Jâke 4:8 - Mbëtï Ndjapä: TÄFO MADƗ̈

⁸ Nyë gïtə̂ nyê ndola Ndjapä, ânyë tche giadje ndjë tə̂ yê ndola nyê. Nyënyê ndə̂ a-earə̂ ngbongbo rə, nyë grʉ̈ bata ngbongbo rə grʉ̂-ê, nyënyê ndə̂ su nyê wâ bïbïchuû âtə! Nyë djütu tchə̂lə̂ su nyê.

Jâke 4:8 Iomraidhean Croise

Matiyə̈ 12:33

«Âdə ngâ yö âwatə̂ tchôtchô nə̈, lêlê nə̈ âwadje ndjë tə̂ tchôtchô nə̈. Âdə yö âwatə̂ ngbongbo nə̈, lêlê nə̈ wadje ndjë tə̂ ngbongbo nə̈. Bëte a wünsə̂ yö tə̂ lêlê nə̈.

Matiyə̈ 15:2

«Bëte giamâ kä ndə̂ adjisîpili ndə̂ zə̈ kôsə̂ ndïɛ̈ ndə̂ araâta, ânyë kə̈ djûtuabô könô andjê djûtu dokʉ̈tchê ânyë kə̂ zɨ rə?»

Matiyə̈ 27:24

Ndə̂ Pïlâte âsə̈ wun rə̂ pä anyë mbô rə̂ nə̂ tʉrʉ-ê, ânyë azü nə̈ âlafô la pö tə̂ gbölösə̂nə̈, tche zâ ngû kə̈ djûtu könô yê tchâtchu kpûlû azü nə̈ lakə̂ to rə̂ päkëdə̂: «Pö ndə̂ jï köchë âtə wâbo lə̂ küma mê-a, äwün kütû nyê.»

Abadjângele 15:9

Lə̂ la yê, azə̈ la andjê wä balë. Ndjapä djütu su andjê bëte rə̂ ndə̂ andjë zâ su andjê sə̈ Jezü.

Bïchuû Körɛ̂nte 7:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, atchôtchô arə ndə̂ Ndjapä zâ bâlâ nə̈ lâme wä bëte azə̂. Käko, äwäpä azə̈ djutu angbongbo rə gbɛ̂ ndə̂ tə̂ azə̂ la andə̂ vrö azə̂ ndə̂kə̂ pa azə̈ daka gbɛ̂ lə̂ köbosə̂ kə̂ zatə̂ azə̂ gbɛ̂ lakə̂ kpe wa Ndjapä.

Dokʉ̈ Timotë 2:8

Më nyïndə̂ nə̈ pä aköchë to pö sə̈ Ndjapä kusə̂ tchô gbɛ̂, lakə̂ kenga könô andjê atə̂ lafô, könô ndə̂ âwâ ngbî ânyë kə̈ dâka gbɛ̂. Âwâbo pä andjë to pö nə̈ sə̈ tchë la mêrâ-a, âdəndjë lakə̂ gama andjê lə̂ gbâtə̂ andjê-a.

Aheborö 10:22

Käko äwäpä azə̈ gitə̂ azə̂ pu Ndjapä la su azə̂ ndə̂ âwâ djîrə̂, ndjë la su azə̂ ndə̂ azə̈ zâ rə̂ tə̂ lëge nə̈ sə̈ Jezü, la su azə̂ ndə̂ azə̈ wûnsə̂ nə̈ pä âgrô nə̂ gbɛ̂, lakə̂ rɨ tchə̂lə̂ su azə̂ ndə̂ a djûtu rə̂ lə̂ tchôtchô ngû.

Aheborö 7:19

Bëte ndïɛ̈ ndə̂ Möyîze mbôâbo rə̂ pä akrə daka tchâtchu Ndjapä-a. Praâbalë a zâ ngâ rə ndə̂ âdâka gbɛ̂ ndə̂ su azə̂ wâ pânə̈ sə̈ azə̂ nə̂, lə̂ köbosə̂ nə̈ kä ndə̂ azə̈ wadje ndə̂kə̂ gitə̂ azə̂ pu Ndjapä.

Jâke 1:8

Bëte tche wätə̂ akrə ndə̂ tche dɨ su yê bïbïchuû, kə̈ wûn-âbo sə̂ rə ndə̂ tche nyîndə̂ kə̂ mbo rə̂-a.

Jâke 3:17

Küma ndə̂ âwa lanə̈, ndə̂ âtô bhâ lafô mbö rə̂ pä akrə wa tə̂ dokʉ̈ nə̈ la grôgrô su, pânə̈ âmbo rə̂ pä azü sə la zɨtɨ su, kə̂ mbo rə nyima-ë, kə̂ djetə̂ andjê lə̂ gbâtə̂ andjê, kə̂ sɨ̂sɨ̈ lakə̂ wun nyonyo azü, lakə̂ mbo tchôtchô rə tə̂ andjê. Akrə ndə̂ küma yê wâ lanə̈, tche sə̂âbo dəndə̂ ngâ akrə balë-a, kə̂ mbôâbo rə ngbî tə̂ pö ma yê-a.

Dokʉ̈ Pîêre 1:22

A djûtu ngbongbo rə ndə̂ nyê nə̂ lə̂ köbosə̂ nə̈ ndə̂ nyë mbô rə gundə̂sə̂ lëge pö, lakə̂ nyində̂ angâ nyê la su nyê balë lâme. Käko nyë nyïndə̂ angâ nyê lə̂ gbâtə̂ nyê la grôgrô su, kə̂ sə kpôtâ.

Dokʉ̈ Pîêre 3:21

Rə lâme wä batə̂ nyîsɨ̂ batɛ̂me ndə̂ âtcha nyê angaâtə. Batɛ̂me nə̈ lâme djûtuabô kâkpö ndə̂ âwatə̂ kpoto nyê-a, praâbalë äwätə̂ kə̂ zatə̂ akrə sə̈ Ndjapä, ndə̂kə̂ pa kə̂ rɨ tchə̂lə̂ su yê wabô wâ la ngâ ngbongbo rə balë-ê. Ârə̂ kä âkə̂ tcha nyê lə̂ köbosə̂ kə̂ jo ndə̂ Jezü Krîsiti lə̂ kuzü.

Dokʉ̈ Jâan 3:3

Akrə ndə̂ tche zâ su yê pâ pö lâme, äwäpä tche ji ngbongbo rə lə̂ yê, bëte Krîsiti wâbo la ngbongbo rə lə̂ yê-a.