Jâke 4:7 - Mbëtï Ndjapä: TÄFO MADƗ̈

⁷ Käko äwäpä nyë dje ma Ndjapä, kə̂ dacho la Jâbolo ânyë tche kpe tə̂ nyê ngrɨ̈ bhâchï.

Jâke 4:7 Iomraidhean Croise

Matiyə̈ 11:29

Nyë zä kʉ̂ngbô ndə̂ mê ndə̂ âlûâbô lû-î, kə̂ gbotə̂ köbo sə̈ mê ndə̂kə̂ pa më nyisə̂ rə sə̈ nyê! Bëte më wâbo tə̂ akrə ndə̂ mê mbo gbôgbô tə̂ azü-a, kə̈ pûâbo ndjë gbölö tchô-a. Nyê gboadje tchô ndə̂kə̂ yatə̂ nyê tâ.

Abadjângele 26:19

«Gbïɛ̈ Agripä, bëte rə̂ kä, më kʉ̂âbo sə̂kə̂ kosə̂ tchêngbâ lü ndə̂ âtô bhâ lafô ânyë kə̈ nə̂ lâme-a.

Abadjângele 9:6

Praâbalë amö alafô, kə̈ lî atə̂lə̂ gö nə̈, a âtoadje sə̂ rə ndə̂ mo wâ ndə̂kə̂ mbo rə̂.»

Rômo 10:3

Köbo ndə̂ Ndjapä nyîkrə rə̂ ndə̂kə̂ pa akrə za rə̂ ânyë kə̂ wa djîrə̂ lə̂ la yê, ajuîfu wûn-âbo sə̂nə̈-a. Andjë nyïkrə andə̂ andjê köbo nə̈, ânyë kə̈ kôsə̂ köbo ndə̂ Ndjapä nyîkrə rə̂ ndə̂kə̂ pa akrə za rə̂ ânyë kə̂ wa djîrə̂.

Rômo 14:11

Mbëtï Ndjapä tö rə̂ päkëdə̂: «Mëmê, Gbölö Gbïɛ̈ ndə̂ më wâ la tʉ̈rʉ̂ la, më dëba päkëdə̂: Azü tchêbêche gbɛ̂ gʉteadje tchâtchâ mê, ânyë azü gbɛ̂ vogadje mëmê Ndjapä.»

Ëfêze 4:27

Nyë gböäbô gbôtə̂ köbo sə̈ Jâbolo-ê.

Ëfêze 5:21

Nyënyê ndə̂ nyê kpe wa Krîsiti, äwäpä nyë dje ma angâ nyê lə̂ gbâtə̂ nyê.

Ëfêze 6:13

Bëte rə̂ kä, nyë kʉ̈ arə kʉ̈ʉ̈ ndə̂ Ndjapä gbɛ̂! Käko ânyë nyê dacho, kə̂ krʉ̈ lafô lə̂ ngbongbo lö, ânyë kə̂ mbo kʉ̈ʉ̈ nə̈ zoo ëtə̂ manə̈.

Aheborö 12:9

Arabha azə̂ pâ cho âtə bhï azə̂ ndə̂kə̂ kä la azə̈ pâ tchôtchô köbo, azə̈ kä lakə̂ kpe wa andjê. Ndə̂ âdə̂ käko, azə̈ wä ndjë ndə̂kə̂ dje ma Bha azə̈ tə̂ gbölösə̂nə̈, ndə̂ tche sə̂ bhâ lafô, ânyë azə̈ gbo tchîsûwu ndə̂ azə̂.

Dokʉ̈ Pîêre 2:13

Äwäpä nyë dje ma azü gbɛ̂ ndə̂ andjë wâ la kümändëmä pâ azü pâ cho âtə, bëte nyë də̈ azü ndə̂ Gbölö Gbïɛ̈ Jezü: Nyë djë ma gbölö gbïɛ̈ ndə̂ tchêbêche, ndə̂ tche wâ la gbölö kümändëmä pâ adɨ̂ agbïɛ̈ gbɛ̂.

Dokʉ̈ Pîêre 5:6

Nyë mbötə̂ nyê kpîɛ̂kpîɛ̂ rə̂ tchâtchâ könô Ndjapä ndə̂ âwâ la gbôgbô, ânyë tche za gbölö tchô sə̈ nyê tə̂ lo nə̈ ndə̂ tche nyîkrə rə̂.