Jâke 5:11 - Mbëtï Ndjapä: TÄFO MADƗ̈

¹¹ Nyë wünsaâ! Azə̈ gämba azü ndə̂ andjë kpôkpo tə̂ andjê lə̂ agbôgbô arə lâme. Nyë djê ndə̂ma pö pâ Jôbo ndə̂ tche rʉ̂âtə̂ su yê lâme nə̂, ânyë nyë wûnsə̂ rə ndə̂ Gbölö Gbïɛ̈ kʉ̂ rə̂ sə̈ tchë la tchêngbâ nə̈ nə̂. Bëte Gbölö Gbïɛ̈ wä la tchôtchô su tə̂ gbölösə̂nə̈, lakə̂ wun nyonyo azü.

Jâke 5:11 Iomraidhean Croise

Matiyə̈ 10:22

Azü gbɛ̂ koadje sə̂ nyê bëte rə̈ mê. Praâbalë akrə ndə̂ tche rʉ̂âtə̂ su yê ndjoa ëtə̂ manə̈ tchê tchadje lə̂ kuzü.

Lûke 1:50

Tche mbö dâkâ logbɛ̂ logbɛ̂ tə̂ azü ndə̂ andjë kpê wa yê.

Lûke 11:10

Bëte akrə ndə̂ tche yûkû rə, a âzadje rə̂ sə̈ tchë; akrə ndə̂ tche pû rə, tchê gboadje rə̂; akrə ndə̂ tche gʉ̂gʉ manda, a âkroadje rə̂ sə̈ tchë.

Lûke 6:36

Äwäpä nyë mbo dâkâ batə̂ rə̂ ndə̂ Bha nyê mbô ndjë rə̂.»

Rômo 2:4

Ndjapä mbö tchôtchô rə tə̂ zə̈ tə̂ gbölösə̂nə̈, tche wâbo ngbanga lə̂ küma zə̈ gasa-a, tche rʉ̈ätə̂ su yê ndə̂kə̂ krʉ bëte mö; mo wün rə̂ lə̂ la zə̈ ämbänə̈? Tche mbö tchôtchô rə tə̂ zə̈ ndə̂kə̂ pa mo gbotə̂ bəndɨ kə̂ mbo rə ndə̂ zə̈;

Ëfêze 1:6

Azə̈ vöga Ndjapä ndə̂ tche wâ gbölö, ndə̂ tche mbô tchôtchô su tə̂ azə̂ lə̂ köbosə̂ Modô ndə̂ yê ndə̂ tche nyîndə̂ yê tə̂ gbölösə̂nə̈.

Ëfêze 2:4

Praâbalë Ndjapä wün nyonyo azə̂ tə̂ gbölösə̂nə̈, bëte tche nyïndə̂ azə̂ tə̂ gbölösə̂nə̈.

Aheborö 10:39

Azə̈ də̂âbo azü ndə̂ andjë dôtə̂ andjê atə̂ ngbânə̈ ânyë köbo yu tə̂ andjê-a. Praâbalë azə̈ də̈ azü ndə̂ azə̈ zâ su azə̂ sə̈ Jezü ndə̂kə̂ tcha lə̂ kuzü.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Aheborö 3:6

Praâbalë Krîsiti mbö kua nə̈ lə̂ köbo nə̈ batə̂ Modô ndə̂ a zâ tchë tə̂ küma nda Ndjapä nə̈. Azə̈ kä ndə̂ âwâtə̂ nda nə̈, âdə azə̂ âbata su azə̂ gbɛ̂ pâ rə ndə̂ su azə̈ krʉ̂ bëte rə̂ la mômô.

Jâke 1:12

Mômô kä tə̂ akrə ndə̂ tche rʉ̂âtə̂ su yê lə̂ arə gbôgbô, bëte âdə tche ârʉatə̂ su yê lə̂ arə gbôgbô nə̈ lâme nə̂, kə̂ gboadje kurône ndə̂ tchîsûwu, ndə̂ Ndjapä zâ bâlâ nə̈ sə̈ azü ndə̂ andjë nyîndə̂ yê.

Jâke 1:2

Arə̂mâ ndə̂ mê, äwäpä su nyê wa la mômô lə̂ arə gbôgbô gbɛ̂ ndə̂ âgbo nyê.

Dokʉ̈ Pîêre 1:13

Bëte rə̂ kä, äwäpä nyë nyikrə su nyê ndə̂kə̂ mbo kua, nyë wünsə̂ kə̂ kitə̂ gʉ su nyê, kə̂ zä su nyê gbɛ̂ ndə̂kə̂ krʉ bëte tchôtchô rə ndə̂ nyê gboadje rə̂ tə̂ lo ndə̂kə̂ ka ndə̂ Jezü Krîsiti.

Dokʉ̈ Pîêre 3:14

Âdə nyë âwun ndjë yûkü tə̂ pö ndə̂ djîrə̂ rə ndə̂ nyë mbô rə̂, nyë kä la mômô. Nyë mböämbô wa ngâ akrə balë mbô-ê, tchə̂lə̂ küma nyê djïngɨliabô djîngɨli-î.

Bïchuû Pîêre 2:9

Käko Gbölö Gbïɛ̈ wä ndə̂kə̂ ji adjîrə̂ azü ndə̂ andjë zâtə̂ andjê gbɛ̂ sə̈ tchë ânyë kə̂ wun yûkü. Tche wä ndjë ndə̂kə̂ nyikrə sə̂ angbongbo azü ndə̂kə̂ pa tche mbo andjê la yûkü tə̂ lo kə̂ wa ngbanga.