Jâke 5:15 - Mbëtï Ndjapä: TÄFO MADƗ̈

¹⁵ Kə̂ to pö sə̈ Ndjapä lakə̂ za su sə̈ tchë mbö rə̂ pä earə̂ tə̂kömbô nə̈ tcha, ânyë Gbölö gbïɛ̈ kengadje tchë. Âdə tche âmbo ngbongbo rə alêe, Ndjapä âko pö lə̂ küma yê gbɛ̂.

Jâke 5:15 Iomraidhean Croise

Matiyə̈ 17:20

Jezü tô rə̂ ndə̂nə̈ sə̈ andjê päkëdə̂: «Bëte kə̂ za su nyê sə̈ Ndjapä wä kpîɛ̂kpîɛ̂ rə̂. Ɛn-ɛn, tə̂ lëge nə̈ më tö rə̂ sə̈ nyê: Âdə kə̂ za su nyê sə̈ Ndjapä âwa kpîɛ̂kpîɛ̂ rə̂ batə̂ ndjî mütârede, âdə nyê âto rə̂ sə̈ aga âtə päkëdə̂: ‹Amö alafô kə̂ e təbhâ›, aga lâme âro etə̂. Ngâ rə ndə̂ sə̂nə̈ ka tə̂ nyê wabô tee-a.

Jâan 5:14

La tchêngbâ nə̈ Jezü gbô tchë bhâlə̂ gbölö nda Ndjapä kə̈ tô rə̂ sə̈ tchë päkëdə̂: «Wunsaâ, tə̂ zə̈ dâka nə̂, amö ka mbôâbô ngbongbo rə mbô-ê, ânyë ngâ ngbongbo rə kä gboabô mö gbô kə̂ ro anə̈ dokʉ̈tchê lâme-ê.»

Jâan 6:39

Kə̂ mbo rə ndə̂ su tchanə̈ ndə̂ tche wân mê wä ndə̂kə̂ pa azü gbɛ̂ ndə̂ tche kʉ̂ andjê sə̈ mê lâme, âwâbo pä ngânə̈ balë yu-a, praâbalë äwä ndə̂kə̂ pa më jo andjê lə̂ kuzü lə̂ adɨ̂ alö.

Dokʉ̈ Körɛ̂nte 1:21

Bëte azü pâ cho âtə, lə̂ köbosə̂ küma andjê ndə̂ âwâ lanə̈, andjë wûn-âbo sə̂ Ndjapä la küma yê ndə̂ âwâ lanə̈ lâme-a. Ädə̈ käko ânyë âdâka lə̂ la Ndjapä ndə̂kə̂ tcha andjanə̈ ndə̂ andjë zâ su andjê sə̈ tchë kütû lə̂ köbosə̂ pö ndə̂ ârâ mû rə̂, ndə̂ âwâ batə̂ pö nyî lâme.

Bïchuû Körɛ̂nte 4:14

Tə̂ lëge nə̈, azə̈ wûnsə̂ nə̈ nə̂ pä Ndjapä ndə̂ tche jô Gbölö Gbïɛ̈ Jezü lə̂ kuzü, tchê joadje ndjë azə̂ balë la Jezü, kə̂ mboadje rə̂ pä ârâ la nyê wutu tchâtchu yê.

Jâke 1:6

Praâbalë äwäpä tche yukû nə̈ la su yê ndə̂ tche zâ rə̂ sə̈ Krîsiti, kə̂ dɨabô su yê dɨ̂ bïbïchuû pânə̈-ê, bëte akrə ndə̂ tche dɨ̂ su yê bïbïchuû, tche wä batə̂ kpabe tchêla gbölö ngû ngbro ndə̂ yi ro la rə̂ dəkalâ dəkalâ.

Jâke 5:13

Ngâ akrə lə̂ gbâtə̂ nyê kä lə̂ nyonyo? Äwäpä tche to pö sə̈ Ndjapä. Ngâ akrə kä la mômô? Äwäpä tche pa düwü ndə̂kə̂ voga Ndjapä.

Jâke 5:16

Äwäpä nyë tosə̂ angbongbo rə ndə̂ nyê lə̂ gbâtə̂ nyê la angâ nyê, kə̂ to pö sə̈ Ndjapä bëte angâ nyê lə̂ gbâtə̂ nyê, ânyë Ndjapä tcha nyê lə̂ tə̂kömbô ndə̂ nyê. Akrə ndə̂ tche wâ djîrə̂ lə̂ la Ndjapä, ânyë kə̈ tô pö sə̈ tchë, pö nə̈ ndə̂ tche to rə̂ sə̈ Ndjapä nə̈ lâme âwa la gbôgbô ndə̂kə̂ mbo rə tə̂ gbölösə̂nə̈.

Jâke 5:20

äwäpä nyë wunsə̂ nə̈ päkëdə̂: Akrə ndə̂ tche kâ la ngâ earə̂ ngbongbo rə ëpâ köbo ndə̂ tche tchâ rə̂ lâme, dëkë tche mbö rə̂ pä earə̂ ngbongbo rə tcha lə̂ kuzü, kə̈ mbô ndjë rə̂ pä Ndjapä ko angbängbä apö lə̂ küma yê.