Jâke 5:19 - Mbëtï Ndjapä: TÄFO MADƗ̈

¹⁹ Arə̂mâ ndə̂ mê, âdə ngâ akrə lə̂ gbâtə̂ nyê âe tʉ̂rʉ tə̂ lëge pö, ânyë ngâ akrə kâ la tchë lə̂ köbo nə̈,

Jâke 5:19 Iomraidhean Croise

Matiyə̈ 18:15

«Âdə ngâ zə̈ âmbo ngâ ngbongbo rə tə̂ zə̈, amö e kə̂ wun tchë. Momö la tchë bïchuû nyê sə, mo nyisə̂ ngbongbo rə ndə̂ yê sə̈ tchë. Âdə tche âdje mö, dëkë mo kâ la ngâ zə̈ pâ tchôtchô köbo nə̂.

Lûke 22:32

Praâbalë më yü Ndjapä tə̂ zə̈ ndə̂kə̂ pa mo gboabô gbôtə̂ kə̂ za su zə̈ sə̈ mê-ê. Âdə mo âka pu mê nə̂, äwäpä mo kpokpo arə̂mâ ndə̂ zə̈.»

Gälâte 6:1

Arə̂mä, âdə nyë âgbo ngâ akrə lakə̂ mbo ngbongbo rə, nyënyê ndə̂ Kpɨ̂ki Yingö wâ lə̂ nyê, äwäpä nyë ka la tchë pâ tchôtchô köbo tə̂ nyima nə̈. La zə̈ gbö-ê! Ânyë momö ndjë gbɛ̂ ngâ rə vuabô mö vû ndə̂kə̂ pa mo te lə̂ ngbongbo rə-ê.

Dokʉ̈ Timotë 6:10

Bëte chëchë angbongbo arə balë balë gbɛ̂ də̈ kə̂ nyində̂ makətche. Angâ azü gbötə̂ köbo, kə̂ ê tʉ̂rʉ tə̂ su andjê ndə̂ andjë zâ rə̂ sə̈ Krîsiti tə̂ pö ndə̂ kə̂ nyində̂ makətche. Andjë zä nyonyo tə̂ su andjê la tə̂ andjê lə̂ köbosə̂ tchə̂lə̂ küma andjê ndə̂ âdjîngɨli.

Dokʉ̈ Timotë 6:21

Angâ azü gämba apö nə̈ lâme, ânyë kə̈ gbôtə̂ köbo su andjê ndə̂ andjë zâ rə̂ sə̈ Krîsiti lâme. Äfü pä Ndjapä mbo tchôtchô su tə̂ nyê.

Bïchuû Timotë 2:18

Andjë chɛ̂ɛ tə̂ lëge pö nə̈, kə̈ tô rə̂ pä akuzü jô lə̂ kuzü alême nə̂. Käko andjë mbö rə̂ pä angbängbä azü te lə̂ su andjê ndə̂ andjë zâ rə̂ sə̈ Krîsiti lâme.

Aheborö 5:2

Angâ arə kä ndjë tâ ndə̂ âropâ a-earə̂ kə̂ wa ngela sə̈ Ndjapä. Tə̂ pö ndə̂nə̈ kä ndə̂ andjë wâ ndjë ndə̂kə̂ wun nyonyo azü ndə̂ andjë wûn-âbô sə̂ rə wûn la andjanə̈ ndə̂ andjë tchâ köbo.

Jâke 1:16

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë böloabô tə̂ nyê bôlo-ê.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Jâke 3:14

Praâbalë âdə nyê âwa la kïkï gbölö su, ndjë la gʉ ndə̂kə̂ wa gbölö tə̂ angâ nyê, nyë bhïäbô gogo nyê bhî ämbänə̈-ê, lakə̂ mo yepa ndə̂kə̂ ndɨ köbo lëge pö-ê.

Jâke 5:20

äwäpä nyë wunsə̂ nə̈ päkëdə̂: Akrə ndə̂ tche kâ la ngâ earə̂ ngbongbo rə ëpâ köbo ndə̂ tche tchâ rə̂ lâme, dëkë tche mbö rə̂ pä earə̂ ngbongbo rə tcha lə̂ kuzü, kə̈ mbô ndjë rə̂ pä Ndjapä ko angbängbä apö lə̂ küma yê.

Bïchuû Pîêre 3:17

Âdə andə̂ nye nə̈, arə̂mä ndə̂ më nyîndə̂ nyê tə̂ gbölösə̂nə̈, angaâtə a krâ tü nyê nə̂. La nyê gbö-ê, ânyë angbongbo azü lâme boloabô nyê bôlo la angbongbo apö ndə̂kə̂ yu köbo su nyê ndə̂ nyë zâ rə̂ sə̈ Jezü, ndə̂ nyë kpôkpo tə̂ nyê pânə̈ lâme-ê.

Jûde 1:11

Nyonyo kä tə̂ andjê! Bëte andjë zä köbo ngbâ Käyîne, bëte pö ndə̂ makətche, andjë tchä köbo batə̂ Bälâme, andjë tchü bëte andjë älafô la pö batə̂ azü ndə̂ Korë.