Jâke 5:17 - Mbëtï Ndjapä: TÄFO MADƗ̈

¹⁷ Elïe wä ndjë alême tə̂ akrə batə̂ azə̂, tche tô pö sə̈ Ndjapä la su yê gbɛ̂ ndə̂kə̂ pa nyïvrö nyiabô nyî, käko lə̂ ngû vötaâ la nyîpï mïndûu manə̈ balë, nyïvrö nyîâbo pâ cho-a.

Jâke 5:17 Iomraidhean Croise

Lûke 4:25

Tə̂ lëge nə̈ më tö rə̂ sə̈ nyê päkëdə̂: Losə̂ Elïe earə̂ ndə̂ma Ndjapä, nyïvrö nyîâbo lə̂ ngû vötaâ la nyîpï mïndûu manə̈ balë-a, ânyë gʉ zâ gö nə̈ gbɛ̂. Lə̂ lö lâme, aɛ̈chë lə̂ ndavrö ngbä tə̂ gbölösə̂nə̈ lə̂ gö ndə̂ Isarayële.

Abadjângele 10:26

Praâbalë Pîêre kênga tchë ëlafô, kə̈ tô rə̂ sə̈ tchë päkëdə̂: «Alafô, bëte mëmê ndjë gbɛ̂ më də̈ mbämbä akrə.»

Abadjângele 14:15

«Arə̂mä, nyë mbö rə âtə bëte giamâ? Ârâ də̈ ndjë azü batə̂ nyê! Ârâ nə̈ ndə̂kə̂ mu Tchôtchô Pö ndə̂kə̂ pa nyë gbotə̂ köbo andjapä ndə̂ andjë wâbô wâtə̂ ngâ rə lâme-ê, kə̂ dotə̂ nyê pu Ndjapä ndə̂ tche wâ la tchîsûwu. Tchetchë ndə̂ tche mbô tchêlafô la tchêbêche la gbölö ngû ngbro la arə gbɛ̂ ndə̂ âwâ lə̂nə̈.

Rômo 11:2

Ndjapä gbôâbo tə̂ azü ndə̂ yê ndə̂ tche dɨ̂ andjê dokʉ̈tchê alême-a. Nyë wûn-âbo sə̂ pö ndə̂ Mbëtï Ndjapä tô rə̂ päkëdə̂: Elïe sə̈ lakə̂ dɨ tchə̂lə̂ ma yê sə̈ Ndjapä, tə̂ pö ndə̂ kə̂ mbo rə ndə̂ azü ndə̂ Isarayële?

Apökälîbïchi 11:6

Andjë kä la gbôgbô ndə̂kə̂ i tchêlafô, ânyë nyïvrö nyiabô nyî tə̂ lo nə̈ ndə̂ andjë sə lakə̂ to ndə̂ma Ndjapä. Andjë kä la gbôgbô ndə̂kə̂ do ngû tə̂ jï. Andjë kä ndjë la gbôgbô ndə̂kə̂ mbo agbölö arə nyonyo ngbî ngbî pâ cho ëpânə̈ ëpânə̈ batə̂ rə̂ ndə̂ su andjê nyîndə̂ nə̈.