Jâke 4:6 - Mbëtï Ndjapä: TÄFO MADƗ̈

⁶ Praâbalë Ndjapä kä mbô dâkâ tə̂ azü ârô masə̂nə̈, bëte rə̂ kä ndə̂ Mbëtï Ndjapä tô rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»

Jâke 4:6 Iomraidhean Croise

Matiyə̈ 13:12

Bëte akrə ndə̂ tche wâ la rə, a âkʉadje ngânə̈ ëpânə̈ sə̈ tchë, ânyë tche wa la rə tə̂ gbölösə̂nə̈; praâbalë akrə ndə̂ tche wâbô wâ la rə-ê, a âji ndjë kpîɛ̂kpîɛ̂ nə̈ ndə̂ tche wâ la rə̂.

Matiyə̈ 23:12

Akrə ndə̂ tche mbôtə̂ yê gbölö, a âmboadje tchë, tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë, tche wa gbölö.»

Lûke 1:52

Tche nyöto agbïɛ̈ pâ mbätä-gbïɛ̈ ndə̂ andjê atə̂ bêche, kə̈ kênga azü ndə̂ andjë mbôtə̂ andjê kpîɛ̂kpîɛ̂ rə̂ atə̂ lafô.

Lûke 14:11

Bëte akrə ndə̂ tche mbôtə̂ yê gbölö, a âmboadje tchë tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë tche wa gbölö.»

Lûke 18:14

Jezü kâ tö rə̂ päkëdə̂: «Më tö rə̂ sə̈ nyê: Earə̂ kə̂ pala makətche-lapöo lâme âsə̈ gu atə̂ndə̂ yê, dëkë tche dâka tchâtchu Ndjapä nə̂, âdə̂âbo farizïɛ̈n lâme-a. Bëte akrə ndə̂ tche mbôtə̂ yê gbölö, a âmboadje tchë, tche wa kpîɛ̂kpîɛ̂ rə̂, ânyë akrə ndə̂ tche mbôtə̂ yê kpîɛ̂kpîɛ̂ rə̂, a âmboadje tchë, tche wa gbölö.»

Jâke 4:10

Äwäpä nyë mbotə̂ nyê kpîɛ̂kpîɛ̂ rə̂ tchâtchu Gbölö Gbïɛ̈, ânyë tchê kengadje nyê.

Dokʉ̈ Pîêre 5:5

Nyënyê ndjë gbɛ̂, abechë-ɛ̈köchë la abechë-ɛ̈chë, nyë djë ndjë ma akpôkpô azü ndə̂ Egilîze. Nyënyê gbɛ̂, äwäpä nyë mbotə̂ nyê kpîɛ̂kpîɛ̂ rə̂ lə̂kə̂ sə ndə̂ nyê lə̂ gbâtə̂ nyê, bëte Mbëtï Ndjapä tö rə̂ päkëdə̂: «Ndjapä kösə̂ azü ndə̂ andjë nyisə̂ tə̂ andjê, praâbalë tche mbö tchôtchô su tə̂ azü ndə̂ andjë mbotə̂ andjê kpîɛ̂kpîɛ̂ rə̂.»