndə̂ araâta azə̂ zä mö ngbî ndə̂kə̂ pa mo wunsə̂ rə ndə̂ tche nyîndə̂ nə̈, mo wun Jezü, ndə̂ tche wâtə̂ gbokôngô djîrə̂ akrə, ânyë kə̂ dje ndjë pö ndə̂ tche to rə̂ sə̈ mö la mama yê.

Abadjângele 7:52

Earə̂ ndə̂ma Ndjapä nə̈bâ kä ndə̂ araâta nyê mbôâbô gbôgbô mbô tə̂ yê? Araâta nyê wön azü ndə̂ andjë tô pö ndə̂kə̂ nə ndə̂ djîrə̂ akrə alême. Angaâtə, nyënyê kä ndə̂ âyôsə̂ djîrə̂ akrə nə̈ ânyë andjë wôn tchë!

Abadjângele 8:32

Pö ndə̂ earə̂ ndə̂ma Ndjapä Ezayï ndə̂ tche sə̂ lakə̂ dɨ rə̂ lâme tö rə̂ päkëdə̂: «A ë la tchë batə̂ ngâ ɛ̈bro-ngbaga ndə̂ azü ê la tchë atə̂ sə̂nə̈ ndə̂ a won agia tâ, batə̂ ngâ ngbavö ɛ̈bro-ngbaga ndə̂ tche kɨ̂âbô kɨ̂ tchâtchâ akrə ndə̂ tche wa su kʉ̂tê yê. Tche sə̈ gii, kə̈ ôn-âbo ma yê balë-a.

Aheborö 10:38

Ndjapä tö rə̂ päkëdə̂: Djîrə̂ akrə ndə̂ mê wadje la tchîsûwu lə̂ köbosə̂ kə̂ za su yê sə̈ mê, praâbalë âdə tche âdotə̂ yê atə̂ ngbânə̈, mê wabô la mômô lə̂ köbosə̂ yê tee-a.»

Jâke 2:6

Praâbalë nyënyê ndə̂ nye nə̈! Nyë tälusə̂ earə̂ yûkü! Âdə̂âbô a-earə̂ rə kä ndə̂ âmbo nyê tə̂ gêgêe nə̈ lâme? Ânyë kə̂ e la nyê kulə̂ anda kə̂ wa ngbanga lâme?

Jâke 4:2

Nyë mbö gʉ arə, kə̈ gbôâbo arə nə̈-a. Nyë won akrə, kə̈ wâ la gbölö su, kə̈ wâbo ndə̂kə̂ gbo rə ndə̂ nyë nyîndə̂ nə̈-a. Nyë bhï küma nyê, kə̂ mbo kʉ̈ʉ̈, kə̈ gbôâbo arə nə̈-a, bëte nyë yûâbo kû nə̈-a.

Dokʉ̈ Pîêre 4:18

Batə̂ rə̂ ndə̂ Mbëtï Ndjapä tö rə̂ päkëdə̂: «Âdə sə̂ rə nə̈ âka tə̂ djîrə̂ akrə ndə̂kə̂ tcha lə̂ kuzü, andə̂ earə̂ ngbongbo su la earə̂ ngbongbo rə âdə atöko?»